Sosis
Sosis yaiku daging kang wis digiling lan wis dicampur bumbu-bumbu, lemak, bahan pengiket, bahan pengisi, banyu, irisan bawang, ndhog, lan bahan- bahan liya. Kabeh bahan mau banjur dilebokake ing selongsong(casing) banjur dijiret ing pucuke lan langsung digodhog.[1]
Bab lan Paragraf |
Sejarah [sunting]
Jeneng sosis asale saka basa Latin “Salsus”, artine diasike utawa diawetke. Jaman biyen, nalika mesin pendingin durung ditemokake kanggo ngawetake daging, mula nggawe sosis dadi salah siji alternatif.[2] Dinuga sosis digawe dening wong Sumaria ( saiki Irak ) udakara taun 300 SM. Sosis sing kapisan dikenali saka dokumen Yunani kang katulis udakara taun 500 SM. Ing perkembangane sosis saiki dadi pangan kang populer ing donya, kanthi Jerman dadi kiblate. Sosis kanggo wong Jerman yaiku kalebu panganan primer lan luwih saka1200 macem sosis digawe.[2] Pertamane sawijining tukang daging kang pinetr nduweni ide kanggo nyampur daging giling karo uyah lan bumbu – bumbu kang dilebokake ing selongsong. Banjur selongsong daging mau dimasak kanthi digodhog, diasep, utawa digaringake. Pengasapan dadi salah siji metode pengawetan kang populer tekan saiki.[2]
Jenis-jenise [sunting]
Jenise sosis yaiku :
- Cooked Sausage, digawe saka daging seger kang banjur dimasak / digodhog. Sosis jenis iki biasane dipangan langsung sakwise dimasak utawa menawa disimpen mula dipanaske sakdurunge dipangan. Contho sosis jenis iki yaiku sosis Veal, Braunschweiger.
- Cooked Smoked Sausages, meh padha karo Cooked Sausage, tapi sakwise digodhog banjur sosis diasap utawa diasap nembe digodhog. Sosis jenis iki bisa dipangan panas utawa adhem, tapi disimpen ing kulkas, conthone Wiener, Kielbasa utawa Bologna.
- Fresh Sausage, digawe saka daging seger. Sosis jenis iki kudu diadhemke lan dimasak sakdurunge dipangan. Conthone Fresh Beef sausage
- Fresh Smoke Sausage yaiku Fresh Sausage kang diasep. Sosis iki uga kudu diadhemke lan dimasak sakdurunge dipangan. Conthone Mettwurst.
- Dry sausage, yaiku Fresh sausage kang digaringake.Sosis jenis iki biasane dipangan ing kahanan adhem lan diadhemke ing wektu suwe.[3]
Proses [sunting]
Proses dilakukake kanthi ngiris daging gedhene sak tlapak tangan (10X10X2 cm) lan diolesi uyah lan campuran gula (1%), garam kristal NaNO2 utawa KNO2 (7,5 gram kanggo 50 kg daging) banjur sodium aritrobat akehe 22,5 gram kanggo 50 kg daging. Curing dilakokake ing suhu 2 – 4 0C suwene sakdino sakwengi. Nalika gawe adonan dilakukake pencincangan, menehi bumbu-bumbu kaya uyah, gula pasir, bawang putih, merica, sendawa, masako, Sodium Tripoliphosphat (STPP), binding, lan filling. Banjur daging dilebokake ing selongsong. Selongsong umum digawe saka usus sapi, kambing, domba, lan babi.[1]
Nilai Gizi [sunting]
sosis ngandhut gizi kang cukup dhuwur, tapi kandhutan kolesterol sosis uga dhuwur lan bisa nyebabke hipertensi. Apamaneh kandhutan uyah sosis uga dhuwur.[4]
Ketentuan Mutu [sunting]
Ketentuan mutu sosis saka Standar Nasional Indonesia (SNI 01–3820-1995) yaiku: kadar banyu maksimal 67 persen, abu maksimal 3 persen, protein minimal 13 persen, lemak maksimal 25 persen, lan karbohidrat maksimal 8 persen.[5]
Pranala jaba [sunting]
- (en) Sausage glossary
- (en) USDA Standards of Identity; see Subparts E, F & G
- (en) The Art and Practice of Sausage Making
- (en) [http://www.foodsubs.com/MeatcureSausage.html Guide to sausage from the world ove
