Candhi Plaosan

Saka Wikipédia Jawa, bauwarna bébas abasa Jawa
Salah sawijining candhi Buda kembar utama Plaosan Lor, ing Kacamatan Prambanan, Klaten, Jawa Tengah saka dinasti Sailendra abad ke-9 jaman Karajan Mataram Kuno.

Candhi Plaosan ya iku sebutan kanggo komplèks candhi kang manggon ing Dukuh Plaosan, Désa Bugisan, Kacamatan Prambanan, Kabupatèn Klathèn, Provinsi Jawa Tengah, Indonésia. Candhi iki kira-kira 1 kilomèter menyang arah timur-laut saka Candhi Sewu atawa Candhi Prambanan. Onone kemuncak stupa, arca Buda, saha candhi-candhi perwara (pendamping/kecil) kang bentukané stupa nandaaké manawa candhi-candhi mau kagolong candhi Buda. Komplèks iki dibangun abad ke-9 déning Raja Rakai Pikatan lan Sri Kahulunan ing jaman Karajan Medang, utawa saha dikenal kanthi jeneng Karajan Mataram Kuno, kanggo bukti katresnanan Rakai Pitakan marang Pramudya Wardhani[1]. .

Candhi Plaosan iki duwé kaunikan dibandingake candhi liyanè, kaya ta: kaloro candhi kang kembar lan dasaran èmper kang alus. Candhi iki uga ana figur Vajrapani, Amitbha, lan Prajnaparamitha [2]. saliyané iki, emper candhi Plaosan luwih alus manawa dibandingake karo candhi-candhi liya kang dibangun ing masa kang pada. Hal mau salajenge munculake anggapan Candhi Plaosan biyèn difungsiake kanggo papan penyimpanan naskah-naskah kanonik gone para Pendeta Buda[3].

Candhi Plaosan Lor[besut | besut sumber]

Candhi Plaosan Lor kang dumunung ing sisih lor wétan Candhi Prambanan

Candhi Plaosan Lor nduwè 2 candhi utama kang dhuwur è 21 mèter. Dawané témbok sing nglilingi candhi iku 50 mèter lan ambané 14 mèter.Ing témbok iku ana gambar Bodhisattva, Kinnara lan dewi-dewi[4].

Candhi Plaosan Kidul[besut | besut sumber]

Candhi Plaosan Kidul ana ing sak kidulè Candhi Plaosan Lor, kapisah saka dalan gedhè. Candhi utama ing candhi Plaosan Kidul iki namung sisa runtuhanè. sing isih ngadheg namung candhi perwara[5].

Uga delengen[besut | besut sumber]

Lokasi[besut | besut sumber]

cathetan Suku[besut | besut sumber]

  1. ^ www.jogjatrip.com :CANDI PLAOSAN (diunduh tanggal 3 Oktober 2012)
  2. ^ www.yogyes.com:CANDI PLAOSAN - Candhi Kembar di Yogyakarta (diunduh tanggal 3 Oktober 2012)
  3. ^ Plaosan, Candhi Kembar yang Menakjubkan (diunduh tanggal 13 februari 2013)
  4. ^ www.candhidiy.tripod.com: CANDI PLAOSAN (diunduh tanggal 3 Oktober 2012)
  5. ^ www.candhi.pnri.go.id :CANDI PLAOSAN (diunduh tanggal 3 Oktober 2012)

Pranala njaba[besut | besut sumber]

Candhi Plaosan