Rosalyn Sussman Yalow

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Rosalyn Sussman Yalow
Rosalyn Yalow (1977)
Rosalyn Yalow (1977)
Miyos 19 Juli 1921
New York City, New York, U.S.
Tilar donya 30 Mei 2011 (umur 89)[1]
The Bronx, New York, U.S.
Kabangsan American
Bidhang Medical physics
Lulusan saking Hunter College
University of Illinois at Urbana–Champaign
Kaahlian Radioimmunoassay (RIA)
Notable awards 1975 AMA Scientific Achievement Award
1976 Albert Lasker Award for Basic Medical Research
1977 Penghargaan Nobel dalam Fisiologi atau Kedokteran
1988 National Medal of Science

Rosalyn Sussman Yalow (lair ing Bronx, New York, 19 Juli 1921; umur 92 taun) dados wanita ingkang angka kalih (2) ingkang menangaken Penghargaan Nobel ing bidang Kedokteran, 1977. Kasilipun punika minangka pengembangan radioimmunoassay (RIA), sawijining "penerapan" fisika nuklir wonten ing bidang kedokteran klinik ingkang mungkinaken para ilmuwan migunakaken "pelacak" radiotropi saperlu ngukur kadar atusan zat farmakologis lan biologis wonten ing salebeting getih lan cairan sanés ing badaning manungsa sarta wonten ing kéwan lan tetuwuhan. Piyambakipun manggihaken téknik punika wonten ing taun 1959 saperlu ngukur jumlah (kadar) insulin wonten ing getih tiyang dewasa "penderita" kencing manis. [2]

Nalika taun 1977 piyambakipun pikantuk Penghargaan Nobel ing bidang Fisiologi utawi Kedokteran. Hadhiah kasebut dipunpérang kaliyan Roger C.L. Guillemin lan Andrzej Schally.

Pagesangan Awal[sunting | sunting sumber]

Piyambakipun lair saking tiyang sepuh Yahudi, Clara lan Simon Sussman. Piyambakipun nglampahi pendidikan wonten ing sistem sekolah negeri New York City lan wonten ing Walton High School piyambakipun dipunsengkuyung déning guru kimianipun saperlu ngrembakakaken karier ing bidang sains. Piyambakipun lulus saking Hunter College lan pikantuk beasiswa pengajaran babagan fisika wonten ing University of Illinois. Wonten ing taun 1945, piyambakipun dados wanita ingkang angka kalih ingkang pikantuk gelar akademik Ph.D. ing bidang fisika saking Illinois. [3]

Piyambakipun kapanggih kaliyan A. Aaron Yalow, salah satunggaling mahasiswa fisika ingkang minangka putra saking satunggaling rabbi lan kekalihipun punika palakrama wonten ing tanggal 6 Juni 1943. Lajeng sesarengan kondur dhateng New York ing pundi kekalihipun pikantuk jabatan dosen ing bidang fisika, ingkang dipuncepeng dumugi taun 1950. Sadangunipun masa punika, kekalihipun kagungan kalih (2) putra, inggih punika Benjamin lan Elanna.

Karier lan Penghargaan[sunting | sunting sumber]

Sabibaripun PD II, Veterans Administration kapéncut nindakaken riset njajahi kamungkinan pangginaan zat radioaktif wonten ing diagnosis pengobatan lan penyakit. Veterans Administration Hospital wonten ing the Bronx dipunpilih minangka salah satunggaling papan ing pundi riset badhé dipuntindakaken. Dr. Yalow, ingkang minangka penasihat wonten ing "fasilitas" punika, dipunupah saperlu makarya wonten ing bidang fisika nuklir nalika taun 1947. Nalika taun 1950, piyambakipun dipunangkat minangka ketua fisikawan lan asisten layanan radioisotop griya sakit punika.

Dr. Yalow dipunangkat ing kedudukan ingkang langkung inggil lan tanggel jawab wonten ing griya sakit VA antawis taun-taun punika. Nalika taun 1976, piyambakipun dados wanita ingkang angka setunggal (1) ingkang menangaken Albert Lasker Award for Basic Medical Research. Antawis wonten ing taun-taun punika, Dr. Yalow dipunakoni amargi kasilipun kanthi sajumlah penghargaan ingkang "bergengsi" saking sajumlah organisasi, kelompok, universitas, lan sanés-sanésipun. [4]

Warisan[sunting | sunting sumber]

Dr. Rosalyn Yalow ugi sadar ing peranipun minangka wanita lan satunggaling tiyang Yahudi. Sabibaripun Dr. Rosalyn Yalow pikantuk Hadhiah Nobel, "Ladies Home Journal" gadhah pepénginan pikantuk penghargaan ingkang mligi kanggé wanita. Kanthi prasaja piyambakipun nampik tawaran punika, ingkang dipunanggepipun minangka "kutipan" "ghetto" amargi piyambakipun ngraos minangka wanita brilian, sanés ilmuwati brilian. [5]

Sadangu gesangipun ingkang ramé minangka satunggaling ilmuwati sarta istri lan ibu saking sawijining kulawarga, piyambakipun ngatur "menuanrumahi" serial drama 5 bagéyan wonten ing pagesangan Marie Curie, kanggé Public Broadcasting Service ing taun 1976. Piyambakipun sampun nelasaken jam-jam ingkang dangu saben minggu wonten ing griya sakit VA. Lan lajeng wonten ing dhapur "kosyer"ipun saperlu nyamektakaken tetedhan kanggé kulawarganipun. Dr. Yalow nedahaken energi lan gregetipun saben-saben piyambakipun wonten ing pedamelanipun lan wonten ing kulawarganipun.

Dr. Rosalyn Yalow inggih punika rambu lan pemandu kanggé para wanita éném saperlu dumugi ing pangakon wonten ing gesangipun. Sadangu gesangipun piyambakipun sampun nedahaken bilih saben wanita kagungan hak saperlu pikantuk pedamelan ingkang misuwur kadosta kagungan kulawarga ingkang saé wonten ing gesangipun.

Cathetan Suku[sunting | sunting sumber]

Pranala Njaba[sunting | sunting sumber]