Parmigiano-Reggiano

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Irisan Parmigiano reggiano

Cithakan:Infobox Cheese

Parmigiano-Reggiano inggih menika kèju mawi tekstur atos saking susu sapi ingkang dipundamel ing dhaérah-dhaérah ing Italia dening ingkang damel kèju kagabung ing Consorzio Formaggio Parmigiano-Reggiano.[1] [2] Consorzio Formaggio Parmigiano-Reggiano inggih menika organisasi mandiri ingkang ngurus babagan produk susu.[2] Keju menika dipundamel ugi ing negara sanès kadosta Argentina, Australia, lan Amerika Serikat anthi nama parmesan.[3] Namung kèju ingkang dipundamel ing Italia ingkang saded dipunsebat Parmigiano-Reggiano.[3] Keju menika pikantuk namanipun saking dhaerah minangka papan minangka kèju kaebut dipundamel.[4] Parmigiano ateges saking Parma wonten ing Basa Italia.[4] Dene Reggiano tumuju ing dhaérah Reggio-Emilia.[4] Keju menika dipundamel ing sapérangan dhaérah ing Italia, kadosta Bologna, Modena, Parma, Reggio Emilia, lan Montova.

Sajarah[sunting | sunting sumber]

Sejarah kèju menika kawiwitan ing abad kaping 13, ing propinsi-propinsi ing lor Italia, inggih menika Parma, Reggio Emilia, Modena, lan Bologna.[2] Ing dhaérah-dhaérah kasebut kèju dipundamel ing biara-biara.[2] Biara-biara kasebut mapan wonten ing lemah wiyar ingkang cocok kanggé ingon sapi.[2] Para biarawan ing mriku remen nandur semanggi lan kanggé pakan sapi. Susu ingkang dipunasilaken menika dipunpengaruhi dening panganan ingkang dipunpangan sapi lan semanggi menika maringi rasa unik wonten ing susu ingkang dipunasilaken.[2] Susu kasebut lajeng dipundamel dados keju Parmigiano Reggiano.[2] Proses anggenipun damel kèju menika sampun kathah éwah saking dipunpanggihaken ing taun 1200an.[2]

Seratan kuno kapisan ingkang nyebataken babagan kèju Parmigiano Reggiano inggih menika seratan saking Adamo Salimbene satunggaling biarawan ingkang manggèn wonten ing Parma sekitar taun 1200 dumugi 1300 M.[3] Nalika era Romawi, produksi lan kondhangipun kèju saking Parma menika dipunserat dening Columella, Varrone lan Marziale.[1] Seratan sanèsipun saking abad kaping 16 déning Apicius kanthi irah-irahan De Culinaria.[5] Piyambakipun nyebataken bilih Parmigiano Reggiano utawi Casues Parmensis kalebet ingkang paling saé ing Italia lan namung saged katandhingi déning kèju Etruria inggih menika Marceolinus utawi Marzolino ingkang sampun punah.[5] Nalika taun 1364, Giovanni Boccaccio nyebataken babagan Parmigiano nalika ngandharaken babagan Paese di Bengodi utawi lemah legenda ingkang sugih ing karyanipun Decameron.[1] [3] Piyambakipun paring pamrayogi supados nyampur kèju kasebut mawi maccheroni lan ravioli.[1] Seratan Boccaccio mbuktekaken bilih kèju kasebut cekap kondhang ing sedaya dhaérah lor Italia.[3] Nalika taun 1568, Bartolomeo Scappi, tiyang Dominika ingkang dados juru masak kagem Paus Pius V nyerat buku masakan ingkang nyebataken bilih kèju Parmigiano minangka kèju paling saé ing donya.[3][6]

Wujud lan tèkstur[sunting | sunting sumber]

Kèju menika awujud bunder kados drum lan gadhah kulit werna kuning alami.ref name="encyclopedia">(en) Harbutt, Juliet (2006). The World Encyclopedia of Cheese. Anness Publishing Ltd. ISBN 978-1-84309-960-4. Page 53.</ref> Diameter kirang langkung 14-18 inci lan dhuwur 7-9 inci. Bobotipun 24 kilogram. IngItalia, keju menika dipunsadé kanthi tugelan ageng lan kasar. Kèju Parmigiano gadhah aroma ingkang legi kados woh-wohan. Rasa saking kèju menika kuwat ananging boten landhep, kados nanas seger.

Pirsani ugi[sunting | sunting sumber]

Cathetan suku[sunting | sunting sumber]

  1. ^ a b c d (en) Parmigiano-Reggiano DOP, Academia Barilla.
  2. ^ a b c d e f g h (en) Parmigiano-Reggiano, The King of Cheeses, The Nibble.
  3. ^ a b c d e f (en) Parmesan Cheese Buying and Storing Tips, I Love Cheese.
  4. ^ a b c (en) Cheese, Glorious Cheese!, Select Italy.
  5. ^ a b (en) History, Iemmi Parmesan.
  6. ^ (en) Tortellini In Brodo, Coquinaria.

Pranala njawi[sunting | sunting sumber]

Logo Wikimedia Commons
Pirsani galeri bab Parmigiano-Reggiano ing Wikimedia Commons.