René Cassin

Saka Wikipédia Jawa, bauwarna mardika basa Jawa
Patung peringatan kanggé René Cassin wonten ing Forbach, Prancis

René Cassin (5 Oktober 188720 Fèbruari 1976) langkung kawentar dados hakim Prancis ingkang gadhah prabawa kaliyan aktivis HAM. Piyambakipun dianggep dados salah satunggaling panganjur utama dunya kanggé kabébasan pribadi.

Miyos wonten ing Bayonne, Prancis, Cassin miwiti karier resminipun dados pengacara wonten ing Pengadilan Paris nalika taun 1909. Nalika PD I kawiwitan, Cassin nggabung kaliyan infantri nanging gerah, dadosipun Cassin dipunbebasaken saking tugas. Sasampunipun perang, piyambakipun dados profésor ngèlmu ukum wonten ing Universitas Aix-en-Provence. Akiripun, taun 1929, piyambakipun pindhah Universitas Paris wonten mriku angsal kalungguhan dados ketua fiskal sarta ukum perdata. Cassin tetep ten Université de Paris ngantos pènsiyun,1960. Cassin nyerat perjanjian-perjanjian sarta artikel ingkang wonten hubungane kaliyan ketaksamaan wanita nalika wonten sikara hak asasi manungsa internasional.

Cassin punika wakil Prancis nalika LBB saking taun 1924 ngantos taun 1938. Piyambakipun njabat wonten ing Komisi HAM Perserikatan Bangsa-bangsa kaliyan Pengadilan Arbitrasi den Haag (pimpinan antara 1950-1960). Sasampunipun Perang Dunia II, Cassin njabat dados wakil Prancis kanggé wakil PBB nalika taun 1946, 1948, 1950, 1951, kaliyan taun 1968. Ditambah nalika taun 1959 ngantos taun 1965, Cassin punika anggota ingkang kawentar wonten ing Pangadilan HAM Éropah. Nalika taun 1965, Cassin diangkat dados pimpinan sarta njabat ngantos taun 1968.

Sasampunipun PD II, kadurjanan perang Nazi sampun dipunsingkab, Cassin, sesarengan kaliyan Eleanor Roosevelt, nyerat Universal Declaration of Human Rights. Wonten ing satunggaling suwara kaping pisanan PBB nalika HAM, Majelis Umum sarujuk deklarasi nalika tanggal 10 Dhésèmber 1948. Sasampunipun pangambilan suwara punika, PBB maringi kurmatan dhumateng karya Cassin nalika aktivitas HAM, piyambakipun angsal pakurmatan babagan babagan HAM. Nalika taun 1968, René Cassin inganugraha Bebungah Bedhamèn Nobel.

Cassin séda nalika yuswa 88.

Ugi pirsani[besut | besut sumber]

Pranala njawi[besut | besut sumber]

Cithakan:Nobel Bedhamèn