Masjid Nabawi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Al-Masjid al-Nabawi
Masjid Nabawi
Koordinat: 24°28′06″N 39°36′39″E / 24.468333°N 39.610833°E / 24.468333; 39.610833Koordinat: 24°28′06″N 39°36′39″E / 24.468333°N 39.610833°E / 24.468333; 39.610833
Lokasi Flag of Arab Saudi Madinah, Arab Saudi
Madeg c. 622
Tradhisi Islam Sunni
Administrasi Pamaréntah Arab Saudi
Pemimpin Imam(s):
Ali ibn Abdurrahman al-Hudhaifi (deleng dhaptar)
Informasi arsitèktur
Arsitèktur Klasik lan kontemporèr Islam; Ottoman
Kapasitas 600.000 (mundhak dadi 1.000.000 jroning mangsa kaji)
Menara 10
Dhuwur menara 105 meter (344 kaki)

Masjid Nabawi, kuwi sawijining masjid kang dumunung ing kutha Madinah, Saudi Arabia. Masjid iki, diwangun déning Nabi Muhammad SAW lan dadi panggonan pasaréané lan para sahabaté. Masjid iki minangka salah siji masjid kang utama kanggoné umat Islam sawisé Masjid Al Haram ing Mekkah lan Masjidil Aqsa ing Yerusalem.

Kautamané masjid iki dipratélakaké déning Nabi Muhhamad : "Sholat ing masjidku iki luwih apik tinimbang shalat ping sèwu ing masjid liya, kajaba ing Masjid Al Haram. [...] sapa kang ngayahi shalat ing masjidku ping patang puluh shalat fardu, ora kurang siji-sijia, dhèwèké bakal bébas saka geni neraka, bébas saka azab, lan bébas saka kamunafikan. Ora usah répot mlaku, tekani waé telu masjid iki: Masjid Nabawi, Masjid Al Haram lan Masjid Al Aqsa."

Adhedhasar hadis-hadis iki mula kutha Madinah tansah ramé ditekani umat Islam kang nglakoni ibadah kaji minangka amalan wajib utawa ibadah umrah minangka amalan sunnah.

Masjid sing asli dibangun déning Nabi Muhammad S.A.W ing sisih omahé sawisé hijrah menyang Madinah ing taun 622. Masjid asli arupa bangunan kabuka kanthi mimbar kanggo maca Al-Qur’an. Bangunan iki awujud pesagi kanthi ukuran 30 × 35 m (98 × 115 ft), dibangun nganggo glagah kurma lan témbok kagawé saka lumpur, lan nduwèni telu lawang: Bab Rahmah ing sisih kidul, Bab Jibril ing sisih kulon lan Bab al-Nisa'ing sisih wétan.

Papan wigati[sunting | sunting sumber]

Ing sajeroné masjid Nabawi ana papan panggonan sing wigati antara liya:

  1. Pasaréyan Nabi Muhammad s.a.w. lan para sahabat yakuwi Abu Bakar As Siddiq r.a., Umar bin Khatab r.a.
  2. Raudah, yakuwi papan ndedonga sing ijabah, dunungé ing antara pasaréyan lan mimbar Nabi Muhammad s.a.w. Panggonan iki biyèn pekarangan dalemé Nabi Muhammad s.a.w. Nalika mlebu lan ndedonga ing Raudah iki jamaah ora kena wicara sora kudu sopan lan anteng.[1]

Imam[sunting | sunting sumber]

Ing ngisor iki arupa dhaptar imam Masjid Nabawi:[2]

  • Syaikh Ali ibn Abdurrahman al-Hudhaifi – Imam Besar Masjid Nabawi Madinah
  • Syaikh Dr. Salah ibn Muhammad al-Budair (mimpin tarawih ing 2005-2006) saiki dadi imam penuh ing Masjid Nabawi
  • Syaikh Muhammed as-Subayyil
  • Syaikh Adil Kalbani (mimpin tarawih ing 2008 (1429 H)

Referensi[sunting | sunting sumber]

Delengen uga[sunting | sunting sumber]

Pranala jaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Masjid_Nabawi&oldid=812738"