Hamburger

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Hamburger

Hamburger (utawa kang luwih asring diarani burger) iku panganan kang wujudé arep kaya sandwich kang kapérang saka roti bunder satangkup, daging kang diasepi (padhatan nganggoné daging sapi, kadhang-kadhang daging babi utawa kombinasi saka pirang-pirang daging) padhatan disèlehaké ing sajroning roti satangkup. Hamburger kerep disajikaké karo slada, daging asap, tomat, bawang bombay, acar, keju, lan bumbu-bumbu kayata mustard, mayonès, saus tomat.[1] Konsumen hamburger wis ngancik tekan sakabehing donya lan berkembang kanthi apik.

Hamburger uga bisa dicakaké ing patty, apa manèh ing Inggris tembung "patty" arang-arang dienggo, sanajan réstoran "hamburger" ing negara-negara Persemakmuran arang-arang nganggo tembung iku kajaba ngrujuk menyang item menu saka Amerika.

Ètimologi[sunting | sunting sumber]

Daging burger kang dibakar

Tembung hamburger asalé saka tembung Hamburg, yaiku kutha Hamburg kang ana ing Jérman, banjur nglakoni èmigrasi menyang Amèrika. Ing Jérman dhuwur, tembung Burg tegesé rerampungan kang difortifikasi utawa diperkaya perlindungan, lan mujudaké komponèn kang amba kanggo jeneng panggonan. Hamburger bisa bisa dadi tembung aran ing sajroning Basa Jérman, ngrujuk menyang wong kang saka Hamburg (bandingké London - London>) utawa tembung katrangan kang nggambaraké kahanan ing kutha Hamburg. Semana uga tembung hot dog lan utawa sosis, jeneng liya panganan kang agawé saka daging, uga dienggo ing Jérman minangka tembung aran kang wong-wong lan minangka tembung katrangan kanggo nggambaraké kahanané saka kutha Frankfurt lan Wien (Wina). Tembung "burger" ana gegayutané karo pirang-pirang jinis sandwich kang arep padha karo hamburger, migunakaké daging kang béda, kayadéné burger kebo, burger kalkun, burger kidang, burger salmon, utawa burger-burger vegetarian. [2]

Sajarah Burger[sunting | sunting sumber]

Panganan iki pisanan dadi panganan khas bangsa Tartar, yaiku arupa daging cincang kang dipangan mentah kanthi mung diwènèhi banyu peresan jeruk. Bangsa Tartar iku bangsa nomaden kang asring nglakoni lelana kang adoh kanthi numpak jaran, mula daging kang digawa dadi atos lan ora patut dipangan. Bangsa Tartar iku mau ngakali kanthi nyèlèhaké daging ing sangisore sadèl jarané. Sawisé nglakoni lelana adoh, jebul dagingé iku isih anget lan ora adhem. Daging iku langsung dipangan, tanpa dimasak, lan mung diwènéhi banyu peresan jeruk.

Panganan kang misuwur saka Asia Tengah iki banjur digawa déning pelaut Eropa menyang negarané, ing kutha Hamburg. Warga ing kutha iku padatan nganggep yèn warga kana iku warga kang nduwèni adab. Warga kana ora gelem mangan daging kang ora dimasak, mula daging khas Tartar iku dimasak dhisik sadurungé dipangan kanthi cara dibakar utawa digoréng. Jebul panganan iki disenengi karo wong akèh. Nganti saiki isih ana wong-wong kang luwih seneng mangan burger kanthi cara mentah.

Steak Burger[sunting | sunting sumber]

Hamburger saiki padatan awujud daging kang dipangan bebarengan karo roti, kang asalé saka Amèrika. Imigran saka kutha Hamburg ngenalaké menyang wong Amèrika. Ing kana daging iki diarani Hamburger Steak lan daging iki isih dipangan kayadéné mangan steak.

Mirurut warga kutha Hambur, New York, panggonan kang kaya kutha Hamburg ing Jérman, panganan iki ditemokaké déning kakang adhi saka Ohio, Frank lan Charles Menches. Miturut lègenda, kakang adhi iku bakul ing pinggir dalan kang ngadol sandwich. Sawijining dina dhéwéké kentékan sosis, mula dhéwéké migunakaké daging sapi kang dicincang minangka gantiné sosis kanggo isi sandwich.

Hamburger Amerika[sunting | sunting sumber]

Hamburger sandwich

Miturut Komunitas Sajarah Seymour ing Winsconsin, ngandharake yen Charlie Nagreen iku wong kang ngripta hamburger. Saiki jeneng Charlie Nagreen identik diarani "Hamburger Charlie". Dheweke ngadol sandwich kang isine bakso nalika umure 15 taun ing Seymour Fair ing taun 1885. Nanging dodolane ora patiya laris amarga panganane ora bisa dipangan kanthi mlaku. Banjur dheweke nggepengake bakso lan diwenehae ing sela-selane roti. Idene iku bisa narik konsumen. Nalika iku, Hamburger Steak misuwur banget, mula Charlie njenengi panganane iku kanthi sesebutan Hamburger. Wiwit iku, dheweke melu dodolan ing Seymour Fair kanggo dodolan Hamburger nganti seda ing taun 1951.

Miturut Perpustakaan Kongres Amerika lan Pamrentahan Connecticut, hamburger pisanan didol ing taun 1895 dening Louis Lassen ing restorane Louise's Lunch ing New Haven, Connecticut. Majalah New York ngandharake yen pisanan panganan iki ora diwenehi jeneng nganti ana pirang-pirang pelaut saka Hamburg mampir menyang restoran iku, banjur njenengi menu iku kanthi jeneng hamburger.

Sajarawan Texas Frank X. Tolbert ngandharake yen sing nemokake hamburger kang pisanan yaiku Fletcher Davis saka Athens, Texas. Dheweke mitayani yen Davis mulai dodol hamburger ing kiose kang ana ing Athens wiwit taun 1880an, lan ngenalake hamburger menyang St.Louis Fair ing taun 1904.

Hamburger Saiki[sunting | sunting sumber]

Burger saka sega

Saiki hamburger akeh kang didol dening jaringan restoran cepat saji ing pirang-pirang negara. Nanging kang paling misuwur ing sakabehing restoran kang ngadol hamburger ing sakabehing donya yaiku McDonalds kanthi Big Mac, restoran Burger King, A&W lan Wendy's. Konsumsi burger misuwur banget ing sabakehing donya amarga rasane kang enak lan praktis. Hamburger bisa dipangan sinambi mlaku-mlaku. Saliyane iku, iklan hamburger kang dibabarake ing tipi, asring ncitrakake hamburger minangka panganan modern.

Ing pirang-pirang negara akeh kang mariasekake burger nganti rasane mathuk karo selerane sing nggawe. Ana kang ngganti daging sapi karo daging babi, cumi-cumi, iwak, urang, lan lobster. Tuladhane burger kang unik yaiku Rice Burger, panganan iki ditemokake ing Jepang, China, lan Taiwan. Warga kana migunakake sega minangka gantine roti. Ana wong kang mariasekake burger vegetarian kanthi cara ngganti daging kang ana ing burger karo gluten, uga ana Tofu burger kang migunakake tahu minangka gantine daging.

Quarter Pounder[sunting | sunting sumber]

Quarter Pounder kang diwenehi keju

Quarter Pounder iku burger kang digawe dening McDonald's kira-kira saka 1/4 pons (4 ons utawa 114 gram) daging sapi, kang ditimbang sadurunge dimasak (ing Australia bobote kira-kira mung 113.4 gram). Panganan iki pisanan dikenalake ing Fremont, California ing taun 1971-1972 lan dadi salah siji menu nasional Amerika Serikat ing taun 1973. Padatan burger didol kanthi utawa tanpa 2 lembar keju, nanging Quarter Pounder kang diwenehi keju luwih misuwur tinimbang kang ora diwenehi keju.

Ing pasar-pasar kang ora migunakake sistem ukuran Inggris, Quarter Pounder dikenal kanthi sesebutan Hamburger Royale, utawa macem-maceme, kang ana ing film Pulp Fiction. Ing Kanada, Australia, Selandia Baru, lan Swedia kang migunakake sistem metrik, burger iki jenenge tetep Quarter Pounder. Ing Brasil kang migunakake sistem metrik, Quarter Punder diarani Quarteirão com Queijo.

Variasi Hamburger[sunting | sunting sumber]

Hamburger Keju[sunting | sunting sumber]

Burger keju

Burger keju iku hamburger kang disisipi keju. Cara nggawene yaiku keju dipotong tipis, banjur diuja sedhela supaya kejune lumer. Ing Amerika Serikat, keju kang asring dienggo yaiku keju Amerika. Saliyane iku, keju mozzarella, keju biru, keju pepperjack, lan keju Cheddar uga asring dienggo.

Keju kang ana ing burger marakake burger dadi luwih ngndhut gizi. Yen dibandhingake karo burger biasa, burger keju ngandhut kalori 20% kang luwih akeh, gajih 33% lan protein 25% kang luwih akeh. Yen migunakake keju liyane uga bakal ngowahi kandhutan gizi hamburger, gumantung kandhutan nutrisi saben-saben keju.

Hamburger Vegetarian[sunting | sunting sumber]

Hamburger Vegetarian

Burger vegetarian iku burger kang digawe kanggo wong-wong vegetarian. Daging kang ana ing burger vegetarian digawe saka janganan, kacang, susu, jamur, protein kedelai, gluten saka glepung, endhog, utawa kombinasi. Burger vegetarian kadang-kadang dadi panganan vegan.

Saiki burger vegetarian berkembang ing pirang-pirang restoran cepat saji ing Amerika Lor, nanging cacahe kang didol isih sithik sanadyan ing restoran kang padha. Wiwit April 2005, burger vegetarian ana ing sakabehing restoran Burger King, semana uga restoran cepat saji liyane, kayadene Red Robin, Chilis, Denny's, Johnny Rockets, Ruby Tuesday's, lan Hard Rock Cafe.

Burger tanpa daging akeh digawe dening [Boca]], Gardenburger, lan Morningstar Farms akeh didol ing supermarket Amerika Serikat lan Kanada.

Burger vegetarian pisanan digawe ing London nalika taun 1982 dening Gregory Sams, kanthi ngarani 'VegeBurger'. Gregory lan kangmase Craig wis nggawe restoran makanan alami ing Paddington wiwit taun 1960. Salah siji Hypermarket Carrefour ing Southampton ngadol burger vegetarian nganti tekan 2,000 suwene telung minggu sawise pisanan dodol.

Cathetan sikil[sunting | sunting sumber]

  1. ^ Cooking wizardry for kids, Margaret Kenda, Kenda & Williams, Phyllis S. Williams, Contributor Phyllis S. Williams, Barron's Educational Series, 1990 ISBN 0-8120-4409-6, 9780812044096 page 113 [1]
  2. ^ Burger Merriam-Webster
Sumber artikel punika saking kaca situs web: "http://jv.wikipedia.org/w/index.php?title=Hamburger&oldid=831898"