Skandinavia

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Skandinavia kuwi ngarujuk marang rong negara yakuwi (Norwegia lan Swedia) sing dumunung ing Tanjung Skandinavia, ditambah Denmark.

Tanjung Skandinavia nduwèni populasi sithik lan tlatahé katutup déning alas pinus, birch lan, cemara. Ing sisih kulon lan lor ana sawijining pagunungan. Pagunungan Skandinavia kuwi mujudaké salah siji pagunungan paling tuwa ing donya. Gunung sing paling dhuwur yakuwi Galdhøpiggen ing Norwegia.

Denmark minangka negara Skandinavia sing paling cilik, populasiné luwih padhet, lan tlatahé akèh dianggo panggonan tetanèn. Kopenhagen, ibukutha Denmark, uga kutha paling gedhé ing Skandinavia.

Skandinavia kuwi pérangan saka Negara Nordik sing uga nyakup Islandia lan Finlandia. Kalima negara iki ngordinasèkaké aktivitas pulitik lan kabudayan ing Déwan Nordik. Denmark, Finlandia, lan Swedia kuwi negara anggota Uni Eropah.

Basa-basa ing Skandinavia kuwi silih gegandhéngan lan wong Skandinavia bisa mangertèni siji lan sijiné. Basa Skandinavia klebu jroning basa Jermanik, sakkulawarga karo basa Jerman lan Inggris.

Saben negara nduwèni mata uang dhuwit dhéwé-dhéwé, senadyan jenengé padha yakuwi krona utawa krone. Dhuwit sak krona dipecah dadi 100 øre utawa öre. Ajiné sak krona kira-kira 10-15 seneuro.

Sadawané sajarah, negara-negara Skandinavia wis ngliwati perang lan tapel watesé wis owah luwih saka sepisan, nanging saiki Skandinavia minangka negara sing damai.

Delengen uga[sunting | sunting sumber]


Pranala njaba[sunting | sunting sumber]

Logo Wikimedia Commons
Pirsani galeri bab Skandinavia ing Wikimedia Commons.


Sumber artikel punika saking kaca situs web: "http://jv.wikipedia.org/w/index.php?title=Skandinavia&oldid=814673"