Peking (gamelan)

Saka Wikipédia Jawa, bauwarna bébas abasa Jawa
Gambar Peking saka Tropen Museum, Walanda.

Peking iku salah siji perangkat gamelan Jawa sing ditabuh, sajatiné peking iku saron panerus. Anggoné nabuh kaping pindho, kaya-kaya ngimbali balungan liyané. Ukurané luwih cilik tinimbang saron lan demung. Larasé uga padha laras pélog lan sléndro. Tabuhé kagawé saka sungu kebo, lan ana uga sing digawé saka kayu kang bentuké mèh padha karo sungu kebo.