Jody Williams

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jody Williams

Jody Williams (lair ing Putney, Vermont, 9 Oktober 1950; umur 64 taun) inggih punika salah satunggaling guru lan pekerja sosial Amerika Serikat ingkang pikantuk Hadiah Nobel Perdamaian taun 1997[1] sesarengan kaliyan gerakan ingkang dipunpimpinipun, International Campaign to Ban Landmines (ICBL) (Kampanye Internasional kangge Nglarang Ranjau Darat). Williams nalika wiwitan sinau minangka guru English as a Second Language (ESL). Piyambakipun pikantuk gelar BA saking Universitas Vermont nalika taun 1972 lan gelar magister wonten ing ngajar basa Spanyol lan ESL saking School for International Training (ugi wonten ing Vermont) nalika taun 1974. Nalika taun 1984 piyambakipun pikantuk gelar magister ingkang angka 2 wonten ing Hubungan Internasional saking School of Advanced International Studies ing Universitas Johns Hopkins. Piyambakipun ngajar ESL ing Meksiko, Britania Raya, lan pungkasanipun Washington, D.C. Saderengipun katunjuk kangge makarya wonten ing program bantuan, dados koordinator "Proyek Pendidikan Nikaragua-Honduras" saking taun 1984 dumugi taun 1986. Lajeng piyambakipun dados wakil direktur badan amal ingkang basisipun wonten ing Los Angeles, "Medical Aid for El Salvador". Jabatan punika dipuncepeng dumugi taun 1992 nalika piyambakipun pindhah dhateng ICBL ingkang nembe dipunbentuk.[2]

Pungkasanipun, ancas saking organisasi punika saged kasembadan nalika taun 1997 nalika sawijining perjanjian internasional (Perjanjian Ottawa) nglarang ranjau darat anti manungsa ingkang dipuntapakasmani ing Ottawa nalika taun 1997 (ewadene saperangan negara, mliginipun Amerika Serikat,RRC, lan Rusia dereng napakasmani).[3]

Salah satunggaling aspek ingkang langkung wiyar saking karya Williams inggih punika irntisanipun wonten ing migunakaken Kekiyatan Rakyat: kerja sama ingkang langkung wiyar lan ageng-agengan wonten ing aksi politik trans-nasional, wiwitanipun lumantar fax lan pungkasanipun lumantar e-mail, mekaten dipunandharekan dening Williams piyambak,

Bayangaken kados pundi caranipun njangkau atusan organisasi – masing-masing independen lan makarya wonten ing katah isu – supados ngraosaken bilih piyambak-piyambak minangka unsur wigati wonten ing pengembangan sawijining gerakan ingkang enggal. Kula kepengin piyambak-piyambak rumaos bilih punapa ingkang dipunngendikakaken babagan perencanaan, pamikiran, program, lan aksi kampanye punika wigati. Amargi punika, tinimbang ngirim serat, kula kirimaken fakx dhateng saben tiyang. Tiyang kabiasa ngirim fax balik. Punika kagungan 2 ancas – tiyang badhe menggalih babagan punapa ingkang badhe dipuntindakaken saperlu ndamel saderengipun nyerat, lan kula kagungan cathetan kaserat ingkang permanen saking meh sedayanipun wonten ing perkembangan kampanye saking dinten kapisan. [1]

Williams lajeng nglayani wonten ing ICBL minangka utusan kangge kampanye punika lan panyunting laporan organisasi ipunika babagan [ranjau darat. Piyambakipun ugi dados profesor tamu ing bidang pekerjaan sosial ing Universitas Houston kangge taun akademik [2003]]-2004.

Piyambakipun kathah nyerat lan micara babagan perkawis ranjau darat.

Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Jody_Williams&oldid=836381"