ꦫꦺꦮ꦳ꦺꦴꦄꦂꦏꦒꦶꦫꦶꦱꦸꦏꦠ꧀ꦤ

ꦫꦺꦮ꦳ꦺꦴꦄꦂꦏꦒꦶꦫꦶꦱꦸꦏꦠ꧀ꦤ
ꦫꦺꦮ꦳ꦺꦴꦄꦂꦏꦒꦶꦫꦶꦱꦸꦏꦠ꧀ꦤ
	ꦫꦺꦮ꦳ꦺꦴꦄꦂꦏꦒꦶꦫꦶꦱꦸꦏꦠ꧀ꦤꦤꦭꦶꦏꦩꦺꦭꦸꦮꦶꦏꦶꦩꦤꦶꦪ꧈ꦆꦱ꧀ꦏꦤ꧀ꦢꦫꦶꦪꦃ꧈ꦩꦼꦱꦶꦂꦲꦶꦁꦠꦲꦸꦤ꧀꧇꧒꧐꧘꧇
Lair	ꦫꦺꦮ꦳ꦺꦴꦄꦂꦏꦒꦶꦫꦶꦱꦸꦏꦠ꧀ꦤ; Agustus 2, 1975 (umur 49); ꦄꦩ꧀ꦧꦺꦴꦤ꧀꧈ꦆꦤ꧀ꦝꦺꦴꦤꦺꦱꦶꦪ
Bangsa	ꦆꦤ꧀ꦝꦺꦴꦤꦺꦱꦶꦪ
Jeneng liya	ꦫꦺꦮ꦳ꦶꦱꦸꦏꦠ꧀ꦤ
Alma mater	ꦈꦤꦶꦮ꦳ꦼꦂꦱꦶꦠꦱ꧀ꦲꦺꦫꦩꦸꦱ꧀ꦫꦺꦴꦠ꧀ꦠꦼꦂꦢꦩ꧀; ꦈꦤꦶꦮ꦳ꦼꦂꦱꦶꦠꦱ꧀ꦭꦺꦲꦶꦢꦼꦤ꧀
Pakaryan	ꦝꦺꦴꦱꦺꦤ꧀ ; ꦮꦶꦫꦱ꧀ꦮꦱ꧀ꦠꦮꦤ꧀ ; ꦥꦤꦸꦭꦶꦱ꧀ ; ꦱꦱ꧀ꦠꦿꦮꦤ꧀
Sana jaringan	ꦥꦿꦺꦴꦥ꦳ꦶꦭ꧀ꦤꦁꦥ꦳ꦺꦱ꧀ꦧꦸꦏ꧀

Aksara Latin

ꦗꦮ

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

꧋ꦫꦺꦮ꦳ꦺꦴꦄꦂꦏꦒꦶꦫꦶꦱꦸꦏꦠ꧀ꦤ(ꦲꦱ꧀ꦩꦥꦼꦥꦫꦧ꧀ꦫꦺꦮ꦳ꦺꦴꦲꦸꦠꦮꦫꦺꦮ꦳ꦶ; lair ing Ambon, 2 Agustus 1975; umur 49 taun)ꦲꦶꦏꦸꦱꦶꦁꦔꦢꦼꦏꦏꦺꦮꦶꦏꦶꦥꦺꦢꦶꦪꦧꦱꦆꦤ꧀ꦝꦺꦴꦤꦺꦱꦶꦪ(ꦮꦧꦆ)꧉^[1]ꦫꦺꦮ꦳ꦺꦴꦔꦼꦤ꧀ꦠꦺꦏꦏꦺꦩꦁꦱꦕꦶꦭꦶꦏꦤꦺꦏꦤ꧀ꦛꦶꦥꦶꦤ꧀ꦝꦃꦥꦶꦤ꧀ꦝꦃꦥꦁꦒꦺꦴꦤꦤ꧀ꦩꦶꦠꦸꦫꦸꦠ꧀ꦥꦤꦼꦩ꧀ꦥꦠꦤ꧀ꦩꦏꦂꦪꦮꦺꦴꦁꦠꦸꦮꦤꦺ꧉ꦏꦭꦺꦴꦫꦺꦴꦮꦺꦴꦁꦠꦸꦮꦤꦺꦲꦱꦭ꧀ꦱꦏꦱꦸꦫꦏꦂꦠ꧈ꦗꦮꦠꦼꦔꦃ꧉ꦫꦺꦮ꦳ꦺꦴꦲꦸꦒꦢꦝꦶꦥꦤꦼꦭꦶꦠꦶ꧈ꦮꦶꦫꦱ꧀ꦮꦱ꧀ꦠꦮꦤ꧀꧈ꦭꦤ꧀ꦥꦤꦸꦭꦶꦱ꧀ꦧꦸꦏꦸ꧉

ꦌꦠꦶꦩꦺꦴꦭꦺꦴꦒꦶ

꧋ꦗꦼꦤꦼꦁꦫꦺꦮ꦳ꦺꦴꦄꦂꦏꦒꦶꦫꦶꦢꦸꦮꦺꦩꦏ꧀ꦤ꧈ꦏꦪꦱꦶꦁꦢꦶꦔꦤ꧀ꦢꦶꦏꦏꦏꦺꦧꦥꦏꦺꦪꦺꦤ꧀ꦉꦮ꦳ꦺꦴꦲꦶꦏꦸꦕꦼꦏꦏ꧀ꦏꦤ꧀ꦱꦏꦠꦼꦩ꧀ꦧꦸꦁꦫꦺꦮ꦳ꦺꦴꦭꦸꦱꦶ꧈ꦲꦩꦂꦒꦢꦶꦭꦲꦶꦂꦫꦏꦺꦲꦶꦁꦱꦱꦶꦄꦒꦸꦱ꧀ꦠꦸꦱ꧀꧈ꦱꦮꦶꦗꦶꦤꦶꦁꦱꦱꦶꦫꦺꦮ꦳ꦺꦴꦭꦸꦱꦶꦠꦸꦩꦿꦥꦶꦁꦧꦁꦱꦆꦤ꧀ꦝꦺꦴꦤꦺꦱꦶꦪ꧉ꦤꦔꦶꦁꦠꦼꦩ꧀ꦧꦸꦁꦲꦶꦏꦶꦧꦶꦱꦲꦸꦒꦩꦺꦩ꧀ꦥꦼꦂꦏꦫꦺꦴꦠꦼꦩ꧀ꦧꦸꦁꦫꦺꦮ꦳ꦼꦂꦱꦗꦼꦫꦺꦴꦤꦶꦁꦧꦱꦥꦿꦚ꧀ꦕꦶꦱ꧀ꦱꦶꦁꦠꦼꦒꦼꦱꦺ"ꦔꦶꦩ꧀ꦥꦶ"꧉ꦠꦼꦩ꧀ꦧꦸꦁꦄꦂꦏꦲꦱꦭ꧀ꦱꦏꦧꦱꦱꦁꦱ꧀ꦏꦼꦂꦠꦱꦶꦁꦠꦼꦒꦼꦱꦺ"ꦒꦼꦤꦶ"ꦲꦸꦠꦮ"(ꦥꦤꦱ꧀)ꦱꦿꦼꦔꦺꦔꦺ"꧉ꦢꦺꦤꦺꦒꦶꦫꦶ꧈ꦱꦶꦁꦲꦸꦒꦲꦱꦭ꧀ꦱꦏꦧꦱꦱꦁꦱ꧀ꦏꦼꦂꦠ꧈ꦠꦼꦒꦼꦱ꧀ꦱꦺ"ꦒꦸꦤꦸꦁ"꧉ꦢꦢꦶꦏꦤ꧀ꦛꦶꦮꦸꦠꦸꦃ꧈ꦱꦁꦧꦥꦔꦉꦥꦏꦺ꧈ꦩꦸꦒ-ꦩꦸꦒꦫꦺꦮ꦳ꦺꦴꦄꦂꦏꦒꦶꦫꦶꦢꦸꦮꦺꦲꦶꦩ꧀ꦥꦺꦤ꧀ꦱꦶꦁꦝꦸꦮꦸꦂꦫꦺꦏꦪꦱꦽꦔꦺꦔꦺ꧉ꦱꦒꦼꦝꦺꦒꦸꦤꦸꦁꦭꦤ꧀ꦠꦼꦫꦸꦱ꧀ꦩꦸꦫꦸꦥ꧀ꦏꦪꦒꦼꦤꦶꦱꦶꦁꦲꦺꦴꦫꦤꦠꦺꦩꦠꦶ꧉^[2]

ꦧꦶꦪꦺꦴꦒꦿꦥ꦳ꦶ

꧇꧑꧙꧗꧕꧇:ꦄꦩ꧀ꦧꦺꦴꦤ꧀
꧇꧑꧙꧗꧕꧇–꧇꧑꧙꧗꧘꧇:ꦪꦺꦴꦒꦾꦏꦂꦠ
꧇꧑꧙꧗꧙꧇–꧇꧑꧙꧘꧑꧇:ꦠꦺꦴꦏꦾꦺꦴ꧈ꦗꦼꦥꦁ
꧇꧑꧙꧘꧑꧇–꧇꧑꧙꧘꧒꧇:ꦢꦼꦤ꧀ꦥꦱꦂ꧈ꦧꦭꦶ
꧇꧑꧙꧘꧑꧇–꧇꧑꧙꧘꧒꧇:ꦗꦏꦂꦠ
꧇꧑꧙꧘꧓꧇–꧇꧑꧙꧘꧖꧇:ꦱꦼꦩꦫꦁ꧈ꦗꦮꦠꦼꦔꦃ
?:ꦮꦭꦤ꧀ꦢ꧈ꦈꦤꦶꦮ꦳ꦼꦂꦱꦶꦠꦱ꧀ꦄꦼꦫꦱ꧀ꦩꦸꦱ꧀ꦫꦺꦴꦠ꧀ꦠꦼꦂꦢꦩ꧀꧈ꦗꦸꦫꦸꦱꦤ꧀ꦥ꦳ꦶꦭ꧀ꦱꦥ꦳ꦠ꧀ꦌꦏꦺꦴꦤꦺꦴꦩꦶ꧉
?–꧇꧑꧙꧙꧙꧇:ꦈꦤꦶꦮ꦳ꦼꦂꦱꦶꦠꦱ꧀ꦊꦆꦢꦼꦤ꧀ꦭꦤ꧀ꦚ꧀ꦗꦸꦥꦸꦏ꧀ꦗꦸꦫꦸꦱꦤ꧀ꦱꦱ꧀ꦠꦿꦗꦮ꧉
꧇꧒꧐꧐꧖꧇–꧇꧒꧐꧐꧙꧇:ꦈꦤꦶꦮ꦳ꦼꦂꦱꦶꦠꦱ꧀ꦊꦆꦢꦼꦤ꧀ꦭꦤ꧀ꦚ꧀ꦗꦸꦥꦸꦏ꧀ꦗꦸꦫꦸꦱꦤ꧀ꦱꦱ꧀ꦠꦿꦗꦮꦏꦸꦤ꧉ꦢꦶꦱꦼꦂꦠꦱꦶꦧꦧꦒꦤ꧀ꦏꦶꦢꦸꦁꦠꦤ꧀ꦠꦿꦶꦏꦝꦶꦫꦶ꧉

꧋ꦲꦚꦂꦲꦶꦏꦶꦫꦺꦮ꦳ꦺꦴꦥꦶꦤꦸꦗꦸꦚꦶꦪꦥ꧀ꦥꦏꦺꦧꦸꦏꦸꦲꦱꦼꦱꦶꦫꦃ:ꦱꦸꦫꦠ꧀-ꦱꦸꦫꦠ꧀ꦩꦭꦪꦸꦩꦮꦄꦏ꧀ꦱꦫꦗꦮꦱꦶꦁꦢꦶꦒꦝꦁꦧꦏꦭ꧀ꦲꦺꦁꦒꦭ꧀ꦏꦧꦧꦂ꧉^[3]

ꦏꦶꦥꦿꦃꦲꦶꦁꦮꦶꦏꦶꦥꦺꦝꦶꦪ

꧋ꦥꦠꦼꦩꦺꦴꦤ꧀ꦥꦶꦱꦤ꧀ꦤꦤ꧀ꦏꦫꦺꦴꦮꦶꦏꦶꦥꦺꦝꦶꦪꦧꦱꦆꦤ꧀ꦝꦺꦴꦤꦺꦱꦶꦪꦤꦭꦶꦏꦠꦁꦒꦭ꧀꧇꧑꧓꧇ꦩꦉꦠ꧀꧇꧒꧐꧐꧓꧇꧉^[4]ꦮꦼꦏ꧀ꦠꦸꦱꦼꦩꦤꦫꦺꦮ꦳ꦺꦴꦤꦸꦗꦸꦒꦺꦴꦭꦺꦏ꧀ꦲꦶꦤ꧀ꦥ꦳ꦺꦴꦂꦩꦱꦶꦔꦼꦤꦻꦱꦸꦏꦸꦒꦸꦮꦤ꧀ꦖꦺꦲꦶꦁꦱ꧀ꦥꦚꦺꦴꦭ꧀ꦭꦤ꧀ꦧꦚ꧀ꦗꦸꦂꦤꦼꦩꦸꦱꦮꦶꦗꦶꦤꦶꦁꦱꦶꦠꦸꦱ꧀ꦱꦺꦁꦮꦼꦏ꧀ꦠꦸꦲꦶꦏꦸꦲꦶꦱꦶꦃꦏꦒꦺꦴꦭꦺꦴꦁ"ꦲꦺꦭꦺꦏ꧀"ꦭꦤ꧀"ꦏꦸꦫꦁꦥꦼꦥꦏ꧀ꦲꦶꦤ꧀ꦥ꦳ꦺꦴꦂꦩꦱꦶꦤꦺ"꧉^[5]ꦫꦺꦮ꦳ꦺꦴꦤꦸꦭꦶꦩꦔꦼꦂꦠꦺꦤ꧀ꦤꦶꦪꦺꦤ꧀ꦱꦶꦠꦸꦱ꧀ꦲꦶꦏꦸꦧꦶꦱꦢꦶꦧꦼꦱꦸꦠ꧀ꦢꦺꦤꦶꦁꦱꦥꦮꦲꦺ꧈ꦭꦤ꧀ꦱꦧꦚ꧀ꦗꦸꦂꦫꦺꦮꦶꦮꦶꦠ꧀ꦩꦺꦤꦺꦃꦲꦶꦏꦺꦴꦤ꧀ꦠꦿꦶꦧꦸꦱꦶꦲꦶꦁꦱꦶꦠꦸꦱ꧀ꦲꦶꦏꦸ꧉^[6]ꦫꦺꦮ꦳ꦺꦴꦧꦚ꧀ꦗꦸꦂꦢꦶꦲꦁꦏꦠ꧀ꦢꦝꦶpanataꦭꦤ꧀birokratꦥꦶꦱꦤ꧀ꦤꦤ꧀ꦲꦶꦁꦮꦶꦏꦶꦥꦺꦝꦶꦪꦧꦱꦆꦤ꧀ꦝꦺꦴꦤꦺꦱꦶꦪꦲꦶꦁꦱꦱꦶꦥ꦳ꦺꦒꦿꦸꦮꦫꦶ꧇꧒꧐꧐꧔꧇꧉ꦲꦶꦁꦠꦲꦸꦤ꧀꧇꧒꧐꧐꧔꧇ꦫꦺꦮ꦳ꦺꦴꦮꦶꦱ꧀ꦠꦝꦶꦤꦫꦱꦸꦩ꧀ꦧꦼꦂꦭꦤ꧀ꦏꦤ꧀ꦛꦶꦄꦏ꧀ꦠꦶꦥ꦳꧀ꦚ꧀ꦗꦸꦫꦸꦁꦩꦺꦝꦶꦪꦔꦼꦤꦻꦮꦶꦏꦶꦥꦺꦝꦶꦪꦧꦱꦆꦤ꧀ꦝꦺꦴꦤꦺꦠꦔꦱꦶꦪꦏꦤ꧀ꦛꦶꦲꦸꦩꦸꦩ꧀ꦭꦤ꧀ꦭꦶꦁꦏꦸꦥ꧀ꦮꦶꦏꦶꦥꦺꦝꦶꦪꦧꦱꦆꦤ꧀ꦝꦺꦴꦤꦺꦱꦶꦪꦲꦶꦏꦸꦝꦺꦮꦺ꧉ꦄꦂꦠꦶꦏꦼꦭ꧀ꦥꦶꦱꦤ꧀ꦤꦤ꧀ꦱꦶꦁꦢꦶꦒꦮꦺꦪꦲꦶꦏꦸꦔꦼꦤꦻꦥ꦳ꦶꦭ꧀ꦱꦥ꦳ꦠ꧀꧉ꦱꦗꦼꦫꦺꦴꦤꦶꦁꦄꦂꦠꦶꦏꦼꦭ꧀ꦠꦺꦩ꧀ꦥꦺꦴꦫꦺꦮ꦳ꦺꦴꦚ꧀ꦗ꧀ꦭꦺꦤ꧀ꦠꦿꦺꦃꦲꦏꦺꦪꦺꦤ꧀ꦱꦼꦤꦢꦾꦤ꧀ꦏꦧꦺꦃꦮꦺꦴꦁꦧꦶꦱꦩꦺꦤꦺꦃꦲꦶꦏꦺꦴꦤ꧀ꦠꦿꦶꦧꦸꦱꦶꦲꦥꦮꦲꦺ꧈ꦮꦶꦏꦶꦥꦺꦝꦶꦪꦔꦸꦥꦪꦢꦝꦶꦌꦤ꧀ꦱꦶꦏ꧀ꦭꦺꦴꦥꦺꦢꦶꦪꦧꦺꦧꦱ꧀꧈ꦱꦼꦤꦢꦾꦤ꧀ꦲꦤꦮ꦳ꦤ꧀ꦢꦭꦶꦱ꧀ꦩꦼꦭꦸꦩꦿꦃꦲꦺꦲꦺꦴꦫꦱꦸꦮꦺꦲꦩꦂꦒꦧꦶꦱꦢꦶꦢꦺꦠꦺꦏ꧀ꦱꦶꦱꦥꦮꦲꦺꦤꦫꦒꦸꦤꦭꦶꦪꦤꦺ꧉^[7]ꦲꦶꦁꦠꦲꦸꦤ꧀꧇꧒꧐꧐꧗꧇꧈ꦫꦺꦮ꦳ꦺꦴꦮꦶꦱ꧀ꦢꦶꦮꦮꦤ꧀ꦕꦫꦻꦢꦺꦤꦶꦁꦖꦶꦕ꧀ꦩꦒꦤꦶꦗ꦳ꦼ(ꦏꦭꦮꦂꦠꦶꦮꦤꦶꦠ)꧈ꦭꦤ꧀ꦱꦗꦼꦫꦺꦴꦤꦶꦁꦮꦮꦤ꧀ꦕꦫꦲꦶꦏꦶꦫꦺꦮ꦳ꦺꦴꦚꦸꦫꦸꦁꦱꦥꦮꦲꦺꦱꦸꦥꦪꦭꦸꦮꦶꦃꦲꦏꦺꦃꦮꦤꦶꦠꦩꦺꦭꦸꦤꦸꦭꦶꦱ꧀ꦲꦶꦁꦮꦶꦏꦶꦥꦺꦝꦶꦪ꧉^[8]ꦫꦺꦮ꦳ꦺꦴꦲꦸꦒꦤꦠꦺꦠꦩ꧀ꦥꦶꦭ꧀ꦲꦶꦁꦱꦮꦶꦗꦶꦤꦶꦁꦲꦕꦫꦩꦺꦠꦿꦺꦴꦠꦮ꦳ꦩꦶꦤꦁꦏꦏꦺꦴꦤ꧀ꦠꦿꦶꦧꦸꦠꦺꦴꦂꦄꦏ꧀ꦠꦶꦥ꦳꧀ꦮꦶꦏꦶꦥꦺꦝꦶꦪꦧꦱꦆꦤ꧀ꦝꦺꦴꦤꦺꦱꦶꦪ꧉^[9]ꦥꦚ꧀ꦗꦼꦤꦼꦔꦤ꧀ꦤꦺꦲꦸꦒꦢꦝꦶꦥꦩ꧀ꦧꦸꦏꦲꦕꦫꦱꦗꦼꦫꦺꦴꦤꦶꦁꦱꦼꦩꦶꦤꦂꦮꦶꦏꦶꦥꦺꦝꦶꦪ꧈ꦱꦭꦃꦱꦶꦗꦶꦤꦺꦢꦶꦱ꧀ꦥꦺꦴꦤ꧀ꦱꦺꦴꦂꦫꦶꦢꦺꦤꦶꦁꦏꦩꦼꦤ꧀ꦠꦿꦶꦪꦤ꧀ꦏꦺꦴꦩꦸꦤꦶꦏꦱꦶꦭꦤ꧀ꦲꦶꦤ꧀ꦥ꦳ꦺꦴꦂꦩꦱꦶꦱꦗꦼꦫꦺꦴꦤꦶꦁꦆꦕꦠꦄꦮꦂꦢ꧀꧇꧒꧐꧐꧗꧇꧈^[10]ꦲꦶꦁꦔꦼꦤ꧀ꦢꦶꦥꦫꦥꦼꦱꦼꦂꦠꦤꦩ꧀ꦥ"ꦥꦼꦭꦠꦶꦃꦲꦤ꧀ꦠꦔꦤ꧀"ꦔꦼꦤꦤꦶꦕꦫꦩ꧀ꦧꦼꦱꦸꦠ꧀ꦭꦤ꧀ꦤꦸꦭꦶꦱ꧀ꦲꦶꦁꦮꦶꦏꦶꦥꦺꦝꦶꦪ꧉ꦱꦗꦼꦫꦺꦴꦤꦶꦁꦱꦮꦶꦗꦶꦮꦮꦤ꧀ꦕꦫꦏꦫꦺꦴꦏꦤ꧀ꦠꦺꦴꦂꦧꦼꦫꦶꦠꦄꦤ꧀ꦠꦫ꧈ꦫꦺꦮ꦳ꦺꦴꦚꦠꦏꦏꦺꦪꦺꦤ꧀ꦠꦤ꧀ꦠꦁꦔꦤ꧀ꦠꦸꦩꦿꦥ꧀ꦤꦸꦭꦶꦱ꧀ꦮꦶꦏꦶꦥꦺꦝꦶꦪꦧꦱꦆꦤ꧀ꦝꦺꦴꦤꦺꦱꦶꦪꦲꦶꦁꦩꦁꦱꦲꦶꦏꦶꦪꦲꦶꦏꦸꦄꦏꦸꦫꦱꦶꦆꦤ꧀ꦥ꦳ꦺꦴꦂꦩꦱꦶ꧉ꦮꦶꦏꦶꦥꦺꦝꦶꦪꦧꦱꦆꦤ꧀ꦝꦺꦴꦤꦺꦱꦶꦪꦮꦶꦱ꧀ꦲꦤꦲꦶꦁꦥꦼꦫꦶꦁꦏꦠ꧀ꦏꦠꦼꦭꦸꦲꦶꦁꦄꦱꦶꦪꦩꦶꦤꦁꦏꦮ꦳ꦺꦂꦱꦶꦭꦺꦴꦏꦭ꧀ꦮꦶꦏꦶꦥꦺꦝꦶꦪꦱꦶꦁꦥꦭꦶꦁꦫꦶꦏꦠ꧀ꦠꦸꦮꦸꦃꦔꦽꦩ꧀ꦧꦏꦱꦮꦶꦱ꧀ꦱꦺꦗꦼꦥꦁꦭꦤ꧀ꦕꦶꦤ꧉^[10]

ꦫꦸꦗꦸꦏꦤ꧀

↑ Amir Sodikin, Revo, Perintis Wikipedia basa Indonésia, KOMPAS, 26 Desember 2006.
↑ Meursault2004, Pengguna:Meursault2004, Wikipedia, Ensiklopedia Bebas Berbasa Indonésia, 16:41, 14 Desember 2006.
↑ Kidam Nugraha, Kami Berusaha Menyajikan Informasi yang Berbobot. Interviews, SDA Asia Online, September 2005.^{[pranala mati permanèn]}
↑ Majalah Chic Edisi 28 Fèbruari-13 Maret 2007. Artikel Figure.
↑ Artikel Sosok, Harian Kompas, Selasa, 26 Desember 2006
↑ "TokohIndonésia.com: Revo Arka Giri Soekatno". Diarsip saka sing asli ing 2007-10-10. Dibukak ing 2010-08-26.
↑ "Majalah Tempo: Ensiklopedia dari Kamar Kos". Diarsip saka sing asli ing 2009-03-06. Dibukak ing 2010-08-26.
↑ "Gambar Revo sebagai Cover pada Chic Magazine edisi Februari-Maret 2007". Diarsip saka sing asli ing 2006-09-13. Dibukak ing 2010-08-26.
↑ You Tube: Record of Metro TV Jendela Dunia featuring Revo for Indonésian Wikipedia
↑ ^a ^b Antara: Indonésian Wikipedia: Third largest in Asia

ꦲꦸꦒꦢꦼꦊꦁꦔꦼꦤ꧀

Meursault2004, ꦄꦏꦸꦤ꧀ꦢꦸꦮꦺꦏ꧀ꦏꦺꦫꦺꦮ꦳ꦺꦴꦲꦶꦁꦮꦶꦏꦶꦥꦺꦝꦶꦪꦃꦧꦱꦗꦮ

ꦥꦿꦤꦭꦚ꧀ꦗꦧ

[1] Amir Sodikin, Revo, Perintis Wikipedia basa Indonésia, KOMPAS, 26 Desember 2006.

[2] Meursault2004, Pengguna:Meursault2004, Wikipedia, Ensiklopedia Bebas Berbasa Indonésia, 16:41, 14 Desember 2006.

[3] Kidam Nugraha, Kami Berusaha Menyajikan Informasi yang Berbobot. Interviews, SDA Asia Online, September 2005.^{[pranala mati permanèn]}

[4] Majalah Chic Edisi 28 Fèbruari-13 Maret 2007. Artikel Figure.

[5] Artikel Sosok, Harian Kompas, Selasa, 26 Desember 2006

[6] "TokohIndonésia.com: Revo Arka Giri Soekatno". Diarsip saka sing asli ing 2007-10-10. Dibukak ing 2010-08-26.

[7] "Majalah Tempo: Ensiklopedia dari Kamar Kos". Diarsip saka sing asli ing 2009-03-06. Dibukak ing 2010-08-26.

[8] "Gambar Revo sebagai Cover pada Chic Magazine edisi Februari-Maret 2007". Diarsip saka sing asli ing 2006-09-13. Dibukak ing 2010-08-26.

[9] You Tube: Record of Metro TV Jendela Dunia featuring Revo for Indonésian Wikipedia

[antara.co.id-10] Antara: Indonésian Wikipedia: Third largest in Asia

[1]

[2]

[3]

[4]

[5]

[6]

[7]

[8]

[9]

[10]