A.C. Milan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
A.C. Milan
logo
Jeneng jangkep Associazione Calcio Milan
1899 SpA
Julukan Rossoneri (Abang-Ireng)
Il Diavolo Rosso (Sétan Abang)
Diadegaké 16 Desember 1899
Lapangan San Siro,
Milan, Italia
Kapasitas 82.955
Ketua Silvio Berlusconi
Manajer Filippo Inzaghi
Liga Seri A
2013-14 Seri A (8)
Team colours Team colours Team colours
Team colours
Team colours
 
Seragam kandang
Team colours Team colours Team colours
Team colours
Team colours
 
Seragam tandang

Associazione Calcio Milan (dicekak AC Milan utawa Milan waé) yakuwi sawijining klub bal-balan utawa sepak bola Italia kang basisé ana ing kutha Milan. Milan main nganggo seragam garis abang - ireng lan celana ireng, saéngga dijuluki rossoneri ("abang-ireng"). Milan dadi tim paling sukses kaloro jroning sejarah bal-balan Italia, dadi juara Seri A kaping 18 lan Piala Italia ping lima.

Klub iki didhegaké taun 1899 kanthi jeneng Klub Kriket lan Sepak bola Milan (Milan Cricket and Football Club) déning Alfred Edwards, sawijining ekspatriat saka Inggris. Minangka pakurmatan marang asal-usulé, Milan tetep ggunaaké ejaan basa Inggris jeneng kuthané (Milan) tinimbang nganggo ejaan basa Italia Milano.

Stadion lan basis pendukung[sunting | sunting sumber]

Stadion tim wektu iki yakuwi Stadion Giuseppe Meazza kang kapasitasé 85.000 pemirsa. Stadion iki juga dikenal kanthi jeneng San Siro. Stadion iki dipigunaaké bebarengan karo Internazionale ("Inter"), klub gedhé liyané ing Milan. Suporter AC Milan nggunaaké "San Siro" kanggo nyebut stadion iku merga mbiyèné Giuseppe Meazza dadi pemain bintang ing Inter. Nanging, mengkoné, ana wacana kanggo mindahaké homebase Milan menyang stadion anyar, kaya sing diungkapaké déning wakil presiden Adriano Galliani ana ing taun 2006.

Miturut sejarah, AC Milan (Ning Italia diarani "Milan" waé) didukung déning kaum pegawé lan kelas buruh ing Milan (umumé para migran saka daerah Italia sisih kidul), déné Inter luwih éntuk dukungan saka wong-wong sugih. Senajan kaya mengkono, ana ing taun-taun pungkasan, basis pendukungé wis akèh owah-owahan.. Milan saiki diduwèni déning raja media lan mantan Perdana Menteri Italia, Silvio Berlusconi, déné Inter diduwèni déning pebisnis garis tengah-kiwa, Massimo Moratti. Senajan ngono, basis pendukung Milan mayoritas nduwèni haluan politik sayap kiwa, sebrang-sebrangan karo Inter kang didominasi déning pendukung kang sacara tradisional nduwèni haluan sayap tengen. Grup pendukung (ultras) kang misuwur saka Milan yakuwi Fossa Dei Leoni kang nduwèni aliran ekstrim kiri, lan Brigate Rossoneri aliran ekstrim kanan. Sakwisé keributan karo suporter Inter ana ing derby musim kompetisi 2005/2006, Fossa Dei Leoni mbubaraké diri sacara organisasi. Senajan mengkono, massané isih setia ndukung Milan ing tribun khusus bagéan kidul stadion San Siro bebarengan karo kelompok liya, kanthi sebutan Curva Sud.

Sejarah (1990-an nganti saiki)[sunting | sunting sumber]

Mangsa kejayaan Milan ing era sepakbola modern yakuwi awal dekade 90-an nalika mendominasi Liga Italia nalika diasuh déning Arrigo Sacchi, lan diterusaké déning Fabio Capello. Puncaké, Milan ngrebut trofi Liga Champions ing taun 1994 ngalahaké Barcelona ing babakfinal. Sakpungkuré Capello (kang nyebrang menyang Spanyol kanggo nglatih Real Madrid), Milan terus mlorot lan lagi bisa ngraih gelar juara Liga Italia ing musim kompetisi 1998/1999 nalika diasuh déning pelatih Alberto Zaccheroni. Amarga surut gelar, Zaccheroni nuli diganti déning mantan pemain Milan, Carlo Ancelotti. Ancelotti kasil nggawa Milan ngraih gelar juara Liga Champions ing musim 2002/2003 nalika ngalahaké Juventus liwat drama adu pinalti ing Manchester, Inggris. Milan ngraih gelar prestisus pungkasan kanthi ngrebut juara Liga Italia ing musim kompetisi 2003/2004 sekaligus ndadèkaké penyerang Andriy Shevchenko minangka pencetak gol paling akèh ing Liga Italia.

Jawara UEFA Liga Champions mangsa taun 2002–03

Ana ing musim kompetisi Liga Italia Seri A 2006/2007, Milan kesangkut skandal calciopoli kang ndadèkaké klub kuwi kudu mulai kompetisi kanthi pengurangan 8 poin. Senajan mengkono, publik Italia tetep bangga merga ing tengah rusaké citra sepak bola Italia akibat calciopoli, Milan kasil njuarai kompetisi sepakbola kang paling gengsi sadonya, Liga Champions. Prestasi mau direngkuh sakwisé Milan naklukaké Liverpool 2-1 liwat loro gol-é Filippo Inzaghi. Gelar iku nuntasaké dendam Milan kang kalah nalika adu penalti karo Liverpool rong taun sakdurungé. Gelar pencetak gol paling akèh disabet déning pemain jenius Milan, Kaká kanthi 10 gol. Ana ing pertengahan musim, Milan ngundang mantan pemain paling apik sadonya, Ronaldo saka Real Madrid kanggo nguataké armada penyerang sakwisé penyerang anom Marco Borriello diukum merga konangan nganggo doping. Sakwisé musim kompetisi 2006/2007 bubar, santer dikabaraké yèn Milan bakal kélangan Kaká kang diburu déning Real Madrid. Trequartista asal Brasil iki pancèn wis dadi buronané Madrid kang wis suwé kepingin nuku. Madrid nawaraké dhuwit 80 yuta euro utawa setara karo 980 miliar rupiah kanggo transfer Kaká. Kaká ditawari gaji resik 12 juta euro per musim, sarta 100% kasil dodolan "merchandise"é. Gaji iki nilainé lipat 2,5 saka gajiné ing Milan. Yèn Kaká nampa tawaran Madrid mau, dhèwèké bakal dadi pebola paling larang sepanjang jaman, ngluwihi rekor Zinedine Zidane kang mung 47 yuta euro. Bapak sekaligus agen Kaká, Bosco Leite uga sempat mabur menyang Madrid kanggo rundinganmasalah Kaká. Milan mesthi waé ora setuju nglepasaké kanthi rega pira waé. Madrid sidané nyerah. Amarga kasetiaané mau, Milan janji bakal ngunggahaké gaji Kaká.

Pemain kondhang[sunting | sunting sumber]

 

Skuad musim 2014/2015[sunting | sunting sumber]

Catatan: Data ing ngisor iki bener nganti 26 Agustus 2014.[1]

Kiper
1 Italia Michael Agazzi
23 Spanyol Diego López
32 Italia Christian Abbiati
59 Brazil Gabriel
Bek
20 Italia Ignazio Abate
27 Kolombia Pablo Armero (silihan saka Udinese)
14 Italia Michelangelo Albertazzi
25 Italia Daniele Bonera
33 Brazil Alex
2 Italia Mattia De Sciglio
5 Perancis Philippe Mexès
13 Perancis Adil Rami
81 Italia Cristian Zaccardo
17 Kolombia Cristián Zapata
Gelandang
24 Italia Bryan Cristante
34 Belanda Nigel de Jong
15 Ghana Michael Essien
34 Italia Riccardo Montolivo (kapten)[2]
4 Ghana Sulley Muntari
16 Italia Andrea Poli
8 Italia Riccardo Saponara
Penyerang
92 Italia Stephan El Shaarawy
11 Italia Giampaolo Pazzini
10 Jepang Keisuke Honda
19 Perancis M'Baye Niang
7 Perancis Jérémy Ménez
98 Italia Hachim Mastour
Pelatih
Italia Filippo Inzaghi


Prestasi[sunting | sunting sumber]

  • Seri A: 18
    • 1901, 1906, 1907, 1950-51, 1954-55, 1956-57, 1958-59, 1961-62, 1967-68, 1978-79, 1987-88, 1991-92, 1992-93, 1993-94, 1995-96, 1998-99, 2003-2004, 2010-11
  • Piala Italia: 5
    • 1966-67, 1971-72, 1972-73, 1976-77. 2002-03
  • Piala Latin (Piala kang paling penting kanggoné klub-klub Eropa ana ing taun 40-an lan 50-an. Diselenggarakan wiwit 1949 nganti 1957 antara juara-juara Perancis, Italia, Portugal lan Spanyol. Kejuaraan iki ilang sakwisé dimulai Piala Champions.)
    • 1951, 1956
  • Piala Mitropa
    • 1981/82

Babak Final

  • Piala/Liga Champions
    • 1957/58, 1992/93, 1994/95, 2004/5, 2006/7
  • Piala Winners
    • 1973/74
  • Piala Interkontinental
    • 1963, 1993, 1994, 2003
  • Piala Super Eropa
    • 1973, 1993
  • Piala Latin
    • 1953
  • Piala Italia
    • 1941/42, 1967/68, 1970/71, 1974/75, 1984/85, 1989/90, 1997/98

Dhaptar Présidhèn AC Milan[sunting | sunting sumber]

Referensi[sunting | sunting sumber]

  1. ^ "Squad season 2014/2015". acmilan.com. Associazione Calcio Milan. http://www.acmilan.com/en/teams/roster. Retrieved 26 August 2014.
  2. ^ "Galliani: "Montolivo will be our captain"", acmilan.com, Associazione Calcio Milan, 24 June 2013. diaksès tanggal 1 July 2013. 

Pranala Jaba[sunting | sunting sumber]

Logo Wikimedia Commons
Pirsani galeri bab A.C. Milan ing Wikimedia Commons.


  • (it)(en)(pt)(zh)

(ja) Situs resmi



Liga Italia Seri A 2014/2015
Atalanta | Cagliari | Cesena | Chievo | Empoli | Fiorentina | Genoa | Inter Milan | Juventus | Lazio
| A.C. Milan | Napoli | Palermo | Parma | A.S. Roma | Sampdoria | Sassuolo | Torino | Udinese | Verona
Anggota G-14

Flag of the Netherlands.svg Ajax | Flag of England.svg Arsenal | Flag of Spain.svg FC Barcelona | Flag of Germany.svg Bayer Leverkusen | Flag of Germany.svg Bayern Munich

Flag of Germany.svg Borussia Dortmund | Flag of the Netherlands.svg PSV Eindhoven | Flag of Italy.svg Internazionale | Flag of Italy.svg Juventus

Flag of England.svg Liverpool | Flag of England.svg Manchester United | Flag of Italy.svg AC Milan | Flag of France.svg Lyon | Flag of France.svg Marseille

Flag of France.svg Paris Saint-Germain | Flag of Portugal.svg FC Porto | Flag of Spain.svg Real Madrid | Flag of Spain.svg Valencia

Sumber artikel punika saking kaca situs web: "http://jv.wikipedia.org/w/index.php?title=A.C._Milan&oldid=884914"