Angkah Pambangunan Milénium

MDG ing Markas PBB New-York

Angkah Pambangunan Milenium (Millennium Development Goals) iku wolung angkah utawa gegayuhan kang wis disetujoni kanggo digayuh sajeroning taun 2015 déning kabèh anggota PBB kang cacahé 191 nagara.

Angkah

Déklarasi Milenium PBB kang ditapakasmani ing sasi September 2005 nyetujoni supaya kabèh nagara:

1. Ngilangaké kamiskinan lan keluwèn kang nemen

• Target kanggo taun 2015: Ngurangi setengah saka kang ndunungi donya kang pametuné kurang saka 1 dolar AS sadina lan ngalami keluwèn.

2. Ningkataké tataran pendhidhikan dhasar kanthi universal

• Target kanggo taun 2015: Mesthèkaké yèn kabèh anak lanang lan wadon ngéntukaké lan ngrampungaké tarap pendhidhikan dhasar.

3. Ngembangaké kasetaraan jender lan memberdayakaké wanita

• Target 2005 lan 2015: Ngurangi diskriminasi jender sajeroning pendhidhikan dhasar lan menengah mligi kanggo taun 2005 lan kabèh tataran ing taun 2015.

4. Ngurangi cacahing kepatèn bocah

• Target kanggo taun 2015: Ngurangi rong protelon tingkat kepatèn bocah umur sangisoré limang taun

5. Ningkatkaké kaséhatan ibu

• Target kanggo 2015: Ngurangi rong protelon rasio kepatèn ibu sajeroning prosès nglairaké

6. Nglawan lelara HIV/AIDS, malaria, lan lelara liyané

• Target kanggo taun 2015: Ngendhegaké lan miwiti pancegahan panyebaran HIV/AIDS, malaria lan lelara abot liyané.

7. Njamin lumintuné pembangunan lingkungan

• Target:
  • Ngintegrasèkaké prinsip-prinsip pembangunan kang lumintu sajeroning kawicaksanan saben nagara lan program sarta ngurangi ilangé sumber daya lingkungan
  • Ing taun 2015 diangkah bisa ngurangi setengah saka cacahing wong kang ora duwé aksès banyu ngombé kang séhat
  • Ing taun 2020 diangkah bisa nggayuh pengembangan kang signifikan sajeroning kauripan kanggo sethithiké 100 juta manungsa kang manggon ing tlatah kumuh

8. Ngembangaké kemitraan global kanggo pembangunan

• Target:
  • Ngembangaké dedagangan kabuka lan sistem kauangan kang dhedhasar aturan, bisa dinuga lan ora ana diskriminasi. Klebu komitmen marang pamaréntahan kang apik, pembangungan lan pangurangan tingkat kemiskinan kanthi nasional lan internasional.
  • Mbiyantu kabutuhan-kabutuhan mirunggan nagara-nagara kurang tumuwuh, lan kabutuhan mirunggan saka nagara-nagara kapencil lan kapuloan-kapuloan cilik. Iki kalebu pambebasan-tarif lan -kuota kanggo éksporé; ngundhakaké pambebasan utang kanggo nagara mlarat kang utangé gedhé; pambatalan utang bilateral resmi; lan nambah bantuan pembangunan resmi kanggo nagara kang duwé komitmen kanggo ngurangi kamiskinan.
  • Sacara komprehensif ngupayakaké pasetujon ngenani masalah utang nagara-nagara tumuwuh.
  • Ngadhepi kanthi komprehensif karo nagara tumuwuh kanthi masalah utang liwat tetimbangan nasional lan internasional supaya utang luwih bisa ditanggung ing sajeroning wektu kang dawa.
  • Ngembangaké usaha produktif kang pantes dilakoni déning kaum nom-noman
  • Kerja sama karo pihak pabrik obat supaya nyedhiakaké aksès obat wigati kang murah ing nagara tumuwuh
  • Kerjasama karo pihak swasta, yasa panyerapan kauntungan saka teknologi-teknologi anyar, mligi tèknologi informasi lan komunikasi.

Uga delengen

• KTT PBB 2005

Pranala njaba

• Program Bank Dunia di Indonesia
• www.un.org/millenniumgoals
• UNDP Indonesia Archived 2005-09-04 at the Wayback Machine.
• Teks Tujuan Pembangunan Milenium Archived 2005-12-06 at the Wayback Machine.
• www.developmentgoals.org
• www.first8.org Archived 2016-03-04 at the Wayback Machine.
• UN Millennium Project (2002-2005)
• The Millennium Initiative Archived 2007-09-29 at the Wayback Machine.