Menachem Begin

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Menachem Begin
מנחם בגין
Menachem Begin

Mangsa jabatan
21 Juni 1977 – 10 Oktober 1983
Didhisiki déning Yitzhak Rabin
Diganti déning Yitzhak Shamir

Miyos 16 Agustus 1913
Brest, nalika iku Kakaisaran Rusia, saiki Belarus
Tilar donya 9 Maret 1992 (umur 78)
Tel Aviv, Israel
Partai pulitik Likud

Menachem Begin Swara rungokna (16 Agustus 19139 Maret 1992) (Basa Ibrani: מְנַחֵם בְּגִין, Polski: Mieczysławaw Biegun, Arab: مناحيم بيغن‎ Munahayyim Beeghin, Rusia: Менахем Вольфович Бегин Menakhem Vol'fovich Begin) iku sawijining pulitikus Israel lan pamenang hadhiah Nobel Perdamaian. Dhèwèké iku pangadeg Partai Likud lan uga tau njabat dadi Perdana Menteri Israel kaping 6. Begin iku katurunan Yahudi Polandia lan sadurungé Israèl mardika njabat dadi kepala laskar Zionis, Irgun.[1][2][3]Irgun iku sempalan saka Haganah lan ndarbèni haluan révisionis. Dhèwèké proklamasi pambalèlan marang pamaréntah Mandat Britania ing Palèstina, sing ditentang déning Agènsi Yahudi, ing tanggal 1 Februari 1944. Minangka kepalané Irgun, dhèwèké nyerang wong Britania ing Palèstina.

Begin mèlu kapilih ing Knesset kapisan lan ngepalani Partai Herut. Nalika iku dhèwèké ana ing pinggiran aliran pulitik sing nentang pamarèntahan Israèl pimpinan Mapai lan golongan èlit Israèl. Dhèwèké panggah ana ing kursi oposisi terus salawasé wolung pemilu (kajaba nalika jaman pamarèntahan tunggal nasional nalika ing Perang Enem Dina). Nanging suwé-suwé dhèwèké bisa ditampa déning aliran tengah. Ing taun 1977 dhèwèké menangaké pemilu lan dilantik dadi perdana menteri. Palantikané minangka perdana menteri iku mungkasi dominasi Partai Buruh Israèl sing wis kuwasa telung dasawarsa. Begin mbokmenawa dadi pamimpin oposisi sing suwé dhéwé sajroning sajarah modèrn pulitik.

Prèstasi utama Begin minangka perdana menteri iku prajanjèn bedhamèn karo Mesir ing taun 1979. Begin lan Anwar Sadat olèh Hadhiah Nobel Perdamaian déné prajanjèn iki. Sawisé Prajanjèn Camp David, militèr Israèl mundhur saka Tanjung Sinai sing sadurungé direbut saka Mesir nalika Perang Enem Dina. Ing sakatambénjing, pamaréntahan Begin banjur promosi pambangunan pamukiman Yahudi ing Gisik Kulon lan Lurung Gaza. Begin uga nyarujuki Pangeboman PLTN Osirak ing Irak lan invasi Libanon taun 1982 kanggo mbrantas bèntèng-bèntèng PLO ing kana. Invasi iki banjur miwiti Perang Libanon kapisan.

Biografi[sunting | sunting sumber]

Begin lair ing kutha Brest-Litovsk, Belarus, tanggal 16 Agustus 1913, putra saka Ze'ev Dov lan Hassia Begin.[1][2][3] Begin sekolah ing sekolah Ibrani Mizrachi lan gimnasium ing Polandia.[2] Nalika taun 1931 dheweke nerusake kuliah ana ing Universitas Warsawa lan oleh gelar gelar sarjana ukum taun 1935.[3][1] Nalikaq umure 13 taun dheweke melu ana ing pergerakan Hashomer Hatza’ir lan nalika umure 16 taun dheweke dadi anggota Betar (Brit Trumpledor), sekutu pergerakan pemuda nasionalis lan Pergerakan Revisionis Zionis.[1] Taun 1932 Begin dadi kepala Departemen Organisasi Betar lan akeh nyumbang akeh artikel kanggo pers revisionis. Dheweke banjur dikirim menyang Cekoslowakia kanggo dadi kepala sawijining gerakan ana ing kana.[2][1]

.

Taun 1937 Begin balik maneh menyang Polandia lan dikunjara meneh merga mimpin demo ana ing depan KeduBes Inggris ing Warsawa, demo iku protes kebijakan Inggris ana ing Palestina.[3][1] Dheweke ngatur anggota grup Betar kang lunga menyang Palestina dadi imigran gelap, lan taun 1939 dadi kepala gerakan ing Polandia.[1] Nalika ana Perang Donya II, Begin dicekel déning otoritas Uni Soviet lan antara 1940-1941 dikurung ing kamp konsentrasi ing Siberia lan panggon liya, nanging dibebasake merga Persetujuan Stalin-Sikorski.[1]


Cathetan suku[sunting | sunting sumber]

Cithakan:DEFAULTSOR:Begin, Menachem

Sumber artikel punika saking kaca situs web: "http://jv.wikipedia.org/w/index.php?title=Menachem_Begin&oldid=832234"