ICG
ICG (cekakan saka: International Crisis Group) iku sawijining organisasi nonpamaréntah, nirlaba internasional kang misiné nyegah lan ngrampungaké konflik mbebayani liwat analisis dhedhasar médhan lan advokasi tingkat-dhuwur.
Nalika sawijining nagara sajeroning résiko pecah, utawa kakerasan skala gedhé, Crisis Group ngirim sawatara tim analis pulitik menyang utawa ing sacedhaké tlatah konflik mau. Miturut informasi kang dikumpulaké déning tim iki, organsisasi iki gawé lapuran analisis kanthi rékomendhasi kang ditujokaké marang pamimpin-pamimpin donya lan organisasi-organisasi. Minangka tambahan, grup iki uga mbabar newsletter wulanan, CrisisWatch, kang mènèhi saktléraman warta ngenani kakerasan kang pinuju kadadéan ing donya.
Minangka organisasi kang ngasilaké lapuran lan analisis, grup iki nyambutgawé bebarengan karo akèh pamaréntah, organisasi, lan média kanggo mbabar lan nyebaraké lapurané, kang uga kasedyakaké sajeroning situs resmi.
Kantor pusat Crisis Group dumunung ing Brusel, lan duwé kantor-kantor advokasi ing Washington, DC, New York City, London lan Moskwa, lan uga kantor saenggon ing Amman, Beograd, Beirut, Kairo, Dakar, Dushanbe, Islamabad, Jakarta, Kabul, Nairobi, Bishkek, Port-au-Prince, Pretoria, Pristina, Quito, Seoul, Skopje lan Tbilisi. Crisis Group uga duwé analis kang nyambutgawé ing punjul 40 nagara lan wewengkon sajeroning konflik ing patang bawana. Crisis Group didanai liwat sumbangan saka Pamaréntahan Kulon, fondasi liyané, lan organisasi, parusahan, lan individual.
Nagara-nagara kang ana aktivitas Crisis Group
[besut | besut sumber]- Afrika: Angola, Burundi, Pasisir Gadhing, Republik Demokratik Kongo, Eritrea, Etiopia, Guinea, Liberia, Rwanda, Sierra Leone, Somalia, Sudan, Uganda, Zimbabwe
- Asia: Afganistan, Kashmir, Kazakhstan, Kirgizia, Indonesia, Myanmar, Nepal, Pakistan, Tajikistan, Turkmenistan, Uzbekistan
- Éropah: Albania, Armenia, Azerbaijan, Bosnia-Herzegovina, Georgia, Kosovo, Makedonia, Moldavia, Montenegro, Serbia
- Wétan Tengah: Kabèh kawasan ing Afrika Lor nganti Iran
- Amérika Kidul: Kolombia, Andes