Penyakit nular

Saka Wikipédia Jawa, bauwarna mardika basa Jawa

Lelara nular utawa lelara infèksi ya iku siji lelara sing disebabaké déning siji agen biologi (kaya virus, baktèri utawa parasit), dudu disebabaké faktor fisik (kaya tatu obong) utawa kimia (kaya keracunan). Cara cara panularan lelara ya iku sepisanan liwat médhia langsung saka wong menyang wong (liwat lumahing kulit). Jinis lelara sing ditularaké antarané: 1.Lelara kelamin 2.Rabies 3.Trakoma 4. Skabies 5. Erisipelas 6. Antraks 7. Gas-gangren 8. Infeksi tatu aerobik 9. lelara ing sikil lan cangkem.

Lelara kelamin kaya GO, sifiis, lan HIV, agen lelara ditularaké langsung saka wong sing kainfèksi menyang wong liya liwat gegayutan intim. Cara medhot ranté panularané ya iku kanthi nambani wong sing ketaman lelara lan ora nglakoke gegayutan intim karo pasangan dudu bojo. Khusus kanggo HIV, aja nggunakaké piranti suntik tilas lan nggunakaké getih donor saka wong sing nandang lelara HIV. Cara panularan kaloro ya iku liwat hawa (udara).

Lelara sing bisa ditularaké lan nyebar kanthi langsung utawa ora langsung liwat udara pernapasan karan airborne disease. Jinis lelara sing ditularaké antarané: a. TBC Paru b. Varicella c. Difteri d. Influenza e.Variola f. Morbili g. Meningitis h. Demam skarlet i. Mumps j. Rubella k.Pertussis.

Cara pencegahan panularan lelara antarané nganggo masker,ngadohi kontak lan nambani panandang TBC sing sputum BTA-né positif.

Cara panularan katelu ya iku liwat médhia banyu. Lelara bisa nular lan nyebar kanthi langsung lan ora langsung liwat banyu. Lelara-lelara sing ditularaké liwat banyu karan waterborne disease utawa water related disease. Agèn lelara antarané: 1. Virus : hepatitisvirus, poliomielitis 2. Baktèri : kolera, disentri, tifoid, diare 3. Protozoa :amubiasis, giardiasis 4. Helmintik : askariasis, lelara cacing cemethi, lelarahidatid 5. Leptospira: lelara Weil.

Uga delengen[besut | besut sumber]

Réferènsi[besut | besut sumber]

Pranala njaba[besut | besut sumber]