Revo Arka Giri Soekatno

Revo Arka Giri Soekatno
Revo Arka Giri Soekatno
	Revo Arka Giri Soekatno nalika mèlu Wikimania, Alexandria, Mesir ing taun 2008.
Lair	Revo Arka Giri Soekatno; Agustus 2, 1975 (umur 49); Ambon, Indonésia
Bangsa	Indonésia
Jeneng liya	Revi Soekatno
Alma mater	Universitas Erasmus Rotterdam; Universiteit Leiden
Pakaryan	Dosen ; Wiraswastawan ; Panulis ; Sastrawan
Sana jaringan	Profil di Facebook

Aksara Latin

ꦗꦮ

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

Revo Arka Giri Soekatno (asma peparab Revo utawa Revi; lair ing Ambon, 2 Agustus 1975; umur 49 taun) iku sing ngadegaké Wikipédia basa Indonésia (WBI).^[1] Revo ngentèkaké mangsa cilikané kanthi pindhah-pindhah panggonan miturut panempatan makarya wong tuwané. Kaloro wong tuwané asal saka Surakarta, Jawa Tengah. Revo uga dadi paneliti, wiraswastawan, lan panulis buku.

Ètimologi

Jeneng Revo Arka Giri duwé makna, kaya sing dingandikakaké bapaké yèn Revo iku cekakan saka tembung révolusi, amarga dilairaké ing sasi Agustus, sawijining sasi révolusi tumraping bangsa Indonésia. Nanging tembung iki bisa uga mèmper karo tembung rêver sajeroning basa Prancis sing tegesé "ngimpi". Tembung Arka asal saka basa Sangskerta sing tegesé "geni" utawa "(panas) srengéngé". Déné Giri, sing uga asal saka basa Sangskerta, tegesé "gunung". Dadi kanthi wutuh, sang bapa ngarepaké, muga-muga Revo Arka Giri duwé impèn sing dhuwuré kaya srengéngé. sagedhé gunung lan terus murup kaya geni sing ora naté mati.^[2]

Biografi

1975: Ambon
1975–1978: Yogyakarta
1979–1981: Tokyo, Jepang
1981–1982: Denpasar, Bali
1981–1982: Jakarta
1983–1986: Semarang, Jawa Tengah
?: Walanda, Universitas Erasmus Rotterdam, jurusan Filsafat Ékonomi.
?–1999: Universitas Leiden lan njupuk jurusan Sastra Jawa.
2006–2009: Universitas Leiden lan njupuk jurusan Sastra Jawa Kuna. Disertasi babagan Kidung Tantri Kadhiri.

Anyar iki Revo pinuju nyiapaké buku asesirah: Surat-surat Malayu mawa Aksara Jawa sing digadhang bakal énggal kababar.^[3]

Kiprah ing Wikipédia

Patemon pisanan karo Wikipédia Indonésia nalika tanggal 13 Maret 2003.^[4] Wektu semana Revo nuju golèk informasi ngenani suku Guanches ing Spanyol lan banjur nemu sawijining situs sing wektu iku isih kagolong "èlèk" lan "kurang pepak informasiné".^[5] Revo nuli mangertèni yèn nyatané situs mau bisa dibesut déning sapa waé, lan sabanjuré wiwit mènèhi kontribusi ing situs iku.^[6] Revo banjur diangkat dadi panata lan birokrat pisanan ing Wikipédia abasa Indonésia ing sasi Fèbruari 2004. Ing taun 2004 Revo wis dadi narasumber lan kanthi aktif njurung médhia ngenani Wikipédia Basa Indonésia kanthi umum lan ing lingkup Wikipédia basa Indonésia iku dhéwé. Artikel pisanan sing digawé ya iku ngenani filsafat. Sajeroning artikel Tempo Revo njlèntrèhaké yèn sanadyan kabèh wong bisa mènèhi kontribusi apa waé, Wikipédia isih ngupaya dadi ensiklopedia bébas, sanadyan ana vandalisme lumrahé ora suwé amarga bisa didetèksi sapa waé naraguna liyané.^[7] Ing taun 2007, Revo wis diwawancarai déning Chic Magazine (kalawarti wanita), lan sajeroning wawancara iki Revo nyurung supaya luwih akèh wanita mèlu nulis ing Wikipédia.^[8] Revo uga naté tampil ing sawijining acara Metro TV minangka kontributor aktif Wikipédia basa Indonésia.^[9] Panjenengané uga dadi pambuka acara sajeroning seminar Wikipédia, salah sijiné ya iku sing disponsori déning Kamentrian Komunikasi lan Informasi sajeroning ICT Award 2007,^[10] ing ngendi para peserta nampa "pelatihan tangan" ngenani cara mbesut lan nulis ing Wikipédia. Sajeroning sawiji wawancara karo kantor berita Antara, Revo nyatakaké yèn tantangan tumrap Wikipédia basa Indonésia ing mangsa ngarep ya iku babagan akurasi informasi. Wikipédia basa Indonésia ing taun 2006 wis ana ing peringkat katelu ing Asia minangka versi lokal Wikipédia sing paling rikat tuwuh ngrembaka sawisé Jepang lan Cina.^[10]

Cathétan sikil

↑ Amir Sodikin, Revo, Perintis Wikipedia basa Indonésia, KOMPAS, 26 Desember 2006.
↑ Meursault2004, Pengguna:Meursault2004, Wikipedia, Ensiklopedia Bebas Berbasa Indonésia, 16:41, 14 Desember 2006.
↑ Kidam Nugraha, Kami Berusaha Menyajikan Informasi yang Berbobot. Interviews, SDA Asia Online, September 2005.^{[pranala mati permanèn]}
↑ Majalah Chic Edisi 28 Fèbruari-13 Maret 2007. Artikel Figure.
↑ Artikel Sosok, Harian Kompas, Selasa, 26 Desember 2006
↑ "TokohIndonésia.com: Revo Arka Giri Soekatno". Diarsip saka sing asli ing 2007-10-10. Dibukak ing 2010-08-26.
↑ "Majalah Tempo: Ensiklopedia dari Kamar Kos". Diarsip saka sing asli ing 2009-03-06. Dibukak ing 2010-08-26.
↑ "Gambar Revo sebagai Cover pada Chic Magazine edisi Februari-Maret 2007". Diarsip saka sing asli ing 2006-09-13. Dibukak ing 2010-08-26.
↑ You Tube: Record of Metro TV Jendela Dunia featuring Revo for Indonésian Wikipedia
↑ ^a ^b Antara: Indonésian Wikipedia: Third largest in Asia

Uga delengen

Meursault2004, akun duwèké Revo ing Wikipédia basa Jawa

Pranala njaba

[1] Amir Sodikin, Revo, Perintis Wikipedia basa Indonésia, KOMPAS, 26 Desember 2006.

[2] Meursault2004, Pengguna:Meursault2004, Wikipedia, Ensiklopedia Bebas Berbasa Indonésia, 16:41, 14 Desember 2006.

[3] Kidam Nugraha, Kami Berusaha Menyajikan Informasi yang Berbobot. Interviews, SDA Asia Online, September 2005.^{[pranala mati permanèn]}

[4] Majalah Chic Edisi 28 Fèbruari-13 Maret 2007. Artikel Figure.

[5] Artikel Sosok, Harian Kompas, Selasa, 26 Desember 2006

[6] "TokohIndonésia.com: Revo Arka Giri Soekatno". Diarsip saka sing asli ing 2007-10-10. Dibukak ing 2010-08-26.

[7] "Majalah Tempo: Ensiklopedia dari Kamar Kos". Diarsip saka sing asli ing 2009-03-06. Dibukak ing 2010-08-26.

[8] "Gambar Revo sebagai Cover pada Chic Magazine edisi Februari-Maret 2007". Diarsip saka sing asli ing 2006-09-13. Dibukak ing 2010-08-26.

[9] You Tube: Record of Metro TV Jendela Dunia featuring Revo for Indonésian Wikipedia

[antara.co.id-10] Antara: Indonésian Wikipedia: Third largest in Asia

[1]

[2]

[3]

[4]

[5]

[6]

[7]

[8]

[9]

[10]