Otto Heinrich Warburg

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Otto Heinrich Warburg
Otto Heinrich Warburg
Otto Heinrich Warburg
Miyos 8 Oktober 1883
Freiburg, Baden, Germany
Tilar donya 1 Agustus 1970 (umur 86)
Berlin, West Germany
Kabangsan German
Bidhang Cell biology
Lembaga Kaiser Wilhelm Institute for Biology
Lulusan saking University of Berlin
University of Heidelberg
Doktoral advisor Emil Fischer
Ludolf von Krehl
Kaahlian Pathogenesis of cancer
Notable awards Iron Cross 1st class (1918)
Penghargaan Nobel dalam Fisiologi atau Kedokteran (1931)
Pour le Mérite (Civil Class) (1952)
Otto Warburg

Otto Heinrich Warburg (1883-1970) inggih punika salah satunggaling ilmuwan (biokimiawan) Jerman ingkang menangaken Hadhiah Nobel Fisiologi utawi Kedokteran ing taun 1931 saking panaliténipun babagan "pernapasan sel".[1]

Sabibaripun pikantuk gelar doktor wonten ing ilmu kimia wonten ing Universitas Berlin (1906) lan wonten ing ilmu kedokteran wonten ing Heidelberg (1911), Warburg dados tokoh ingkang misuwur ing institut Berlin-Dahlem. Piyambakipun pisanan dados kawéntar amargi karyanipun babagan metabolisme manéka jinis ova ing Stasiun Biologi Laut wonten ing daérah Napoli.

Panalitén Warburg dipunwiwiti ing awal 1920-an. Nalika ngamati proses konsumsi oksigen déning sel-sel saking organisme gesang, piyambakipun nepangaken cara migunakaken manometri (pengukuran éwah-éwahaning tekanan gas) saperlu nyinaoni tingkat ing pundi bagéyan-bagéyan jaringan gesang ingkang mrelukaken oksigen. Pamadosanipun babagan unsur pokok sel ingkang gegayutan wonten ing konsumsi oksigen nyebabaken piyambakipun ngidentifikasi peranan sitokrom, sakelompok enzim ing pundi kelompok heme ingkang kagungan muatan besi ngiket oksigen molekuler, kados ingkang kadadosan wonten ing hemoglobin pigmen getih.[2]

Nalika taun 1932 Warburg sampun kasil "mengisolasi" ingkang kapisanan saking punapa ingkang dipunsebut enzim-enzim kuning, utawi flavoprotein, ingkang kagungan peran sarta wonten ing reaksi -reaksi dehidrogenasi wonten ing salebeting sel. Piyambakipun manggihaken bilih enzim-enzim punika ébah wonten gayutanipun kaliyan komponen nonprotein (sakmenika dipunsebut koenzim), flavin adenin dinukleotida. Nalika taun 1935 piyambakipun manggihaken bilih nikotinamid mbentuk bagéyan koenzim sanésipun, ingkang sakmenika dipunsebut nikotinamida adenin dinukleotida, ingkang ugi kagayut wonten ing dehidrogenasi biologis.[2]

Warburg ugi nliti fotosintesis lan minangka tiyang ingkang kapisanan ingkang ngamati bilih perkembangan sel-sel ingkang ganas mrelukaken jumlah oksigen ingkang langkung sekedhik tinimbang sel ingkang normal.

Hadhiah Nobel taun 1931 ingkang dipuntampi inggih punika pengakuan tumrap panaliténipun babagan enzim pernapasan. Saking taun 1931 piyambakipun njabat minangka kepala Institut Max Planck kanggé Fisiologi Sel wonten ing Berlin.[3]

Nalika taun 1944 piyambakipun dipuntawari Hadhiah Nobel kaping kalih, ananging amargi piyambakipun satunggaling tiyang Yahudi, dipuncegah nampi hadhiah punika déning rezim Hitler. Ananging rezim punika boten wantun nahan amargi prestise internasionalipun.

Cathetan Suku[sunting | sunting sumber]

  1. ^ [1]
  2. ^ a b [2]
  3. ^ [3]

Pranala Njaba[sunting | sunting sumber]