Mèlanésia (saka basa Yunani "pulo ireng") iku wewengkon sing mujur saka Pasifik kulon nganti tekan Sagara Arafura, lor lan wétan-loré Australia. Istilah iki pisanan dipigunakaké déning Jules Dumont d'Urville ing taun 1832 kanggo nyebut siji ètnis lan golongan pulo-pulo sing béda saka Polinésia lan Mikronésia. Saiki, klasifikasi rasial d'Urville dianggep ora cocog sebab nutupi keragaman budaya, linguistik, lan genetik Melanésia lan saiki mung dipigunakaké kanggo jeneng géografis waé.