Lémon

Saka Wikipédia Jawa, bauwarna bébas abasa Jawa
Lémon
Lemon
Lémon
Klasifikasi Ilmiah
Regnum: Plantae
Divisio: Magnoliophyta
Kelas: Magnoliopsida
Ordo: Sapindales
Familia: Rutaceae
Genus: Citrus

Lémon ya iku salah sawiji jinising jeruk. Ana sawetara jinis lémon antarané Eureka, Lisbon lan Meyer. Wit lémon bisa tuwuh nganti 6 mèter. Lémon tuwuh ing laladan iklim tropis lan sub-tropis sarta ora tahan hawa adhem. Suhu ideal kanggo lémon supaya bisa thukul kanthi apik ya iku anata 15-30 °C (60-85 °F). Lémon bisa tinemu ing Spanyol, Portugal, Argentina, Brasil, Amérika Sarékat lan nagara-nagara liyané ing saubengé Segara Tengah. Lémon minangka tuwuhan kang dipigunakaké kanggo masak, nanging bisa uga kanggo kaperluan saliyané masak-memasak. Wohé, mligi dipurih duduh (jus)é, nanging daging woh, kulité uga uga migunani kanggo masak lan bumbu. Jus lémon udakara nagndhut 5% asam, kang mènèhi rasa kecut, lan pH watara 2 nganti 3. Bab iki kang nyebabaké jus lémon minangka zat asam kang murah kanggo èksperimèn sajeroning ngèmu sains.

Sajarah[besut | besut sumber]

Lémon wis kapacak ing literatur wiwit abad angka 10 ana ing risalah basa Arab ngenani tetanèn, sanajan tuwuhan iki mbokmanawa pisanan ditandhur ing Assam, India. Lémon dianggo tanaman hias ing kebonan nalika jaman Islam kuna. Lemonade manawa wiwit kaloka ing Mesir jaman abad pertengahan.[1] Jeneng lémon disilih saka basa Arab līmūn لیمون liwat basa Italia & Pranceis kuna.[2][3][4]

Ing taun 1747, èksperimèn James Lind tumrap pelaut kang nandang lara radhang gusi migunakaké Vitamin C sajeroning panganan nganggo jus lémon.[5]

Kanggo Masak[besut | besut sumber]

Irisan lémon

Lémon dianggo ngganwé lemonade, lan minangka campuran kanggo garnish ombénan. Es teh, soft drink lan banyu sok disuguhké nganggo irisan lémon ning gelas utawa ning lambé gelas.

Rata-rata siji woh lémon ngandhut telung sendhok mangan jus. Lémon kang diumbaraké ing suhu kamar utawa diangeti ing mikrowave sawetara wektu luwih gampang diperes duduhé.. Lémon kang ora dilebokaké ing lemari ès kanggo wektu sing rada suwé bisa ndadèkaké njamur.

Iwak biyasané diolès dhisik nganggo lémon kanggo ngilangake ambu amisé. Zat asam lémon nétralaké zat amine saka iwak lan ngrubah dadi uyah ammonium.

Jus lémon, utawa campuran karo jus liyané, dipigunakaké kanggo mbumboni daging sadurungé dimasak: zat asam saka lémon sabagéan nyairaké serat collagen sajeroning daging, saéngga bisa ngempukaké daging kang arep dimasak..


Piguna kanggo kaséhatan[besut | besut sumber]

lemon, raw, without peel
Ajiné nutrisi saben 100 g (3.5 oz)
Ènergi 121 kJ (29 kkal)
9 g
Gula 2.5 g
Serat panganan 2.8 g
0.3 g
1.1 g
Vitamin
Vitamin C
(64%)
53 mg
Komponèn liyané
Banyu 89 g
Citric acid 5 g
Persèntase sadarma pangira-ira sarana pamrayoga ing AS tumrap wong diwasa.

Sawetara sumber mratelakaké yèn lémon ngandhut campuran flavonoid unik kang duwé zat anti oksidan lan anti kanker.[6] Bab iku kang bisa nyegah tuwuhing sèl kanker. Lemonin kang tinemu sajeroning lémon bisa dadi zat anti-carcinogen.

Amarga dhuwuré kandhungan Vitamin C, lémon didadèkké obat alternatif minangka tonic kanggo obat sistim pencernaan, sistim kakebalan, lan kulit.[butuh sitiran] Ana kapitayan sajeroning pangobatan Ayurvedic yèn secangkir tèh lémon bisa nguataké ;lan ngresiki liver. Ing sawijining study Jepang bab effect aromatherapy, saka lémon essential oil sing awujud keluk dismpulaké bisa ngurangi stres tumraping tikus.[7]

Piguna liyané kanggo kaséhatan[besut | besut sumber]

  • Bateré Lémon - kanggo èksperimèn ing sekolah, kanthi nancepké elektroda bisa nuwuhaké listrik.
  • Semir Rambut Lémon - Jus Lémon kanggo semir rambut alamiah, supaya wernané luwih cerah.
  • Insekticida - D-lemonene sajeroning lémon kanggo insektisida kang ora ngandhut racun.
  • Obat kukul - lémon uga biyasa kanggo nambani kukul.
  • Pemutih kulit - Jus lémon uga dipercaya bisa mutihaké kulit.[8] The effectiveness, however, is largely a subject of debate.
  • Lémon uga biyasa dianggo masker rai kanggo nyegeraké kulit


Lemon and lime output in 2012

Réferènsi[besut | besut sumber]

Acar lémon, manisan wong Yahudi Maroko

Pranala njaba[besut | besut sumber]

Gladri[besut | besut sumber]