Situs Ratu Baka

Saka Wikipédia Jawa, bauwarna bébas abasa Jawa
Ratu Baka
Ratuboko Gate.jpg
Gerbang kompleks Ratu Boko
Situs Ratu Baka is located in Java
Situs Ratu Baka
Location within Java
Tetélan pokok
Cakrik yasan kompleks kraton
Kutha Cerak Kutha Yogyakarta, DIY
Nagara Indonésia
Rampung kira-kira abad ka-8
Klièn Wangsa Sailendra utawa Karajan Medang Mataram
Situs Ratu Baka ingkang dunungipun wonten ing sakidulipun Candhi Prambanan

Situs Ratu Baka inggih punika wangunan tilaranipun Karajan Mataram Kina ingkang wonten ing Provinsi Daerah Istimewa Yogyakarta.[1] Wangunan punika wonten ing sisih kidulipun Candhi Prambanan, jarak antawisipun kalih candhi punika kinten-kinten 3 km.[2] Situs Ratu Baka dipunyasa ing wekdal pamarintahanipun Rakai Pangkaran, salah satunggalipun trah katurunan Wangsa Syailendra.[1] Kompleks Situs Ratu Baka punika wiwitanipun kapanggih déning van Boeckhlotz ing taun 1790.[2] Ananging nembé satunggal atus taun salajengipun, panaliten dhateng situs punika nembé dipunwontenaken lan dipunpublikasikaken ing buku Karaton van Ratoe Boko.[2] Miturut pamanggih para ahli sajarah, situs ingkang awujud candhi punika gadhah multifungsi, inggih punika minangka bénthèng karaton, panggènan ngibadah, lan guwa.[2] Jembar sadaya areal candhi ingkang wonten ing 196 m ing sanginggilipun lumah laut punika inggih punika 250.000 méter kubik.[2] Situs punika kapérang saking sekawan wangunan, sisih kilèn, wétan, lan tengahipun. Wangunan candhi punika kapérang saking wangunan gapura utami, lapangan, candhi pembakaran, kolam, lan kompleks keputren.[2] Ing sisih wangunan punika ugi wonten sumur ingkang namanipun Amerta Mantana ingkang tegesipun toya suci.[2] Ing sisih wétanipun wonten kompleks guwa, stupa Buda, lan kolam.[2] Lan ing sisih kilènipun wonten perbukitan ingkang narik kawigatén kanggé papan lérèn sasampunipun kliling situs candhi punika.[2]

Cathetan suku[besut | besut sumber]

  1. ^ a b [Soetarno, Drs. R. 2002. Aneka Candhi Kuno di Indonésia. Semarang:Dahara Prize]
  2. ^ a b c d e f g h i Biografi Mardiyanto dipunundhuh tanggal 1 Agustus 2011)

Pranala njawi[besut | besut sumber]