Henri La Fontaine

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados


Henri-Marie La Fontaine (22 April 185414 Mei 1943) inggih punika pangacara internasional Belgia lan presiden Biro Perdamaaian Internasional wiwit taun 1907 dumugi ing taun 1943 ingkang pikantuk Hadhiah Nobel Perdamaian nalika taun 1913.[1]

Miyos wonten ing Brusel, Henri La Fontaine aktif nidnakaken saben bab punapa kemawon ingkang dipunremeni. Satunggaling Pangacara, piyambakipun berjuang kangge perdamaian, permukiman konflik kaliyan arbitrase, internationalisme, hak pilih universal, hak pendidikan, hak wanita utawi pengaturan buruh. Piyambakipun dipunanggep dening kanca-kancanipun minangka "pemimpin gerakan rakyat kangge perdamaian ing Eropa ingkang sajatosipun ". Henri La Fontaine yuswanipun boten langkung dangu kangge ningali pembebasan Belgia, amargi piyambakipun tilar donya nalika tanggal 14 Mei 1943 nalika yuswanipun ngancik angka 89. Nalika taun 1877, nalika yuswanipun 23 taun, Henri La Fontaine dipundhawuhi dhateng pengadilan wonten ing Pengadilan Banding Brusel. Satunggaling anggota Partai Buruh Belgia , piyambakipun dipunangkat minangka Senator nalika taun 1895, lan antawising taun 1919 dumugi taun 1932 kagungan jabatan minangka Wakil Presiden Senat.[2]

Saalh satunggaling anggota parlemen ingkang aktif, Henri La Fontaine inggih punika investigator sajumlah reformasi ing bidang pendidikan, perburuhan, lan urusan luar negeri. Piyambakipun ugi ngajara hukum internasional wonten ing Universitas Brusel dumugi ing taun 1940.[3]

Ing sangandhaping pangaruh juru damai Britania Hodgson Pratt, Henri La Fontaine ndhirikaken Kelompok Arbitrase lan Perdamaian Belgia nalika taun 1883, lan dados sekretaris jenderalipun 2 taun candhakipun. Antawis taun 1907 lan 1943, piyambakipun njabat dados Presiden Biro Perdamaian Internasional, lan pikantuk Nobel Perdamaian nalika taun 1913. Piyambakipun minangka salah satunggaling anggota delegasi Belgia dhateng Konferensi Perdamaian Paris nalika taun 1919 lan wonten ing taun candhakipun, dados wakil Belgia dhateng Majelis Umum Liga Bangsa-bangsa. Sadangu gesangipun, piyambakipun aktif wonten ing salebeting masyarakat perdamaian kalebet Masyarakat Arbitrasi lan Perdamaian Belgia. Internasionalismenipun saged kapanggihaken wonten ing sawijining esai ingkang dipunterbitaken wonten ing taun 1916 kanthi judul La Grande Solution, ing pundi piyambakipun nywantenaken dipunbentukipun Parlemen, Konstitusi, lan Bank Dunia, ugi pembentukan basa univesal.[4]

Hukum sanes namung satunggalipun bidang ingkang narik minatipun. Satunggaling bibliografer lan panliti dokumenter, nalika taun 1895, sesarengan kaliyan Paul Otlet, piyambakipun ndhrikaken Lembaga Bibliografi Internasional (saderengipun Federasi Informasi dan Dokumentasi Internasional utawi FID) ingkang kagungan ancas ngempalaken lan ngindekskaken sedaya informasi ingkang gegayutan kaliyan perkawis lan pemeliharaan perdamaian internasional.

Dinamisme Henri La Fontaine ingkang boten mandheg, damel piyambakipun njajahi kathah bidang. Satunggaling pemanjat ingkang cerdas, piyambakipun nyurahaken bibliografi internasional babagan olahraga punika, lan minangka Presiden Klub Alpen Belgia. Piyambakipun ugi nerjemahaken bagian-bagian opera Wagner, nyerat esai wonten ing status wanita Amerika Serikat, lan ndhirikaken majalah La Vie Internationale.


Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Henri_La_Fontaine&oldid=868207"