Wangari Maathai

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Wangari Maathai

Dr. Wangari Muta Maathai (lair ing Nyeri, Kenya, 1 April 1940 – tilar donya ing Nairobi, 25 September 2011 kanthi umur71 taun) inggih punika salah satunggaling aktivis lingkungan hidup lan politik. Nalika taun 2004, piyambakipun dados wanita asal Afrika ingkang kapisanan ingkang dipunanugrahi Penghargaan Perdamaian Nobel kangge sumbanganipun wonten ing bidang pembangunan berkelanjutan, demokrasi, lan perdamaian. Piyambakipun minangka anggota Parlemen Kenya sarta nate dados Asisten Menteri Lingkungan Hidup dan Sumber Daya Alam wonten ing pamarentahanipun Presiden Mwai Kibaki antawising taun Januari 2003 dumugi November 2005.

Dr. Maathai miyos wonten ing Desa Ihithe, Divisi Tetu, Distrik Nyeri, Kenya saking kulawarga etnis Kikuyu. Piyambakipun pikantuk gelar sarjana wonten ing biologi saking Benedictine College, Atchison nalika taun 1964 lajeng dipunlajengaken wonten ing Universitas Pittsburgh saderengipun wangsul malih dhateng Nairobi. Wonten ing Universitas Nairobi, piyambakipun pikantuk gelar Ph.D. ingkang angka pisan tumrap wanita asal Afrika Timur wonten ing bidang kadhokteran kewan. Piyambakipun dados dosen anatomi kewan ing universitas kasebut nalika taun 1971 lajeng dados dekan. Nalika taun 2002, piyambakipun pikantuk posisi minangka Visiting Fellow wonten ing Institut Global kangge Kehutanan Berkelanjutan wonten ing Universitas Yale.[1]

Pagesangan Kulawarga[sunting | sunting sumber]

Wangari Maathai minangka ibu saking 3 putra: Waweru, Wanjira lan Muta. Nalika taun 1980an, piyambakipun pisahan kaliyan garwanipun, Mwangi Mathai, ingkang ngendika babaganpiyambakipun bilih "langkung kadhidhik, langkung kiyat, langkung sukses, lan langkung awrat dipunatur." Piyambakipun lajeng dipunlebetaken dhateng kunjara amargi nentang hakim sarta dipunlarang migunakaken nama garwanipun malih. Minangka panolakan, piyambakipun namung newahi namanipun kanthi nambahaken setunggal huruf “a” dados Maathai.

Karier[sunting | sunting sumber]

Nalika taun 1977 piyambakipun mbiyangun Gerakan Sabuk Hijau, sawijining organisasi akar rumput nonpamarentah ingkang ancasipun njamin sumber panyengkuyung kayu bakar lan nyegah erosi lemah. Kampanye punika nggerakaken wanita miskin lan nanem langkung saking 30 juta wit dumugi sakmenika. Sadangunipun taun-taun kalampahan, penebangan liar sampun nyebabaken kirangipun toya seger lan kayu bakar sarta mutu lemah ingkang samsaya mandhap. Maathai saged maringi motivasi kangge ibu-ibu saking anak-anak ingkang kekirangan gizi saperlu ngempalaken bibit tandhuran, ngedhuk sumur, njagi semaian saking kewanlan manungsa. Amargi jasa-jasanipun, piyambakipun dipunparingi gelar Mama Miti (basa Swahili: Ibu saking tetuwuhan).[2]

Nalika Desember 2002, Maathai kapilih dados anggota Parlemen Kenya kanthi 98% swara. Nalika taun 2003 piyambakipun dipunangkat minangka Asisten Menteri Lingkungan, Sumber Daya Alam, dan Margasatwa. Nalika taun ingkang sami, piyambakipun ugi ndhirikaken Mazingira Green Party of Kenya.[3]

Penghargaan[sunting | sunting sumber]

Kejawi Hadhiah Nobel Perdamaian, Maathai ugi nampi sajumlah penghargaan sanes kalebet Right Livelyhood Award (1983), Woman of the Year Award (1983), Woman of the World Award (1989), Africa Prize (1991), ugi Penghargaan Petra Kelly 2004 saking Yayasan Heinrich Böll Jerman. Piyambakipun pikantuk 3 gelar doktor kehormatan saking Amerika Serikat lan Norwegia.


Cathetan Suku[sunting | sunting sumber]

Pranala Njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Wangari_Maathai&oldid=836430"