Revo Arka Giri Soekatno

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Revo Arka Giri Soekatno
Revo Alexandria.JPG
Revo Arka Giri Soekatno nalika mèlu Wikimania, Alexandria, Mesir ing taun 2008.
LairRevo Arka Giri Soekatno
(1975-08-02) Agustus 2, 1975 (umur 44)
Ambon, Indonésia
BangsaIndonésia
Jeneng liyaRevi Soekatno
Alma materUniversitas Erasmus Rotterdam
Universiteit Leiden
PakaryanDosen
Wiraswastawan
Panulis
Sastrawan
Sana jaringanProfil di Facebook

Revo Arka Giri Soekatno (asma peparab Revo utawa Revi; lair ing Ambon, 2 Agustus 1975; umur 44 taun) iku sing ngadegaké Wikipedia basa Indonésia (WBI).[1] Revo ngentèkaké mangsa cilikané kanthi pindhah-pindhah panggonan miturut panempatan makarya wong tuwané. Kaloro wong tuwané asal saka Surakarta, Jawa Tengah. Revo uga dadi paneliti, wiraswastawan, lan panulis buku.

Ètimologi[besut | besut sumber]

Jeneng Revo Arka Giri duwé makna, kaya sing dingandikakaké bapaké yèn Revo iku cekakan saka tembung révolusi, amarga dilairaké ing sasi Agustus, sawijining sasi révolusi tumraping bangsa Indonésia. Nanging tembung iki bisa uga mèmper karo tembung rêver sajeroning basa Prancis sing tegesé "ngimpi". Tembung Arka asal saka basa Sangskerta sing tegesé "geni" utawa "(panas) srengéngé". Déné Giri, sing uga asal saka basa Sangskerta, tegesé "gunung". Dadi kanthi wutuh, sang bapa ngarepaké, muga-muga Revo Arka Giri duwé impèn sing dhuwuré kaya srengéngé. sagedhé gunung lan terus murup kaya geni sing ora naté mati.[2]

Biografi[besut | besut sumber]

Anyar iki Revo pinuju nyiapaké buku asesirah: Surat-surat Malayu mawa Aksara Jawa sing digadhang bakal énggal kababar.[3]

Kiprah ing Wikipedia[besut | besut sumber]

Patemon pisanan karo Wikipedia Indonésia nalika tanggal 13 Maret 2003.[4] Wektu semana Revo nuju golèk informasi ngenani suku Guanches ing Spanyol lan banjur nemu sawijining situs sing wektu iku isih kagolong "èlèk" lan "kurang pepak informasiné".[5] Revo nuli mangertèni yèn nyatané situs mau bisa di sunting déning sapa waé, lan sabanjuré wiwit mènèhi kontribusi ing situs iku.[6] Revo banjur diangkat dadi pangurus lan birokrat pisanan ing Wikipedia abasa Indonésia ing sasi Fèbruari 2004. Ing taun 2004 Revo wis dadi narasumber lan kanthi aktif njurung médhia ngenani Wikipedia Basa Indonésia kanthi umum lan ing lingkup Wikipedia basa Indonésia iku dhéwé. Artikel pisanan sing digawé ya iku ngenani filsafat. Sajeroning artikel Tempo Revo njlèntrèhaké yèn sanadyan kabèh wong bisa mènèhi kontribusi apa waé, Wikipedia isih ngupaya dadi ensiklopedia bébas, sanadyan ana vandalisme lumrahé ora suwé amarga bisa didetèksi sapa waé panganggo liyané.[7] Ing taun 2007, Revo wis diwawancarai déning Chic Magazine (kalawarti wanita), lan sajeroning wawancara iki Revo nyurung supaya luwih akèh wanita mèlu nulis ing Wikipedia.[8] Revo uga naté tampil ing sawijining acara Metro TV minangka kontributor aktif Wikipedia basa Indonésia.[9] Panjenengané uga dadi pambuka acara sajeroning seminar Wikipedia, salah sijiné ya iku sing disponsori déning Kamentrian Komunikasi lan Informasi sajeroning ICT Award 2007,[10] ing ngendi para peserta nampa "pelatihan tangan" ngenani cara nyunting lan nulis ing Wikipedia. Sajeroning sawiji wawancara karo kantor berita Antara, Revo nyatakaké yèn tantangan tumrap Wikipedia basa Indonésia ing mangsa ngarep ya iku babagan akurasi informasi. Wikipedia basa Indonésia ing taun 2006 wis ana ing peringkat katelu ing Asia minangka versi lokal Wikipedia sing paling rikat tuwuh ngrembaka sawisé Jepang lan Cina.[10]

Cathétan sikil[besut | besut sumber]

Uga delengen[besut | besut sumber]

Pranala njaba[besut | besut sumber]