Eropah Lor

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

Eropah Lor

Eropah Lor minangka sebutan kanggo bagéan lor Eropah, senadyan tapel watesé ora tetep lan nduwèni werna-werna vèrsi. Minangka sebutan sing nglompokaké negara Nordik:

Denmark, Finlandia, Islandia, Norwegia lan Swedia, uga Åland, Kapuloan Faroe, Jan Mayen lan Svalbard. (Senadyan sacara pulitik lan sajarah raket banget gegayutané karo Eropah Lor, teritori Nordik Greenland sacara geografi cedhak karo bawana Amérika Lor.)

bebarengan karo pilihan ing ngisor (béda saka vèrsi siji lan sijiné):

Negara Baltik: Estonia, Latvia, lan Lituania.
Pulo Britania Raya: Britania Raya, Irlandia Lor, Kapuloan Channel lan Pulo Man (delengen uga Eropah Kulon).
Irlandia
Wilayah kang wewatesan, utawa cedhak, Segara Baltik lan Segara Lor, contoné baratlaut Rusia (klebu Kaliningrad), lor Polandia, lor Jerman, Walanda, Belgia, Luksemburg, region Prancis ing Nord-Pas de Calais.
Umumé Ingria, Karelia lan Semenanjung Kola (delengen uga Eropah Wétan).

Bagéan Statistik Perserikatan Bangsa-Bangsa ngartèkaké Eropah Lor yaiku:

Peta Walanda ngenani Eropah lor, dicithak taun 1601.

Sadurungé abad kaping-19, sebutan 'Nordik' utawa 'Lor' kerep dipigunakaké kanggo nyebut Eropah Lor amarga nyakup negara-negara Nordik, Rusia Eropah, negara Baltik (wektu kuwi Livonia lan Courland) lan Greenland.

Ing jaman-jaman wiwitan, nalika Eropah dikuwasani déning wilayah Mediterania (kaya Imperium Romawi), kabèh sing ora dumunung cedhak segara diarani Eropah Lor, klebu Jerman, Negara Hilir, lan Austria. Sebutan iki kerep dipigunakaké nganti dina iki kanggo sawetara kontèks, kaya bab Renaisans Lor. Ing abad tengahan, sebutan (Ultima) Thule dipigunakaké kanggo nyebut panggonan semi-mistik ing pucuk lor bawana kuwi.

Negara	Jembar (km²)	Cacahing pedunung (1 Juli, perkiraan 2002)	Kapadhetan pedunung (per km²)	Ibukutha
Eropah Lor:
Åland (Finlandia)	1,552	26,008	16.8	Mariehamn
Britania Raya	244,820	61,100,835	244.2	London
Denmark	43,094	5,368,854	124.6	Kopenhagen
Estonia	45,226	1,415,681	31.3	Tallinn
Kapuloan Faroe (Denmark)	1,399	46,011	32.9	Tórshavn
Finlandia	336,593	5,157,537	15.3	Helsinki
Guernsey	78	64,587	828.0	St Peter Port
Republik Irlandia	70,280	4,234,925	60.3	Dublin
Islandia	103,000	307,261	2.7	Reykjavík
Pulo Man	572	73,873	129.1	Douglas
Jersey	116	89,775	773.9	Saint Helier
Latvia	64,589	2,366,515	36.6	Riga
Lituania	65,200	3,601,138	55.2	Vilnius
Norwegia	324,220	4,525,116	14.0	Oslo
Kapuloan Svalbard lan Jan Mayen (Norwegia)	62,049	2,868	0.046	Longyearbyen
Swedia	449,964	9,090,113	19.7	Stockholm