Suruh abang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sirih merah
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Piperales
kulawarga: Piperaceae
Genus: Piper
Species: P. ornatum
Jeneng binomial
Piper ornatum
N.E.Br.

Suruh abang (Piper crocatum) yaiku salah sawijiné tanduran mrambat sing kalebu ing kulawarga Piperaceae kanthi bentuk godhong kaya ati awerna abang rada pérak lan mengkilap, sarta nduwèni gagang sing thukulé selang-seling. [1]Godhong suruh abang ngandhut senyawa fitokimia yaiku alkoloid, saponin, tanin, lan flavonoid.[1] Wiwit biyèn suruh abang digunakaké wong Jawa kanggo tamba manéka werna jinis penyakit lan uga kanggo ubarampé ing upacara adat Jawa.[1] Tanduran suruh abang mèmper suruh ing padatan. Sing mbedakaké yaiku mung werna godhongé, ana garis werna abang ing bagéyan pinggir lan tengahé.[2] Kajaba kanggo tamba, suruh abang akèh digunakaké kanggo tanduran hias sing èndah.[2] Suruh abang sing asalé akèh saka Pulo Sulawesi iki uga nduwèni jeneng Latin Piper Ornatum.[2]

Kandhutan Senyawa Aktif[sunting | Owah sumber]

Suruh abang kawentar nduwèni kandhutan senyawa aktif kimia sing migunani banget kanggo kasarasan awak lan kanggo tamba manéka jinis penyakit. Senyawa kimia sing kaandhut ing suruh abang yaiku:

  • flavonoid lan polevenolad sing asifat antioksidan, antidiabetik, antikanker, antiseptik lan antiinflamasi. Déné senyawa alkoloid nduwèni sifat antineoplastik sing mandi kanggo ngalang-alangi tuwuhé sèl-sèl kanker.[3]
  • Alkaloid, yaiku bahan organik sing ngandhut nitrogén minangka bagéyan saka sistem heterosiklik. Senyawa alkoloid nduwèni sifat antineoplastik sing mandi kanggo ngalangi tuwuhé sèl-sèl kanker.[3]
  • Lenga atsiri, hidroksikavicol, kavicol, kavibetol, allylprokatekol, karvakrol, eugenol, pcymene, cineole, caryofelen, kadimen estragol, terpenena, lan fenil propada. Karvakrol asifat desinfektan, antijamur, saéngga bisa digunakaké dadi tamba antiseptik kanggo ngilangaké abab mambu lan keputihan.[3]
  • Eugenol, yaiku senyawa sing bisa ngelongi rasa perih.[3]
  • Tanin, senyawa sing bisa kanggo tamba lara weteng.[3]

Khasiat[sunting | Owah sumber]

Suruh abang bisa digunakaké kanggo tamba manéka jinis penyakit, yaiku:

Ramuan[sunting | Owah sumber]

Kanggo tamba, suruh abang kudu diramu luwih ndhisik. Ramuan suruh abang bisa awujud ramuan tunggal lan ramuan campuran. Ramuan campuran yaiku ramuan suruh abang sing dicampur karo tanduran obat liyané. Tuladha ramuan suruh abang kanggo manéka werna penyakit, yaiku:

Kanggo Kasarasan Jantung

  • Ramuan tunggal

Jupuk godhong suruh abang 3-4 lembar, yèn ukurané cilik 6-8 lembar. Dikumbah nganti resik banjur diiris cilik-cilik. Digodhog karo banyu 4 gelas (800 ml) nganti umub lan mung kari 2 gelas, banjur disaring. Ramuan iki diombé nalika isih anget, sedina ping pindho.[5]

  • Ramuan campuran

Bahané yaiku godhong suruh abang 3-4 lembar, godhong asem 30 gram, blimbing wuluh 2, lan godhong ginseng 4 lembar. Kabèh bahan dikumbah resik, diiris cilik-cilik banjur digodhog karo banyu 3 gelas nganti kari 1,5 gelas. Ramuan iki diombé sedina ping telu nalika isih anget. Bisa ditambah madu.[5]

Kanggo Diabetes

  • Ramuan tunggal

Jupuk godhong suruh abang sing setengah tuwa yaiku godhong sing kaping enem utawa pitu saka pucuk, banjur diiris cilik-cilik. Digodhog karo banyu 3 gelas (600 ml) nganti umub lan mung kari 1,5 gelas. Diombé sedina ping telu sadurungé mangan, saben ngombé setengah gelas.[5]

  • Ramuan campuran

Jupuk 3 lembar godhong suruh abang sing ukurané sedheng utawa ora patia cilik, 40 gram kulit kayu gayam sing wis diresiki bagéyan jabané, lan 30 gram kulit kayu jamblang garing. Kabèh bahan dicencem nganggo banyu 2 gelas (400 ml) nganti umub lan mung kari sagelas. Disaring, diombé sedina ping pindho, ésuk lan soré sadurungé mangan. Saben ngombé setengah gelas.[5]

Nambani watuk lan nambah nafsu mangan

Cepakaké godhong suruh abang sing ora patia tuwa gunggungé 10 lembar, dikumbah, banjur dikum ing alkohol 70 % watara 30 menit supaya baktèri sing nèmpèl ing godhong bisa mati. Ditambah gula putih 100 gram banjur digodhog karo banyu 4 gelas nganti umub lan mung kari sagelas. Sawisé adhem, suntak ing botol sing resik lan stèril. Ramuan iki bisa diombé sedina ping telu, saben ngombé sasendhok mangan.[5]

Nambani radhang mripat

Suruh abang sing isih enom (godhong kaping lima saka pucuk) 4 lambar dikumbah nganti resik. Banjur digodhog karo banyu 2 gelas nganti umub lan kari sagelas. Sawisé adhem, banyu godhogan mau digunakaké kanggo ngrimbang mripat sing lara. Digunakaké aja nganti luwih saka ping telu saben dinané, supaya ora iritasi.[5]


Deleng uga[sunting | Owah sumber]

Suruh


Cathetan Suku[sunting | Owah sumber]

  1. ^ a b c (id)Sirih Merah sebagai Tanaman Obat Multifungsi(diundhuh 23 September 2012)
  2. ^ a b c (id)Daun sirih merah dan manfaatnya(diundhuh 23 September 2012)
  3. ^ a b c d e (id)Kandungan Kimia Sirih Merah(diundhuh 24 September 2012)
  4. ^ a b c d e f g h i j k l Khasiat Sirih Merah(diundhuh 25 Sepetember 2012)
  5. ^ a b c d e f (id)Sirih merah obat beragam penyakit(diundhuh 25 September 2012)
Sumber artikel punika saking kaca situs web: "https://jv.wikipedia.org/w/index.php?title=Suruh_abang&oldid=861010"