Charles G. Dawes

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Charles G. Dawes
Charles G. Dawes

Masa jabatan
4 Maret 1925 – 4 Maret 1929
Presiden Calvin Coolidge
Pendahulu Calvin Coolidge
Pengganti Charles Curtis

Lahir 27 Agustus 1865
Marietta, Washington County, Ohio
Meninggal 23 April 1951, usia 85
Evanston, Illinois
Kebangsaan Amerika
Partai politik Partai Republikan
Suami/Istri Caro Blymyer Dawes

Charles Gates Dawes miyos ing Marietta, Washington County, Ohio, nalika 27 Agustus 1865. Piyambakipun lulus saking Marietta College (1884) lan Cincinnati Law School (1886). Lajeng piyambakipun mbikak praktik pengacara ing Lincoln, Nebraska (1887-1894).[1]

Garwa saking Caro Blymyer punika minangka tokoh keuangan lan perbankan ingkang kondhang ing Amerika Serikat. Piyambakipun nate ngrantam konsep Rencana Dawes kangge rehabilitasi pasca Perang Donya I. kangge punika piyambakipun pikantuk Hadhiah Nobel Perdamaian.

Charles kagungan 2 putra kandung (Rufus F. Dawes lan Carolyn Dawes) lan 2 putra angkat (Dena McCutcheon lan Virginia). Nalika taun 1912, salah satunggaling putranipun, Rufus, ketilem lan tilar donya ing Danau Jenewa, Swiss, nalika kulawarganipun liburan. Saperlu ngenang punika, Dawes damel 2 griya singgah ing Boston lan Chicago.

Dawes nate njabat ing maneka posisi, inggih punika Comptroller Of Currency ing Departemen Keuangan AS (1898-1901) ing pundi piyambakipun sukses ngempalaken USD 25 yuta saking bank-bank ingkang kolaps sadangunipun Kepanikan 1893, lan ugi ngewahi praktik perbankan saperlu nyegah bab ingkang sami ing samangke. Sabibaripun punika nalika taun 1901, piyambakipun ninggalaken Departemen Keuangan saperlu ngrebut kursi Senat AS saking negara bagian Illinois. Piyambakipun yakin kanthi pambiyantu saking pamarentahan William McKinley, ananging sabibaripun rajapejah tumrap Presiden McKinley, upayanipun gagal. Presiden Theodore Roosevelt langkung milih lawan Dawes kangge kursi Senat punika. Lajeng Dawes langkung milih mandheg saking politik lan mbiyangun perusahaan Central Trust Company of Illinois lan dados presiden direktur dumugi taun 1921.

Dawes dipunpilih minangka wakil presiden kaping 30 lan njabat antawis 4 Maret 1925 - 3 Maret 1929.[2] Sasampunipun, piyambakipun dipunangkat minangka duta besar kangge Inggris ( taun 1929-1932). Piyambakipun rumaos pakaryanipun hina amargi nepangaken wanita-wanita Amerika dhateng Raja Inggris.

Dawes ugi misuwur minangka pancipta komposisi Melody in A Major nalika taun 1912. Komposisi punika lajeng kondhang minangka It's All in the Game ing pundi Carl Sigan nambahaken lirikipun nalika taun 1951. Lagu punika dipunbektakaken dening Tommy Edwards lan dados hit angka 1 taun 1958! Para artis sanes ingkang ugi nate mbektakaken lagu punika kadosta The Four Tops, Tom Morrison, Cliff Richards, Brook Benton, Elton John lan Barry Manilow.

Dawes seda ing Evanston nalika 23 April 1951 lan dipunsarekaken ing Chicago, Illinois.[3]



Sing mengku  sadurungé:
Director of the U.S. Office of Management and Budget
23 Juni 1921 - 30 Juni 1922
Diganti déning:
Herbert Lard
Sing mengku  sadurungé:
Calvin Coolidge
Kandidat Wakil Presiden dari Partai Republiken
1924 (menang)
Diganti déning:
Charles Curtis
Sing mengku  sadurungé:
Calvin Coolidge
Wakil Presiden Amerika Serikat
4 Maret 1925 - 4 Maret 1929
Diganti déning:
Charles Curtis


Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Charles_G._Dawes&oldid=846071"