Martin Rodbell

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Martin Rodbell
Martin Rodbell
Martin Rodbell
Miyos 1 Desember 1925
Baltimore, Maryland, U.S.
Tilar donya 7 Desember 1998 (umur 73)
Chapel Hill, North Carolina, U.S.
Dalem United States
Kabangsan United States
Bidhang Biochemist
Lembaga National Institute of Health
Lulusan saking Johns Hopkins University
University of Washington
Kaahlian G-proteins
signal transduction
Notable awards Penghargaan Nobel dalam Fisiologi atau Kedokteran (1994)
Gairdner Foundation International Award (1984)
Richard Lounsbery Award (1987)
Agama Jewish

Martin Rodbell (Baltimore, Maryland, 1 Desember 1925Chapel Hill, North Carolina, 7 Desember 1998) inggih punika salah satunggaling biokimiawan saking Amerika Serikat.[1]

Piyambakipun mlebet ing Universitas Johns Hopkins wonten ing 1943, kanthi minat wonten ing babagan biologi lan sastra Perancis. Wonten ing taun 1944, studinipun naté mandheg akibat dinas militer minangka operator radio wonten ing Angkatan Laut Amerika Serikat sadangunipun PD II. Piyambakipun kondur malih wonten ing Johns Hopkins University nalika taun 1946 lan pikantuk gelar sarjana wonten ing bidang biologi nalika taun 1949. Rodbell pikantuk Ph.D. wonten ing bidang biokimia saking Universitas Washington nalika taun 1954. Piyambakipun nindakaken karya pascadoktoral wonten ing Universitas Illinois, Urbana-Champaign antawis 1954-1956. Nalika taun 1956, Rodbell pikantuk kedudukan minangka biokimiawan panaliti wonten ing Lembaga Jantung Nasional, bagéyan Lembaga Kesehatan Nasional wonten ing Bethesda, Maryland. [2]

Nalika taun 1985, Rodbell dados direktur ilmiah ing Lembaga Ilmu Kesehatan Lingkungan Nasional (bagéyan National Institutes of Health) wonten ing Chapel Hill, North Carolina, ing pundi piyambakipun makarya dumugi pensiun wonten ing taun 1994.[3]

Piyambakiun pikantuk Penghargaan Nobel ing bidang Fisiologi utawi Kadhokteran ing taun 1994 sesarengan kaliyan Alfred G. Gilman kanggé "penemuan kkalihipun wonten ing protein G lan peran protein punika wonten ing transduksi sinyal ing salebeting sel." Rodbell tilar donya (séda) amargi kegagalan organ sabibaripun gerah dangu.

Panalitén[sunting | sunting sumber]

"Merefleksikan" analogi umum antawis ilmu komputer lan biologi wonten ing taun 1960-an, Rodbell piados bilih informasi dhasar ingkang mroses sistem saking komputer lan organisme biologis mirip sanget. Piyambkipun nengenaken bilih sel perorangan analog kaliyan sistem cybernet ingkang kasungsun saking 3 komponen molekul ingkang benten: diskriminator, transduser, lan penguat (utawi dipunkenal minangka efektor).

Wonten ing wulan Desember taun 1969 lan awal Januari 1970, Rodbell makarya ing sawijining tim laboratorium ingkang nyinaoni efek hormon glukagon wonten ing reseptor membran hati tikus-diskriminator sel ingkang nampi sinyal saking njawi. Rodbell manggihaken bilih ATP (adenosin trifosfat) saged mbalik aksi "pengikatan" glukagon ing reseptor sel lan lajeng mecahaken glukagon saking sedaya sel. Lajeng piyambakipun nyathet bilih jejak GTP (guanosin trifosfat) saged mbalikaken proses pengikatan meh kaping 1000 langkung cepet tinimbang ATP. Rodbell nengenaken bilih GTP kemungkinan inggih punika faktor biologis aktif wonten ing mecah glukagon saking reseptor sel, lan GTP rawuh minangka regedan wonten ing eksperimen wiwitanipun kaliyan ATP. GTP ingkang kapanggihaken punika ngrangsang aktivitas wonten ing protein nukleotida guanin (lajeng dipunsebut protein G), ingkang wonten ing giliranipun mrodhuksi efek metabolisme ingkang ageng ing salebeting sel. Pengaktifan protein G ingkang dipunpostulataken déning Rodbell inggih punika proses "duta kedua" ingkang sampun dipunteorikaken déning Earl Sutherland, Jr.. Wonten ing basa transduksi sinyal, protein G, ingkang dipunaktifaken déning GTP, inggih punika komponen dasar transduser, ingkang minangka jalur ingkang wiagti antawis diskriminator lan penguat. Lajeng, Rodbell mempostulatakan, lajeng nyamektakaken bukti, protein G sanéés wonten ing reseptor sel ingkang saged nyegah lan ngaktifaken transduksi meh wonten ing wekdal ingkang sesarengan. [4]

Cathetan Suku[sunting | sunting sumber]



Sumber artikel punika saking kaca situs web: "http://jv.wikipedia.org/w/index.php?title=Martin_Rodbell&oldid=836000"