Payung
Payung yaiku barang kang nduwèni fungsi dobel. yaiku kanggo nyegah banyu udan nelesi awak. [1]Payung uga kena kanggo njaga awak saka panasé srengéngé.[1] Payung kanggo nahan cahya srengéngé diarani parasol.[1] Pabrik payung kang sepisanan digawé dèning Baltimore, Maryland, nalika taun 1928.[1] Payung biyasané digawé saka kain utawa kertas lan diwénéhi gagang kanggo nyekel.[1] Payung uga kena ditekuk yèn wis bar dianggo.[1] Payung uga dadi tandha kebesaran.[1] Payung kang dadi tandha kebesaran iku payung kang digawé khusus.[1] Payung kang kanggo terjun payung nduweni bentuk setengah bunder lan ana tali ing pinggiré.[1] Payung kang kaya ngéné diarani payung udara, biyasané kanggo terjun saka montor mabur utawa balon udara, payung iki uga diarani parasut.[1] Payung bahasa Inggrisé diarani umbrella kang asalé saka basa latin umbra kang tegesé ayang-ayang.[2] Payung ditemokaké patang éwu taun kapungkur, awalé payung kuno didesain khusus mung kanggo njaga kang nganggo payung saka panas srengéngé.[2] Nganti akhiré bangsa China bisa nggawé payung kang gunané kanggo njaga awak supaya ora kodanan.[2] Bangsa China bisa manfaataké lilin kanggo nglapisi kertas supaya payung bisa anti toya.[2] Ing abad 16, payung dadi barang kang populér ing negara-negara Èropa Utara kang kerep kena udan.[2] Awalé payung mung dianggep aksesoris wong wadon.[2] Banjur ana petualang lan penulis saka Persia kang jenengé Jonas Hanway taun 1712-1786 kang mublikasiaké payung saengga payung uga dienggo wong lanang. [2]Payung dadi barang kang populér saéngga ing Inggris payung diarani teman jalan.[2]
Chatetan suku [sunting]
Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.
