Grana Padano

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kèju Grana Padano

Cithakan:Infobox Cheese

Grana Padano inggih menika kèju mawi tekstur atos saking susu sapi ingkang dipunpasteurisasi ingkang asalipun saking Italia. Tirunan saking kèju menika ingkang langkung kondhang ing Amèrika Lor lan Inggris dipunmangertosi kanthi nama parmesan.[1] [2] Bagéyan njero kèju menika mawi werna kuning pucet lan mawi tèkstur atos uga kasar. [1] Grana Padano dipunproduksi ing dhaérah sekitar Kali Po, Venice, Trentino, Piemont, Lombardy, lan Emilia-Romana.

Sajarah[sunting | sunting sumber]

Asal mula saking kèju Grana Padano menika saking zaman tengahan.[3] Kala menika ing dhaérah padésan sekitar Kali Po wonten prastawa kengelihan lan para biarawan ing dhaérah kasebut pados cara kanggé nyimpen susu langkung ingkang boten dipununjuk ing dinten menika.[3] Satunggaling cara menika kanthi damel dados kèju ananging sanès kèju seger ingkang limrahipun dipundamel ing kala menika.[3] Lajeng dipundamel kèju atos ingkang saged dipunsimpen pinten-pinten wulan ugi pinten-pinten taun.[3] Ingkang manggihaken kèju menika satunggaling biarawan saking Chiaravalle celak kalihan Milan nalika taun 1135 ingkang lajeng dipuntiru déning biarawan sanèsipun.[3] Para biarawan nyebat caseus vetus, Basa Latin kanggé "kèju tua".[3] Ananging tiyang-tiyang maringi nama sanès kanggé kèju kasebut miturut tèksturipun ingkang kados butiran-butiran ("grana").[3] Lajeng wonten nama formaggio di grana ingkang dipunbedakaken adhedhasar propinsi ingkang damel.[3] Ing Parma keju menika kondhang minangka Parmigiano-Reggiano.[3]

Wujud lan tèkstur[sunting | sunting sumber]

Grana Padano menika awujud silinder lan radi cembung. Keju menika mawi diamèter 14 dumugi 18 inci, kanthi dhuwur 7 dumugi 10 inci lan bobotipun werna-werna saking 53 dumugi 88 pon. Kulitipun mawi werna kuning alami lan kandhelipun antawisipun 4 dumugi 8 mm.

Prosès anggènipun damel[sunting | sunting sumber]

Panyimpenan keju Grana Padano wonten satunggaling pabrik ing Italia.

Kèju menika dipunproduksi saking susu sapi ingkang dipunparingi pakan damen. Susu kasebut kalebet campuran saking susu ingkang dipunperes nalika wayah énjing lan wengi ingkang dinten ingkang sami. Susu kasebut laejng dipunskim sapérangan sadèrèngipun asam laktat dipuntambah. Susu lajeng dipunpanasaken kanthi suhu 31-33 °C lan dipuntambah kalihan rennet.[2] Bibar menika lajeng dipuntugel ananging boten dipundamel garing lajeng dipunpanasaken ugi dipunudhak lan dipunpanasaken malih kanthi suhu 53-56 °C.[2] Bibar menika kèju dipunjarke kemawon kirang langkung setengah jam dumugi setunggal jam.[2] Prosès anggènipun damel Grana Padano sami kalihan kèju Parmigiano-Reggiano, ananging Grana Padano dipunproduksi sedawaning taun dene Parmigiano-Reggiano namung ngginakaken susu saking mangsa panas.[4] Amargi dipundamel kanthi cacah ingkang kathah saéngga regi kèju Grana Padano langkung mirah tinimbang Parmigiano-Reggiano.

Pirsani ugi[sunting | sunting sumber]

Cathetan suku[sunting | sunting sumber]

  1. ^ a b (en) Harbutt, Juliet (2006). The World Encyclopedia of Cheese. Anness Publishing Ltd. ISBN 978-1-84309-960-4. Page 51.
  2. ^ a b c d (en) Grana Padano, Practically Edible.
  3. ^ a b c d e f g h i (en) Grana, The King of Cheese, Ital Trade.
  4. ^ (en) "The Cheeses of Italy" (PDF). Italian Made. Italian Institute of Foreign Trade. 2000. http://www.italianmade.com/library/PDFs/TheCheesesOfItaly.pdf.

Pranala njawi[sunting | sunting sumber]

Logo Wikimedia Commons
Pirsani galeri bab Grana Padano ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Grana_Padano&oldid=876267"