Masjid Agung Jawa Tengah
| Masjid Agung Semarang | |
Masjid Agung Semarang |
|
| Informasi dhasar | |
|---|---|
| Dunung | Semarang, Jawa Tengah, Indonesia |
| Afiliasi agama | Islam |
| Dhèskripsi arsitèktur | |
| Jinis arsitèktur | Masjid |
| Pambukaan lemah | 10.000 M2 |
| Taun rampung | 14 November 2006 |
| Spesifikasi | |
Masjid Agung Jawa Tengah kang uga diarani Masjid Agung Semarang yaiku salah sawijining masjid paling megah ing Indonesia.[1] Masjid kanthi arsitèktur kang èndah iki wiwit dibangun nalika taun 2001 lan dadi ing taun 2006.[1] Komplèks masjid yaiku gedhong utama ambane 7.669 m2 dene latare ambane 7.500 m2.[1] Masjid Agung Jawa Tengah ana ing dalan Gajah Raya, ing Desa Sambirejo, Gayamsari, Semarang, Kecamatan Gayamsari, Semarang, Kutha Semarang.[2] Masjid iki dibangun wiwit dina Jumat, 6 Septèmber 2002 kanthi dipasangé tiang pancang utawa saka sing sepisanan dèning Menteri Agama RI Prof. Dr. H. Said Agil Husen al-Munawar, KH. MA Sahal Mahfudz lan Gubernur Jawa Tengah, H. Mardiyanto.[3] Pemasangan tiang pancang pisanan kuwi uga dirawuhi pitu duta besar saka negara-negara sahabat, ing antarané Arab Saudi, Uni Emirat Arab, Qatar, Kuwait, Mesir, Palestina, lan Abu Dhabi.[3]
Bab lan Paragraf |
[sunting] Gunggungè jamaah kang bisa mblebu ing Masjid iki
Masjid iki bisa dienggo jamaah akèhé nganti 15.000 jamaah.[1] Masjid iki diresmèkaké Presiden Republik Indonesia, Susilo Bambang Yudhoyono, ing taun 2006.[1] Ing adicara peresmian, Bapak Presiden napak asmani watu prasasti sing dhuwuré 3,2 m lan abote 7,8 ton sing ana ing ngarep masjid.[1] Prasasti iki digawé saka watu alam sing asalé saka lèrèng Gunung Merapi.[1] Prasasti iki dipahat déning Nyoman M. Alim sing uga dipercaya nggawé miniatur candi Borobudur ing Minimundus, Vienna, Austria ing taun 2001.[4] Saliyane napak asmani prasasti, ing tanggal 14 November 2006 kuwi Bapak Presiden uga mencet tombol sirine.[4] Saliyané kanggo panggonan ibadah, Masjid Agung Jawa Tengah uga minangka obyèk wisata terpadu pendidikan, rèligi, pusat pendidikan, lan pusat aktivitas syiar Islam.[1] Kanthi mlebu ing masjid iki, pengunjung bisa nonton apa kang dadi khas é arsitèktur masjid sing minangka campuran arsitektur Jawa, Roma lan Arab.[1]
[sunting] Arsitèktur Masjid
Arsitèktur Jawa bisa katitik saka sawènèhing pérangan, antarané ing bagian ngisor saka utawa cagak masjid migunakaké motif batik kayata tumpal, untu walang, kawung, lan parang-parangan.[1] Tandané arsitèktur Timur Tengah (Arab) katitik ing témbok masjid yaiku ana hiasan kaligrafi.[1] Saliyané kuwi, ing èmpéran Masjid Agung Jawa Tengah ana 6 payung hidrolik raksasa sing bisa mbuka lan nutup kanthi otomatis, payung iki minangka adopsi arsitèktur bangunan Masjid Nabawi ing Kota Madinah.[1] Masjid iki uga diwènéhi gaya arsitèktur Roma, katitik ing desain interior lan lapisan werna sing kanthil ing pojok=pojok bangunan.[1]
[sunting] Kang Bisa ditemokaké ing wilayah Masjid iki
- ruang kantor,[5]
- ruang kursus lan pelatihan,[5]
- ruang perpustakaan,[5]
- ruang akad nikah lan auditorium,[5] Auditorium ana ing sisih kiwa lan tengen iki bisa nampung luwih saka 2.000 wong. Auditorium iki padatan digunakake kanggo acara paméran, nikahan, lan liya-liyané.[1]
- galéri pertokoan,[5]
- ruang kantor yang diséwakan,[5]
- hotèl,[5]
- toko cinderamata.[5]
- Menara Asmaul Husna utawa [[Al HUsna Tower].[1] Menara iki dhuwuré 99 meter.[1] Manggon ing pojok kidul kulon masjid.[1] Ing pucuké menara iki ana teropong pandang.[1] Ing menara iki, pengunjung bisa nonton pemandangan kutha Semarang nganti tekan kapal-kapal ing Pelabuhan Tanjung Mas uga katon.[1]
- Ing Mesjis iki uga ana Al Qur'an raksasa tlisan tangané H. Hayatuddin, penulis kaligrafi saka Universitas Sains dan Ilmu Al-qur`an Wonosobo, Jawa Tengah.[1]
- Réplika bedhug raksasa sing digawé para santri Pesantrèn Alfalah Mangunsari, Jatilawang, Banyumas, Jawa Tengah.[1]
- pemandu wisata,[1]
- museum kebudayaan Islam,[1]
- cafe muslim,[1]
- sarana hiburan kayata air mancur, arena dolanan bocah, lan keréta kelinci sing bisa ngeteraké pengunjung mgubengi kompleks masjid iki.[1]
Kanggo mlebu Kawasan Masjid Agung Jawa Tengah iki, pengunjung ora dijaluki biaya.[1] Nanging, yen pengen mlebu ing aréa tinamtu kayata Menara Asmaul Husna, pengunjung diwajibaké mbayar Rp 3.000 saben wong yaiku nalika tabuh 08.00-17.30 WIB.[1] Ananging yen mlebuné jam 17.30-21.00 WIB tarif kuwi mau munggah dadi Rp 4.000 saben wong.[1] Dene katur pengunjung sing péngin nganggo teropong pandang, cukup mbayar Rp 500,- saben menité.[1]
[sunting] Pranala Njaba
- Wisata Semarang - http://www.visitsemarang.com/artikel/masjid-agung-jawa-tengah
- Foto foto : Masjid Agung Jawa Tengah Semarang
- http://www.indotoplist.com/
[sunting] Cathetan Suku
- ↑ a b c d e f g h i j k l m n o p q r s t u v w x y z aa ab ac (id)Agung Jawa Tengah(dipunundhuh tanggal 27 Maret 2011)
- ↑ (id)Agung Jawa Tengah(dipunundhuh tanggal 27 Maret 2011)
- ↑ a b (id)Masjid Agung Jawa Tengah(dipunundhuh tanggal 27 Maret 2011)
- ↑ a b (id)Agung Jawa Tengah(dipunundhuh tanggal 27 Maret 2011)
- ↑ a b c d e f g h (id)Agung Jawa Tengah(dipunundhuh tanggal 27 Maret 2011)
