Candhi Mendut

Saka Wikipédia Jawa, bauwarna bébas abasa Jawa
Sana Warisan Donya UNESCO
Candhi Mendut
Janeng ing Pratélan Warisan Donya
Mendut Temple Afternoon.jpg
Jinis Budaya
Wewaton i, iv
Tlatah UNESCO Asia Pasifik
Gambar:COLLECTIE TROPENMUSEUM De Candhi Mendut TMnr 10015974.jpg
Reruntuhan candhi Mendut sadurungé dipugar, taun 1880.
Gambar:Mendut Temple Indonésia.JPG
Candhi Mendut taun 2011

Candhi Mendut iku candhi mawa latar wuri agama Buddha. Candhi iki dumunung ing désa Mendut, kacamatan Mungkid, Kabupatèn Magelang, Jawa Tengah, sawetara kilomèter saka candhi Barabudhur. Candhi bisa diarani minangka lawang tumuju candhi Pawon lan candhi Barabudur.[1]

Mangsa pembangunan[besut | besut sumber]

Candhi Mendut diadegaké samangsa pamaréntahan Raja Indra saka dinasti Syailendra. Jroning prasasti Karangtengah sing mawa tarikh 824 Masèhi, disebutaké yèn raja Indra wis mbangun bangunan suci kanthi jeneng wenuwana sing tegesé alas pring. Déning ahli arkéologi Walanda J.G. de Casparis, tembung iki dihubungaké karo Candhi Mendut. Miturut sajarah, ing taun 1836 sakebehing bangunan candhi Mendut ditemokake kajaba bageyan payone. Candhi iki ketutupan ing sangisore tumpukan semak-semak mbokmenawa jalaran njebluge gunung Merapi utawa lindu.[1] Ing taun 1887, candhi mendhut didandani wiwit saka sikil tekan awak candhi. Asil saka rehabilitasi iki durung kaya kang dikarepake. Mula ing taun 1908, Van Erp nerusake ndandani candhi mendhut bebarengan karo candhi borobudur. Nanging upadaya iki uga durung nuwuhake asil kang sampurna jalaran kesandhung kurange dana bangsa Walanda. Sawise mandheg kurang luwih 38 taun, ing taun 1925, candhi mendhut didandani manèh.

Arsitektur candhi[besut | besut sumber]

Bahan bangunan candhi sakbeneré arupa bata sing ditutupi nganggo watu alam. Bangunan iki mapan ing sawijining basement sing dhuwur, saéngga katon luwih anggun lan kuwat. Trap munggah lan lawang mlebu madhep ngidul-kulon. Sadhuwuring basement ana lurung sing ngubengi awak candhi. Payoné tingkat telu lan direngga nganggo stupa-stupa cilik. Cacahing stupa-stupa cilik sing kapasang saiki ana 48 iji.

Dhuwur bangunan ya iku 26,4 mèter.

Rujukan[besut | besut sumber]

  • (en) Marijke J. Klokke, 1993, The Tantri Reliefs on Ancient Javanese Candhi. Leiden: KITLV Press.
  • (nl) N.J. Krom, 1918, ‘De Boddhisatwa’s van den Mĕndut’, Bijdragen to de Taal-, Land- en Volkenkunde 74:419-37.
  • (id) L. Mardiwarsito, 1983, Tantri Kāmandaka. Ende: Nusa Indah/Kanisius.

Cathetan suku[besut | besut sumber]

  1. ^ a b (id) Moertjipto& Prasetyo, Bambang. 1993. Borobudur, Pawon, dan Mendut. Yogyakarta: Kanisius. (Kaca 67)
Sumber artikel punika saking kaca situs web: "https://jv.wikipedia.org/w/index.php?title=Candhi_Mendut&oldid=1048947"