Candhi Ngawèn

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Candhi Ngawèn

Candhi Ngawèn iku candhi Buda sing dumunung watara 5 km sadurungé candhi Mendut saka arah Yogyakarta, ya iku ing désa Ngawèn, kacamatan Muntilan, Magelang. Miturut prakiran, candhi iki diyasa déning wangsa Syailendra ing abad angka 8 ing jaman Karajan Mataram Kuna. Anané candhi Ngawen iki kamungkinan gedhé sing ingaran sajeroning prasasti Karang Tengah ing taun 824 M.

Candhi iki dumadi saka 5 candhi cilik, loro ing antarané duwé wangun sing béda lan dipaès nganggo reca singa ing saben pojoké. Sawijining reca Buda kanthi posisi lungguh Ratnasambawa sing wis ora ana sirahé katon dumunung ing salah siji candhi liyané. Sawetara relief ing sisih candhi isih katon cukup cetha, antarané wujud ukiran Kinnara, Kinnari, lan kala-makara.