Anwar Sadat
| Mohammed Anwar Al Sadat محمد أنورالسادات | |
|---|---|
 | |
| Présidhèn Mesir kaping 3 | |
| Linggih 15 Oktober 1970 – 6 Oktober 1981 | |
| Kang sadurungé | Gamal Abdel Nasser |
| Kang sawisé | Hosni Mubarak |
| Rerincèn dhiri | |
| Lair | 25 Dhésèmber 1918 Mit Abu Al-Kum, Al-Minufiyah, Mesir |
| Pati | Oktober 6, 1981 (umur 62) Kairo, Mesir |
| Bangsa | Al Menofeia, Mesir |
| Parté pulitik | Persatuan Arab Sosialis (tekan taun 1977) Parté Nasional Dhémokratik (saka taun 1977) |
| Sisihan | Jehan Sadat |
Muhammad Anwar El Sadat (Arab: محمد أنور السادات, Muḥammad Anwar as-Sādāt) (25 Dhésèmber 1918 – 6 Oktober 1981) iku Présidhèn Mesir sing kaping telu, masa bektiné saka tanggal 15 Oktober 1970 nganti dhèwèké ditémbak tanggal 6 Oktober 1981. Dhèwèké anggota senior Kelompok Opsir Bébas sing nggulingaké Dinasti Muhammad Ali mawa Révolusi Mesir ing taun 1952. Sadat iku uga siji wong kapercayan cedhaké Gamal Abdel Nasser, sing digantiné minangka présidhèn ing taun 1970.
Salawasé sawelas taun minangka présidhèn Mesir, Sadat ngowahi arah nagara iki, lan mangkat saka prinsip-prinsip pulitik Nasserisme lan nepungaké sistém multi-parté pulitik. Kapimpinané ing Perang Oktober 1973 lan kasuksèsané ngrebut bali Sinai nggawé dhèwèké siji pahlawan Mesir. Nanging olèhé nekani Israèl lan Prajanjèn Damai Israèl-Mesir ndadèkaké dhèwèké digething ing Donya Arab. Yasané lan kakendelané gelem ngejak dhamé klawan Israèl ndadèkaké dhèwèké olèh pamulyan Courage of Conscience ing 11 September 1991 kanthi anumerta.