Mozzarella

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kèju Mozzarella

Cithakan:Infobox Cheese

Mozzarella inggih menika kèju Italia ingkang dipundamel kanthi cara diputer lan ditugel, amargi wonten ing Basa Italia, mozzare ateges nugel.[1] [2] Keju menika dipundamel saking susu sapi ugi susu kerbau. Mozzarella di bufala dipundamel saking susu kerbau, déné mozzarella fior di latte dipundamel saking susu sapi ingkang dipunpasteurisasi.[3] Mozzarella seger padatanipun kanthi werna putih, ananging saged werna kuning cerah gumantung panganan sapi/kerbau ingkang dipunpendhet saking susunipun.[4] Tekstur kèju menika lembut lan mawi kadar toya ingkang inggil.[5] Padatanipun kèju ingkang dipundamel ing dinten kasebut dipundhahar ing dinten ingkang sami. [5] Sanajan mekaten kèju menika saged tahan dumugi seminggu menawi dipunkom wonten ing toya mawi sarem[6] Mozzarella mawi kadar toya ingkang andhap saged dipunsimpen wonten ing kulkas dumugi sewulan lan saged tahan langkung dangu menawi dipunsadé mawi kemasan hampa angin.[7] Mozzarella mawi kadar toya andhap ingkang sampun diparut saged dipunsimpen dumugi 6 wulan.[8] Kèju menika dipunginakaken wonten ing pizza, lasagna, utawi dipuntedhi mawi irisan tomat lan basil ing sajian insalata caprese.[9]

Sajarah[sunting | sunting sumber]

Mozzarella kapisan dipundamel ing celakipun Naples, Italia kanthi ngginakaken susu kerbau.[4] Kala menika kathah kerbau ing dhaérah padésan ingkang dipunginakaken kanggé ngangkut barang ugi kanggé ngluku.[10] Miturut legenda, kèju Mozzarella kapisan dipundamel kanthi boten sengaja.[4] Wonten ing ingkang nibakaken dadih dhateng ember mawi toya panas ing satunggaling pabrik kèju ing Naples lan dados kèju Mozzarella ingkang dipunmangertosi samenika.[4] Amargi dipundamel saking susu ingkang boten dipunpasteurisasi lan dèrèng wonten lemari ès lajeng kèju menika boten saged awet lan boten saged dipunkirim marang dhaérah njawinipun Naples.[4] Nalika teknologi wiwit mekar lajeng kèju menika saged dipunkirim dhateng dhaérah-dhaérah sanèsipun ing Italia.[4]

Wujud lan tèkstur[sunting | sunting sumber]

Padatanipun mozzarella mawi wujud bunder kados bal, ananging kathah wujud sanèsipun saking kèju menika, kadosta "Bocconcini" (suapan), "Ciliegine" (ceri alit), "Nodini" (simpul alit), "Pizzaiola" (balok) lan "Ovoline" (tigan). [3] [11] Bobot saking keju menika kirang langkung 200 dumugi 795 gram. Werna kèju menika putih porselen mawi kulit ingkang tipis lan alus. [10] Nalika kèju menika dipuntugel saged ngasilaken cairan putih ingkang mawi aroma susu.[10] Mozzarella ingkang dipundamel mawi susu sapi alusipun boten kados Mozzarella ingkang dipundamel saking susu kerbau.[3] Kèju Mozzarella dipunsadeé ing Italia sareng kalihan toya dadihipun kanggé njagi segeripun.[3] [1] Kèju menika kèju seger ingkang kedah langkung dipuntedhi ing pinten-pinten dinten bibar dipundamel.[3]

Jinis[sunting | sunting sumber]

Kèju Mozzarella samenika kathah variasinipun kadosta : [6]

Mozzarella di bufala[sunting | sunting sumber]

Mozzarella fior di latte[sunting | sunting sumber]

Mozzarella affumicata[sunting | sunting sumber]

Scamorza[sunting | sunting sumber]

Pirsani ugi[sunting | sunting sumber]

Cathetan suku[sunting | sunting sumber]

Pranala njawi[sunting | sunting sumber]

Logo Wikimedia Commons
Pirsani galeri bab Mozzarella ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Mozzarella&oldid=843355"