Daniel Carleton Gajdusek

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Daniel Carleton Gajdusek
Daniel Carleton Gajdusek
Lair 9 September 1923
Yonkers, New York
Pati 12 Desember 2008 (umur 85)
Tromsø, Norwegia
Kabangsan Amerika Serikat
Babagan Kedokteran
Misuwur amarga Prion
Notable awards Penghargaan Nobel Kedokteran (1976)

Daniel Carleton Gajdusek (9 September 1923 - 12 Desember 2008) inggih punika salah satunggaling virolog lan dokter Amerika Serikat ingkang nedahaken bilih penyakit kuru, penyakit ingkang bebaya sanget ingkang nyerang otak ingkang dipuntandang déning sajumlah penduduk asli wonten ing daerah Papua Nugini, dipunsebabaken déning agen ingkang nular. Panemon punika kagungan relevansi wonten ing sakelompok penyakit ingkang dipunkenal minangka penyakit degenerasi saraf, ing pundi jaringan saraf ancur, ingkang sakmenika kanthi kolektif dipunkenal minangka ensefalopati spongiform menular. Amargi karyanipun, Gajdusek dipunanugrahi Penghargaan Nobel Fisiologi utawa Kedokteran nalika taun 1976, ingkang dipuntampi kaliyan Baruch S. Blumberg. [1]

Gajdusek miyos saking bapak saking Hongaria lan ibu saking Slowakia. Piyambakipun lulus saking sekolah tinggi nalika taun 1940, nalika yuswanipun nembé ngancik angka 16 taun lan pikantuk gelar sarjana saking University of Rochester ing taun 1943. Piyambakipun mungkasaken pendidikan kedokteran wonten ing Harvard University, pikantuk gelar dokter ing taun 1946. Antawis taun 1946-1948, piyambakipun ndhérék pelatihan klinik ing bidang pediatri ing Children's Hospital Boston, Massachusetts, saking taun 1948 dumugi taun 1949 piyambakipun sinau kimia fisika dhumateng kimiawan Linus Carl Pauling ing California Institute of Technology (Caltech). Sakinng taun 1949 dumugi taun 1952 piyambakipun nglajengaken studi pascasarjana wonten ing virologi ing laboratorium kagunganipun mikrobiolog John F. Enders ing Universitas Harvard. Nalika taun 1952 dumugi taun 1953 Gajdusek tugas wonten ing United States Army ing Walter Reed Army Institute of Research wonten ing kutha Washington, D.C. Sadangu 2 taun candhakipun, piyambakipun nindakaken panalitén ing Lembaga Pasteur, Teheran, Iran. Lajeng taun 1955, piyambakipun sinau virologi dhumateng imunolog Sir Macfarlane Burnet ing Walter and Eliza Hall Institute of Medical Research at the Hall Institute ing daerah Melbourne, Australia. Nalika taun 1958 Gajdusek gabung kaliyan National Institutes of Health (NIH) wonten ing Bethesda, Maryland, ing pundi piyambakipun tetep ing mrika dumugi taun 1997, nalika piyambakipun dipundakwa lan dipunkunjara antawis setunggal taun amargi kadakwa nganiaya laré. [2]

Wonten ing taun 1955, sadangunipun sinau virologi wonten ing Hall Institute, Gajdusek nyinaoni kalangsungan lan efek ingkang anéh wonten ing penyakit neurodegeneratif ingkang wonten ing suku Fore ing daerah Papua Nugini lan tindakaken wonten ing daerah punika saperlu nyinaoni penyakit punika. Éwadéné ingkang kapisanan, dipunprakirakaken bilih penyakit punika, ingkang winastan kuru déning penduduk setempat, dipunturunaken kanthi genetik, Gajdusek ugi manggihaken menawi penyakit punika dipuntularaken lumantar ritual ingkang nindakaken nedha otak kerabat ingkang séda (kanibalisme). Uji autopsi otak tiyang ingkang sampun séda margi penyakit penyakit kuru nedahaken karisakan saraf, ananging Gajdusek boten saged manggihaken panyebabipun. Salah satunggaling tiyang panliti ingkang nyinaoni babagn penyakit neurodegeneratif wonten ing kéwan gadhah dudutan bilih kuru mirip kaliyan scrapie, penyakit neurodegeneratif wonten ing domba. Gajdusek nedahaken bilih kuru panci mirip kaliyan scrapie, mekaten ugi penyakit Creutzfeldt-Jakob, gangguan neurodegeneratif ing manungsa. Gajdusek nggayutaken penyakit punika dhateng "agen menular", ingkang dipunsebut virus ingkang mlampahipun alon.[3]

Séda[sunting | sunting sumber]

Nalika ngunjungi kolega wonten ing Tromsoe, Norwegia, Gajdusek tilar donya.

Cathetan Suku[sunting | sunting sumber]

Pranala Njaba[sunting | sunting sumber]