Kakaisaran Romawi Suci

Saka Wikipédia Jawa, bauwarna bébas abasa Jawa
Imperium Romanum Sacrum
Heiliges Römisches Reich
Sacro Romano Impéro
Kekaisaran Romawi Suci[1]
Kekaisaran
Karl der Große 800.jpg
 
Ludwig der Deutsche.jpg
962 – 1806 Flag of Switzerland.svg
 
Prinsenvlag.svg
 
Flag
 
Flag of the Habsburg Monarchy.svg
 
Flag of France.svg
Flag Lambang negara
Gendéra Kekaisaran Quaternion Eagle
Location of Holy Roman Empire of the Gérman Nation
Wewengkone kakuasaan Kekaisaran Romawi Suci kintun - kintun tahun 1600, dipunterapaken ing dhuwur bates nagara-nagara jaman saiki.
Ibu kutha Not specified
Basa Latin, Jerman, Itali, maneka warna Basa Jermanik Kulon, Basa Romansh lan Basa Slavik
Agama Katolik Roma; Lutheran (Resmi diakoni saka Perdamaian Augsburg 1555) lan Calvinisme (Resmi diakoni saking Perdamaian Westphalia 1648)
Pamaréntahan Nagara kapilih
Kaisar
 - 962–973 Otto I (Kapisan)
 - 1792–1806 Franz II (Pungkasan)
Legislatur Diet Kekaisaran
Era sajarah Abad pertengahan
Periode modèrn kawiwitan
 - Otto I is dilantik dados Kaisar Roma 2 Fèbruari
 - Konrad II pikantuk
    tahta saking Burgundia
2 Fèbruari 1033
 - Katentreman Augsburg 25 Sèptèmber 1555
 - Katentreman Wèstphalia 24 Oktober 1648
 - Francis II maringaken tahta 6 Agustus 1806
Negara sadurungé
Negara panerus
Karl der Große 800.jpg Franka Tengah
Ludwig der Deutsche.jpg Franka Étan
Konfederasi Swiss Kuno Flag of Switzerland.svg
Républik Walanda Prinsenvlag.svg
Konfederasi Rhéin Blank.png
Kekaisaran Austria Flag of the Habsburg Monarchy.svg
Kekaisaran Perancis Kapisan Flag of France.svg
Nagara Itali (Napoleon) Flag of the Napoleonic Kingdom of Italy.svg
Nagara Prussia Flag of the Kingdom of Prussia (1803-1892).svg
United States of Belgia Flag of Belgium (1830).svg
Kapangeranan Liechtenstein Flag of Liechtenstein (1719-1852).svg
Nagara Frisia Étan Blank.png
Saiki minangka bagéyan saka  Jerman
 Austria
 Belgia
Cithakan:Country data Républik Ceko

 Liechtenstein
 Luksemburg
 Monako
 Walanda
 San Marino
 Slovenia
  Swiss
 Perancis
 Italia
 Polen

Kakaisaran Romawi Suci (Basa Jerman: Heiliges Römisches Reich (HRR), basa Latin: Imperium Romanum Sacrum (IRS)) inggih punika kumpulané organisasi pulitik wonten ing Éropah Tengah taun 962 (wonten ingkang nyebat taun 843) nganti taun 1806. Ing kawiwitan, amba wewengkoné namung dumugi Nagara Franka Wétan, punika pecahané Nagara Franka saksampuné dibagi ing Prajanjèn Vèrdun, lan Nagara Lombardia (panggènan kang dunungé ing nagara Itali).

Kumpulan punika nyebat dhèwèke "kekaisaran" utawi impérium lan sing dadi pimpinané kasebut "kaisar"(basa latinipun : imperator). Kejaba saking punika, kaisar boten nggadhahi kuasa absolut marang anggotané, saénggo béda karo tata cara Kekaisaran Romawi utawa nagara Prancis ingkang sistem pamerintahané linuwih absolut.

Sistem imperium punika kalaksanan kintun - kintun wolung abad luwih, sakdèrèngipun bibar amargi Perang Napoléon ing tanggal 6 Agustus 1806. Dhumateng Adolf Hitler, Kekaisaran Romawi punika disungga - sungga kanthi asma Das Erste Reich ("Imperium Kapisan") kaliyan bangsa Jérman.

Wewengkonipun wiyar, saenggo kathah prabawané dhumateng sejarah Éropah ing abad pertengahan. Saliyané iku, kathah carita saking Éropah ingkang nggadhahi sesambungan kaliyan imperium.

Pinaringan Asma[besut | besut sumber]

Panyebatan kekaisaran punika wonten owah gingsiré. Ing jamané Franka Wétan, wewengkon kakuasaané dipunparingi asma Regnum Teutonicum (Deutsches Reich, "Nagara Jerman"). Saksampunipun nyawiji kaliyan Lombardia, nagara punika kasebat Imperium Romanum ("Kekaisaran Romawi") amargi wonten panggénan kang dadi bekasé pusat Kekaisaran Romawi ing salebeté. Pinaringan asma punika resmi diagem ing jaman kakuasaan Kaisar Konrad II (1034) sawise sapérangan bagéyan wewengkon Nagara Burgundia dilèngsèraké. Ing perkembangan sakbanjuré, imperium dipunasmani Sacrum Imperium ("Kekaisaran Suci") wiwit Kaisar Friedrich I Barbarossa, amargi kawiwitan wanci punika Kaisar boten maléh gumantung marang Paus lan dadi wakilipun Gusti Akarya Jagad ing bumi. Panyebetan jangkep Sacrum Romanum Imperium nembé kawiwitan kanthi resmi ing taun 1254, lan lumaku dumugi jaman pembubaran. Asma Sacrum Romanum Imperium Nationis Germaniae, "Kekaisaran Romawi Suci Bangsa Jerman", naté diginakaken saksampunipun Perdamaian Pfalz suwéné kintun - kintun 150 taun dumugi pertengahan abad kaping 16, ananging anggotane boten kabèh dununge saka puak-puak Germanik.

Perkembangan Wewengkon Pulitik[besut | besut sumber]

Dipunpreksani uga: Kolonisasi laladan Wétan dhumateng bangsa Jerman

Saksampunipun Prajanjèn Verdun (843), Ludwig si Jerman, salah satunggaling putra saking tiga putra jaler Karel Agung, pikantuk bagéyan Nagara Franka Wétan inggih punika wewengkon puak-puak Germanik wétan, kayata Saksonia, Frankonia, Alemania, Bavaria, sarta Karinthia. Mawi panyeruhan kasar, wewengkoné bagéyan wétan inggih punika Sungai Rhein. Panjembaran wewengkon kadadéyan ing jaman pamerintahan Heinrich I (919-936) lan putranipun Otto I Agung (936-973). Sakbanjure Otto I nguwasani Nagara Langobardia ning Itali, dhèwèké ngrasa nduwé hak nyandang gelar "Kaisar" (Imperator) kaya ing jamané Kekaisaran Romawi kala embèn lan dinobataké kaliyan Paus ing taun 962.

Saklajengipun, wewengkon-wewengkon ing kulon Rhein, mlebet ing jeroné wewengkon kekaisaran, njangkepi wewengkon ingkang sapunika dadi bagéyan wétan Prancis, Belgia, Walanda, lan Luxemburg (Benelux), Swiss, kathah - kathahipun Austria (sakliyané Burgenland), lan bagéyan elor Itali. Wates wetan kawiwitan inggih punika Kali Elba, ananging banjur miyar dhumateng wewengkon bangsa Slavia, kayata Avar, Salzburg, lan Bohemia (sapunika Républik Ceko). Pawiyaran punika kalaksanan kanthi manéka werna cara, inggih punika penaklukan, kristenisasi, sarta mbikak pamukiman dhumateng para tani ingkang madosi lahan enggal. Saka abad kaping 12 perobahan menyang wétan katerusan dateng wewengkon Polen sapunika, dumugi Prusia ing pesisir Baltik. Ing abad kaping 13 wilayh Silesia wiwit dienggoni, banjur menyang wétan nganti wewengkon Siebenburger ing Rumania sapunika.

Ing abad 18 wewengkon nagara sing dadi anggotané tumeka wewengkon nagara-nagara modern Jerman, Républik Ceko, Austria, Liechtenstein, Slovenia, Belgia dan Luxemburg, uga bagéyan gedhé Polen lan bagéyan ciliké Walanda. Sakdèrèngé uga njangkau sakabèhing Walanda lan Swiss, sarta sebagéyan saking Perancis lan Italia.

Bebarengan kaliyan pawiyaran wewengkon dhumateng wétan, wates wewengkon kulon, suwé saya suwé kesuk tumuju wétan amargi dicaplok déning nagara-nagara tanggané. Wiwit abad 14, miturut panyeruhan sistematis Nagara Perancis nerapaken pulitik "panyawijian rujuk" (reunion) wewengkon-wewengkon ing kulon Rhein. Swiss misah saking Kekaisaran wiwit taun 1648, mawi cara Parukunan Westphalia. Walanda misahake diri ing tahun ingkang sami kanthi cara prajanjèn kang sami uga. Wewengkon Luxemburg (1794) lan Belgia (Flandria lan Wallonia) (1797) dicaplok Perancis, ing ngisoré pamerintahan Revolusioner.

Watek Kekaisaran[besut | besut sumber]

Kekaisaran Romawi Suci inggih punika salah sawijining institusi kang unik ing sejarah donya, pramila saking punika rawit sanget anggèné dipunmangertosi. Supados saged dipunmangertosi, pramila kita kedah mangertèni menawi Kekaisaran Romawi Suci boten kalebet nation-state sami ing pangertosan modern. Pramila etnis panguasané (mèh biasané) etnis Jerman, ananging ing kawiwitan kathah etnis ngkang mbentuk Kekaisaran Romawi Suci. Kathah saking kulawarga bangsawan penting lan pejabat tumeka dipilih saking njabané komunitas panutur basa Jerman. Ing masa jayaané, kekaisaran punika anyakup meh sadaya wewengkon saking Jerman, Austria, Swiss, Liechtenstein, Belgia, Walanda, Luxemburg, Républik Ceko, Slovenia, lan uga wétan Perancis, elor Italia sarta kulon Polen sapunika punika. Pramila saking punika, basane boten kemawon karinci saking basa Jerman lan akèh dialek lan turunané kémawon, ananging uga kathah basa Slavia, lan basa kang dadi basa Perancis lan Italia modern. Luwih adoh manèh, pambagéyan wewengkon-wewengkon kang diatur déning para pangeran sipil lan gerejawi, prelate, count, ksatria nagara, lan kutha bebas agawé raketé saking nagara modern kang metu ing sakiwa tengené.

Ananging, ing jamane, dhèwèké luwih saka konfederasi. Konsep Reich ora mung nyakup pamerintah saka wewengkon tertentu, ananging uga nduwèni konotasi kaparcayan Kristen ingkang rosa (suci kang dadi asmané). Nganti taun 1508, raja-raja Jerman boten dianggep kaisar saka Reich sakdurungé Paus, wakilé Kristus ing ndoya, panyematan mahkota kanthi resmi dumadi kaisar. Reich, pramila saking punika saged dipunjlèntrèhaken dai sawijining persilangan antara nagara lan konfederasi kaparcayan.

Kaisar punika kedah tiyang ingkang nggadhahi umur minimal 18 taun lan uga watekipun sae. Kapapat simbah kakaung lan simbah putriné diarep - areo nduwèni getih ningrat. Ora ana ukum ingkang majibaké dhèwèké kedah tiyang Katholik, senajan ukum kekaisaran nganggep kados punika. Dhèwèké boten kedah piyantun Jerman (tuladhanipun Alfonso X saking Kastilia lan Richard saking Cornwall). Mlebet abad kaping 17 para kandidat umumme nduwèni wewengkon kekuasaan ing njero Reich.

Sejatosipun boten gampil kanggé nerangaké kekaisaran punika, amargi boten sarupa kaliyan bentuk-bentuk nagara ingkang kita mangertosi saskpunika. Sejarawan Samuel Pufendorf ing panuturané De statu imperii Germanici, dipunterbitaken ngangge asma samaran Severinus de Monzambano ing taun 1667, ing nulis basa Latin: "Nihil ergo aliud restat, quam ut dicamus Germaniam esse irregulare aliquod corpus et monstro simile ..." ("Lajeng kita namung saged nyebat Jérman salah sawijining himpunan ingkang boten tunduk marang satunggaling aturan lan sarupa kaliyan monster"). Voltaire, sawijining filsuf Perancis abad kaping 18, ing dinten sateruse uga matur menawi entitas punika "dudu kekaisaran, boten suci lan uga dudu Romawi".

Sanadyan dikritik déning kathah nagarawan, politisi lan filsuf, struktur Uni Éropah ing jaman sapunika malahan sarupa kaliyan struktur Kekaisaran Romawi Suci.

Sumberé Naskah[besut | besut sumber]

Pérangan sumber dipunpendhet saking buku punika:

  • Hartmann, Peter C. 2005. Das Heilige Roemische Reich deutscher Nation in der Neuzeit 1486-1806. Philipp Reclam jun. Stuttgart
  • Naumann, G. 2007. Deutsche Geschichte. Das alte Reich 962-1806. Marix Verlag. Wiesbaden.

Cathetan suku[besut | besut sumber]

  1. ^ Names of the Holy Roman Èmpire of the Gèrman Nation in other languages:

Priksani Ugi[besut | besut sumber]