Adolfo Pérez Esquivel

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Adolfo Pérez Esquivel (miyos 26 November 1931 wonten ing Buenos Aires, Argentina) inggih punika panampa Penghargaan Perdamaian Nobel taun 1980. Piyambakipun dipuncathet amargi mimpin protes tumrap Wilayah Perdagangan Bebas Amerika lan praduga bilih polisi Argentina ngrekrut lare-lare wonten ing salebeting skuadron paramiliter, sawijining operasi ingkang dipunbandhingaken kaliyan Hitler Jugend nalika masa Jerman Nazi.[1]

Pérez Esquivel mglampahi endidikan wonten ing Escuela Nacional de Bellas Artes lan Universidad Nacional de La Plata ing pundi piyambakipun dipundidik minangka arsitek lan pemahat. Piyambakipun lajeng dipunangkat minangka guru besar arsitektur. Sadangunipun 25 taun, piyambakipun ngajar wonten ing SD, SLTP, lan perguruan tinggi. Piyambakipun makarya wonten ing sajumlah media pahatan.

Nalika taun 1960-an, Pérez Esquivel wiwit makarya wonten ing kelompok pasifis Kristen Amerika Serikat. Nalika taun 1974 piyambakipun mandheg anggenipun ngajara amargi kapilih minangka koordinator umum kangge jaringan komunitas basis Amerika Latin ingkang mromosikaken kebebasan kaum miskin kanthi non-kekerasan.

Nalika panindasan sistematis nyusul kudeta militer Jorge Videla nalika taun 1976, piyambakipun mbentuk lan ndanani hubungan antarorganisasi misuwur saperlu njagi hak asasi manusia lan ndhukung kulawarga korban Perang Kotor. El Servicio de Paz y Justicia ("Yayasan Pelayanan, Perdamaian lan Keadilan") ingkang dipundhirikaken ngrembaka wonten ing konteks punika, lan kagungan tugas mbiyantu mbela hak asasi manusia kanthi mromosikaken gerakan internasional kangge nentang kejahatan ingkang dipuntindakaken dening Proceso de Reorganización Nacional (rezim militer) punika.[2]

Nalika taun 1975, Pérez Esquivel dipuntahan dening polisi militer Brasil; nalika taun 1976 piyambakipun dipunkunjara wonten ing Ekuador, sareng kaliyan uskup-uskup Amerika Latin lan Amerika Utara; lan nalika taun 1977 wonten ing Buenos Aires piyambakipun dipuntangkep dening Policía Federal, dipunsiksa, lan dipuntahan tanpa dipunadili sadangunipun 14 wulan. Nalika dipunkunjara, piyambakipun pikantuk — ing antawising penghargaan sanesipun — Peringatan Perdamaian Paus Yohanes XXIII. Nalika taun 1980 piyambakipun dipunanugrahi Penghargaan Perdamaian Nobel kangge usahanipun mbela HAM. Nalika taun 1999 piyambakipun dipunanugrahi Penghargaan Pacem in Terris , ingkang dipunsukani nama miturut serat ensiklik 1963 saking Paus Yohanes XXIII ingkang kepengen sedaya tiyang ingkang kagungan itikad sae saperlu njagi perdamaian ing atawising sedaya bangsa. Pacem in Terris inggih punika tembung Latin kangge 'Damai ing Bumi.'[3]

Cathetan Suku[sunting | sunting sumber]

  1. ^ http://nobelprize.org/peace/laureates/1980/esquivel-bio.html Esquivel di situs resmi Hadiah Nobel
  2. ^ http://www.adolfoperezesquivel.com.ar Situs resmi Adolfo Pérez Esquivel
  3. ^ http://www.alastairmcintosh.com/general/1992-stations-cross-esquivel.htm Esquivel's Art - Stations of the Cross