Grobogan (gamelan)

Saka Wikipédia Jawa, bauwarna mardika basa Jawa
(Kaelih saka Rancak)

Grobogan iku wadhah kanggo ngesokaké wilah-wilah gamelan. Umum digawé saka kayu (kanggo bahan utama) sing dirangkai dadi wujud balok ning kosong ing tengah-tengahe.

Saliyané saka kayu uga ana perangkat tambahane saka bahan liya antarané tali lan pring. Tali iku kanggo nggawé ayunan wilah bonang, kethuk, kempyang lan kenong uga kanggo nggantung gong lan kempul.

Pring (wuluh) kanggo nggawé tabung silinder sing disokaké ing ngisor wilah gender lan slenthem. Fungsi tabung iki kanggo resonator.

Wujud[besut | besut sumber]

Lumrahé grobogan iki digawé artistik, kayune diukir, nganggo warna-warna sing serasi lan harmonis. Uga ana grobogan-grobogan sing diplitur dadi katone luwih natural.

Ukuran[besut | besut sumber]

Grobogan nduwé ukuran sing béda-béda, sing gedhé kanggo wadhah bonang lan gambang.