Histologi

Saka Wikipédia Jawa, bauwarna bébas abasa Jawa

Histologi iku babagan biologi sing nyinaoni struktur jaringan kanthi detil migunakaké mikroskop marang cawisan (sediaan) jaringan sing dipotong tipis. Histologi bisa uga sinebut èlmu anatomi mikroskopis. Babagan biologi iki migunani banget sajeroning kaakuratan diagnosis tumor lan manéka lelara liya sing sampelé perlu pamriksaan histologis.

Cara gawé sediaan histologis disebut mikroteknik. Gawé sediaan saka sawijining jaringan diwiwiti kanthi operasi, biopsi, utawa autopsi. Jaringan sing dijupuk sabanjuré diprosès kanthi fiksatif sing bakal njaga supaya sediaan ora bakal rusak (gèsèr posisiné, bosok, utawa rusak). Fiksatif sing paling umum dipigunakaké yakuwi formalin (10% formaldehida sing dilarutaké sajeroning banyu). Larutan Bouin uga bisa kanggo fiksatif alternatif sanadyan asilé ora bakal apik kaya formalin amarga bakal ninggal tilas warna kuning lan artefak. Artefak iku barang sing ora ana ing jaringan asli, nanging katon ing asil pungkasan sediaan. Artefak iki dumadi amarga kurang sempurnané gawé sediaan.

Sampel jaringan sing wis kafiksasi direndhem sajeroning cuwèran etanol (alkohol) bertingkat kanggo ngilangaké banyu sajeroning jaringan (dehidrasi). Sabanjuré sampel dipindah menyang toluena kanggo ngilangaké alkohol (dealkoholisasi). Langkah pungkasan sing diayahi yakuwi nglebokaké sampel jaringan sajeroning parafin panas sing nginfiltrasi jaringan. Sajeroning prosès sing lumangsung watara 12-16 jam iki, jaringan sing wiwitané lembek bakal dadi atos saéngga luwih gampang dipotong nganggo mikrotom. Pamotongan nganggo mikrotom iki bakal ngasilaken lapisan kanthi kandel 5 mikrometer. Lapisan iki sabanjuré didèlèh ing sadhuwuring kaca objek kanggo diwènèhi warna.

Pewarnaan perlu diayahi amarga objek kanthi kandel 5 mikrometer bakal katon transparan sanadyan ing sangisoring mikroskop. Pewarna sing biyasa dianggo ya iku hematoxylin lan eosin. Hematoxylin bakal mèhi warna biru ing nukelus, déné eosin mènèhi warna abang enom ing sitoplasma. Isih ana manéka dat warna liya sing biyasa dipigunakaké sajeroning mikroteknik, gumantung marang jaringan sing péngin diamati. Èlmu sing nyinaoni pewarnaan jaringan disebut histokimia.

Klasifikasi histologis jaringan kéwan[besut | besut sumber]

Jaringan saka tetanduran, jamur, lan mikroorganisme uga bisa disinaoni kanthi histologis, nanging strukturé béda saka klasifikasi ing dhuwur.