Masjid Cut Mutiah

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Masjid Cut Mutiah
Cut-Mutiah1.jpg

Katon ngarep Masjid Cut Mutiah

Informasi dhasar
Dunung Jl. Cut Mutiah No. 1
Jakarta Pusat, DKI Jakarta, Indonésia
Afiliasi agama Islam
Dhèskripsi arsitèktur
Jinis arsitèktur Masjid
Gaya arsitèktur Art Nouveau
Spesifikasi
Kubah Dudu kubah nanging kubus biasa
Menara Ora ana

Masjid Cut Mutiah iku salah siji masjid sing dumunung ing Dalan Cut Mutiah Nomor 1, Jakarta Pusat, DKI Jakarta, Indonésia. Bangunan masjid iki minangka salah siji peninggalan sajarah saka zaman penjajahan kolonial Walanda. Masjid iki nduwèni kaunikan dhéwé lan kamungkinan ora ana ing masjid-masjid liya. Salah siji kaunikané yaiku mihrab masjid iki didèlèh ing sisih kiwa saka saf salat (ora ing tengah kaya padatan). Saliyané iku posisi safé uga dumunung miring marang bangunan masjid amarga bangunan masjid ora persis ngadhep kiblat.

Sajarah[sunting | sunting sumber]

Gedung N.V. Bouwploeg ing zaman Batavia, sadurungé diubah fungsiné dadi Masjid Cut Mutiah.

Masjid iki biyèné bangunan kantor biro arsitèk (sekaligus pangembang) N.V. (Naamloze vennootschap, utawa Perseroan terbatas) Bouwploeg, Pieter Adriaan Jacobus Moojen (1879 - 1955) sing mbangun wilayah Gondangdia ing Menteng.

Wiwitan madeg[sunting | sunting sumber]

Foto saka mimbar tuwa Masjid Cut Mutiah

Sadurungé alih fungsi minangka masjid, bangunan iki naté dipigunakaké minangka kantor pos, kantor Jawatan Sepur Walanda lan kantor Kempetai Angkatan Laut Jepang (1942 - 1945). Sawisé Indonésia mardika, naté dipigunakaké minangka kantor Urusan Perumahan, nganti Kantor Urusan Agama (1964 - 1970).[1] Lan nembé ing zaman pamaréntahan Gubernur Ali Sadikin diresmèkaké minangka masjid tingkat provinsi kanthi surat kaputusan nomer SK 5184/1987 tanggal 18 Agustus 1987.[2]

Wiwitané masjid iki jenengé Yayasan Masjid Al-Jihad sing diadegaké déning èksponèn '66 kaya Akbar Tanjung lan Fahmi Idris.[2] Ing kurun wektu orde lama, gedhung iki uga naté didadèkaké gedhung sekretariat MPRS.

Jeneng Bouwploeg dhéwé saiki isih kasisa minangka jeneng Pasar Boplo ing sakuloné stasiun sepur Gondangdia.

Galeri[sunting | sunting sumber]

Rujukan[sunting | sunting sumber]

  1. ^ Flag of Austria Austria Maria van Engels: Menantu Habib Kwitang. Penerbit Republika. Hal 5-7
  2. ^ a b ek, Deddy. "Masjid Cut Mutiah Jakarta", 10 Januari2010. diaksès tanggal 25 Juli 2010. 

Deleng uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Masjid_Cut_Mutiah&oldid=830302"