Charles Richet

Saka Wikipédia Jawa, bauwarna mardika basa Jawa
(Kaelih saka Charles Robert Richet)
Charles Richet

Charles Robert Richet (Paris, 25 Agustus 1850, séda tanggal 4 Dhésèmber 1935) inggih punika salah satunggaling ahli wonten ing ngèlmu fisiologi Perancis ingkang miwiti manéka panalitén, kados ta neurokimia, sistem pencernaan, termoregulasi kéwan kéwan "berdarah panas" utawi ingkang asring dipunsebut minangka Homoiterm, lan ugi babagan sistem pernafasan. Piyambakipun dipunparingi gelar profesor wonten ing babagan ngèlmu fisiologi déning Collège de France wonten ing taun 1887 lan ugi dados anggota Académie de Médecine nalika ing taun 1898. Wonten ing taun 1914, piyambakipun kagabung kaliyan Académie des Sciences.[1]

Karya[besut | besut sumber]

Piyambakipun menangaken Bebungah Nobel wonten ing babagan fisiologi lan kadhokteran nalika taun 1913 kanthi karyanipun babagan anafilaksis (istilah Charles Robert Richet kanggéé kaanan reaksi alergi). Panalitén punika mbiyantu ngandharaken kathah prakawis wonten ing babagan medis kados ta asma lan ugi ngandharaken sapérangan kasus intoksikasi lan séda dadakan ingkang sadéréngipun boten saged dipunmangertosi.[2]

Charles Robert Richet inggih punika sosok utawi tokoh ingkang gadhah "ketertarikan" wonten ing kathah disiplin ngèlmu kalebet ugi sajarah, sosiologi, filsafat, psikologi, seni drama sarta sajak.

Piyambakipun ugi tumemen wonten ing babagan hipnosis. Nalika taun 1891, Charles Robert Richet mungkasaken Annales des sciences psychiques. Piyambakipun ugi gadhah gayutan kaliyan para ahli supranatural wonten ing jamanipun, kados ta Albert von Schrenck-Notzing lan ugi Frederic William Henry Meyers. Nalika taun 1905 Robert Richet dados ketua saking Society for Psychical Research wonten ing nagara Inggris. Piyambakipun lajeng ngawontenaken sawijining ékspérimén kaliyan Marthe Béraud, Elisabette D'Espérance, William Eglinton lan Stefan Ossowiecki, saking asiling panaliténipun punika, piyambakipun damel "ektoplasma".[3]

Parapsikologi[besut | besut sumber]

Minangka salah satunggaling panaliti Robert Richet gadhah "ketertarikan" babagan andharan fisik kanggé fenomena (kadadosan) paranormal.[4] Piyambakipun lajeng ngrembag téyori babagan fenomena paranormal wonten ing bukunipun ingkang gadhah judhul Our Sixth Sense (1928).[5] Piyambakipun ugi ngandharaken bilih sapérangan prastawa mediumship saged dipunandharaken kanthi fisik amargi proyeksi eksternal zat bahan (ektoplasma) saking badan medium.[6]

Pranala njaba[besut | besut sumber]

Cathetan suku[besut | besut sumber]

  1. Charles Richet Biography
  2. The Nobel Prize in Physiology or Medicine
  3. "Past Presidents | Society for Psychical Research". Diarsip saka sing asli ing 2016-03-28. Dibukak ing 2013-01-23.
  4. Alvarado, C. S. (2006). Human radiations: Concepts of force in mesmerism, spiritualism and psychical research. Journal of the Society for Psychical Research, 70, 138–162.
  5. Richet, C. (nd, ca 1928). Our Sixth Sense. London: Rider. (First published in French, 1928)
  6. Richet, C. (1923). Thirty Years of Psychical Research. New York: Macmillan. (Translated from the second French edition)