Kejaksaan Republik Indonesia

Kejaksaan Républik Indonésia iku lembaga papréntahan sing nindakaké kakuwasan nagara kanthi mardika ing babagan penuntutan sarta kawenangan liya miturut Undhang-Undhang. Pelaksanaan kakuwasan nagara mau diayahi déning:

• Kejaksaan Agung, dumunung ing kutha krajan nagara Républik Indonésia lan laladan hukumé nyakup wewengkon kakuwasan nagara Républik Indonésia.
• Kejaksaan Tinggi, dumunung ing kutha krajan provinsi lan laladan hukumé nyakup wewengkon provinsi
• Kejaksaan Negeri, dumunung ing kutha krajan kabupatèn/kutha lan laladan hukumé nyakup wewengkon kabupatèn/kutha

Jaksa Agung minangka pejabat nagara, pimpinan lan penanggung jawab paling dhuwur kejaksaan sing mimpin, ngendalèkaké pelaksanaan tugas, lan wewenang Kejaksaan Républik Indonésia. Jaksa Agung diangkat lan dilèrèni déning Présidhèn. Jaksa Agung wektu iki ya iku Hendarman Supandji.