Sitoplasma

Saka Wikipédia Jawa, bauwarna mardika basa Jawa
Jump to navigation Jump to search

Sitoplasma iku pérangan sèl sing kabungkus membran sèl. Sajeroning sèl eukariota, sitoplasma minangka pérangan non-nukleus saka protoplasma. Sajeroning sitoplasma ana krangka sèl (sitoskeleton), manéka organel lan vesikuli ("gelembung"), sarta sitosol sing wujud cuwèran panggonan organel ngapung ing sajeroné. Sitosol ngisi ruang sèl sing ora dipanggoni organel lan vesikula lan dadi panggonan akèh réaksi biokimiawi sarta perantara transfer bahan saka njaba sèl menyang organel utawa inti sèl.

Sanajan kabèh sèl duwé sitoplasma, saben jaringan utawa spésies duwé ciri-ciri sing béda antara siji lan sijiné.

Ing sajeroning sitoplasma ana oraganel-organel sèl ing ngisor iki: 1) Mitokondria, fungsiné sajeroning prosès oksidasi. 2) Plastida, ing sajeroné ana klorofil, fungsiné kanggo fotosintesis. 3) Vakuola, fungsiné nyimpen zat panganan. 4) Ribosom, minangka papan sintésis protèin. 5) Retikulum Endoplasma, dibédakaké dadi loro:

  a) Retikulum Endoplasma kasar, minangka papan nèmpèlé ribosom.
  b) Retikulum Endoplasma alus.

6) Aparatus Golgi utawa Badan Golgi, fungsiné kanthi aktif sajeroning sèkrèsi lan sintesis polisakarida. 7) Lisosom, perané sajeroning prosès matiné sèl-sèl.