Arsenal F.C.

**Arsenal**
	Arsenal_FC.svg
Jeneng jangkep	Arsenal Football Club
Julukan	The Gunners
Diadegaké	1886 dengan nama Dial Square
Lapangan	Stadion Emirates
Kapasitas	60.500
Ketua	Peter Hill-Wood
Manajer	Arsène Wenger
Liga	Liga Utama Inggris
2006-07	Liga Utama Inggris (4)

	Seragam kandang

	Seragam tandang

Arsenal Football Club (dikenal uga minangka Arsenal utawa The Gunners) yakuwi klub bal-balan utawa sepak bola profesional Inggris kang basisé ing tlatah lor London. Klub iki main ing Liga Utama Inggris lan minangka salah sawijining klub paling sukses ing sepak bola Inggris. Arsenal uga dadi anggota kelompok G-14 yakuwi wadhahing klub-klub utama sepak bola ing Eropa.

Bab lan Paragraf

1 Sajarah Klub
- 1.1 Era 1886-1980
- 1.2 Era 1990-saiki
2 Stadion
3 Prestasi
4 Uga Pirsani
5 Pranala Jaba

[sunting] Sajarah Klub

[sunting] Era 1886-1980

Arsenal didegaké ing Woolwich, bagéan kidul wétan kutha London ing taun 1886. Taun 1913, klub iki pindah ngalor menyang Stadion Highbury, kang dadi markasé nganti Mei 2006. Amarga cedhak karo markas Tottenham Hotspur, mulané saben pertandhingan Arsenal lawan Tottenham disebut "North London derby". Kejayaan Arsenal sing sepisanan diwiwiti déning pelatih Herbert Chapman kang nglatih ing taun 1925-1935 kasil nguasani lan njuarai sawetara kompetisi domestik. Déné kejayaan Arsenal ing Eropa sepisanan karengkuh ing taun 1971, ana ing ajang Fairs Cup (pendahulu Piala UEFA yaiku nalika Arsenal dadi juara sawisé kasil ngalahaké Anderlecht kanthi agregat 4-3 kang wektu kuwi klub iki dilatih déning Bertie Mee. Sajroné taun 1980an Arsenal kasil nambah sawetara gelar domestik.

[sunting] Era 1990-saiki

Ing taun 1991, Arsenal dadi juara bebarengan karo Tottenham ing Community Shield kanthi skor imbang. Nembé ing taun 1994, nalika ditangani pelatih George Graham, Arsenal dadi juara manèh ing kancah Eropa sawisé ngalahaké Parma kanthi skor 1-0. Arsenal kasil mlebu final ing taun 1995, nanging banjur dikalahaké déning Real Zaragoza kanthi skor 2-1. Pelatih Arsène Wenger ana ing taun 1996 kasil ndaèkaké Arsenal berjaya manèh lan kasil ngrusak dominasi Manchester United ing Liga Utama Inggris wektu semana. Arsenal dadi runner-up ing ajang Piala UEFA ana ing taun 2000 sawisé nglawan Galatasaray liwat adu penalti 4-1. Ing musim 2003-2004 lan awal musim 2004-2005, Arsenal kasil nyétak rekor 49 pertandingan ora tau kalah lan medhotaké rekor Nottingham Forest (42 kali) kang dadi rekor paling suwé jroning sajarah sepakbola Inggris. Nalika musim 2005-2006, Arsenal kasil ngraih prestasi manèh ing kancah Eropa, dadi finalis Liga Champions nanging dikalahaké déning FC Barcelona 2-1 ing Stade de France, Paris.

[sunting] Stadion

Wiwit ngadeg, Arsenal bola bali pindah stadion. Wiwit saka lapangan ing Woolwich, terus pindah menyang London Lor lan mbangun Stadion Highbury, kang dianggo pisanan ing taun 1913. Mulai sasi Juli 2006, klub iki ngenggoni markas anyaré ing Stadion Emirates kang nduwèni kapasitas 60.500 kursi lan dumunung ing Ashburton Grove sawisé udakara 93 tahun manggon ing Stadion Highbury. Peresmian nggunaaké Stadion Emirates kanthi nganaaké pertandingan persahabatan kanggo perpisahan David Bergkamp, sawijining mantan pemain penyerang Arsenal.

Arsenal captain Patrick Vieira lifts the 2003–04 Premier League trophy.

Arsenal's players and fans celebrate their 2004 League title win with an open-top bus parade

[sunting] Prestasi

Liga Inggris: 13
- 1931, 1933, 1934, 1935, 1938, 1948, 1953, 1971, 1989, 1991, 1998, 2002, 2004
Piala FA: 10
- 1930, 1936, 1950, 1971, 1979, 1993, 1998, 2002, 2003, 2005
Piala Liga/Piala Carling: 2
- 1987, 1993, dadi finalis taun 1968, 1969, 1988, 2007
FA Charity Shield/Community Shield:11
- 1930, 1931, 1933, 1934, 1938, 1948, 1953, 1991 (juara bersama karo Tottenham), 1998, 1999, 2002, 2004
Piala Winners: 1
- 1994, ping pindho dadi finalis, taun 1980 lan 1995
Piala UEFA: 1
- 1971 (wektu iku jenengé isih Fairs Cup, berubah jeneng dadi Piala UEFA wiwit taun 1972), sepisan dadi finalis ing taun 2000
Liga Champions: 0
- Dadi finalis ing taun 2006