Komisi Dhuwur tumrap Pengungsi Perserikatan Bangsa-Bangsa (UNHCR)

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Kantor Komisionèr Dhuwur PBB tumrap Pangungsi (Inggris: The Office of the UN High Commissioner for Refugees (UNHCR)) kuwi sawijining Badan PBB kanggo ngurusi para pangungsi ing donya. Badan kang nduwèni markas ing Jenewa, Swiss, iki diadegaké ing 14 Desember, 1950) tugas wigatiné nglindhungi lan mbiyantu para pangungsi saka usulan pamaréntah utawa Perserikatan Bangsa-Bangsa lan mbantu para pangungsi mau mulih menyang papan panggonan asalé utawa menyang papan panampungan.

Akèh pangungsi Palestina - ing Gisik Kulon (West Bank), Lurung Gaza (Gaza Strip), Libanon, Suriah, lan Yordania - ora klebu tugasé UNHCR, nanging diayahi déning organisasi PBB kang luwih dhisik anané yakuwi UNWRA utawa (United Nations Relief and Works Agency for Palestine Refugees in the Near East). Nanging, pangungsi Palestina ing jabané wilayah operasi UNRWA klebu tanggung jawabé UNHCR.

Sajarah[sunting | sunting sumber]

UNHCR diadegaké tanggal 14 Desember, 1950 lan nggantèkaké organisasi sadurungé yakuwi United Nations Relief and Rehabilitation Administration. Badan utawa agènsi iki ditugasi mimpin lan koordinasi aksi international kanggo nglindhungi pangungsi lan masalah pangungsi ing donya Tujuan utamané ngamanaké hak lan kasajahtran para pengungsi. Badan iki berjuang kanggo mesthèkaké yèn saben wong bisa nggunakaké hak-é kanggo ngungsi lan golèk panggonan kang aman ing negara liya (asylum), kanthi pilihan mulih sacara sukarila, wewanuhan (integrasi) karo pedunung lokal utawa ditampung ing negara liya.

Mandhat UNHCR sithik mbaka sithik tansaya amba, klebu ngamanaké lan mènèhi bantuan kamanungsan tumrap apa kang disebut minangka "dadi masalah wong liya (as other persons of concern), klebu wong-wong kang kepeksa kudu oncat saka omahé nanging isih tetep jroning sawenèh negara (internally displaced person) (IDP) kang cocog karo dhéfinisi pangungsi miturut konvènsi PBB taun 1951 bab status pangungsi. lan Protokol 1967 Konvensi Organisasi Afrika Bersatu taun1969, utawa perjanjèn liya yèn wong-wong mau ninggalaké negarané, nanging wektu kuwi isih ana ing tlatah negara asalé. UNHCR wektu iki nduwèni misi utama ing Libanon, Sudan Kidul, Chad/Darfur, Irak, Afganistan lan uga ing Kenya kanggo mbiyantu IDP lan pangungsi.

Sawetara program anyar anyar iki lagi dicoba kanggo mbantu lan ningkataké kasadharan tumrap masalah kang diadhepi para pangungsi saindhenging donya. Program-program anyar iki minagka produk tolok ukur kang ditata jroning "Sasaran Pambangunan Milènium PBB" utawa (United Nations Millennium Development Goals) (MDG).

UNHCR nampa Bebungah Nobel Perdamaian ing taun 1954 lan 1981.

Pangungsi kang diurusi UNHCR[sunting | sunting sumber]

Tanggal 1 Januari 2007, UNHCR nglapuraké total 21 018 589 cacahé, wong kang dadi urusané, yaiku:

  • 7 979 251 ing bawana Asia:
    • 2 580 638 ing the Timur Tengah
    • 2 974 315 ing Asia Kidul-Wétan
    • 218 584 ing Asia Tengah
    • 1 304 189 ing Asia Kidul
    • 901 525 ing Asia Wan lan Pasifik
  • 4 740 392 ing bawana Eropah:
    • 1 617 214 ing Eroapah Wétan
    • 708 132 ing Eropah Kidul-Wétan
    • 616 132 ing Eropah Tengah lan negara-negara Baltik
    • 1 798 914 ing Eropah Kulon
  • 5 069 123 ing bawana Afrika:
    • 1 359 175 ing Afrika Tengah lan tlatah Great Lakes
    • 2 105 314 ing Afrika Wétan
    • 1 031 030 ing Afrika Kulon
    • 434 427 ing the tlatah Afrika Kidul
    • 139 177 ing Afrika Lor

Pegawai[sunting | sunting sumber]

UNHCR nduwèni staf utawa pegawai luwih saka 6689 ing 116 negara kang mbantu yutanpangungsi lan IDP ing saindhenging donya.(UNHCR, Appel Global, 2007)

Duta-duta kamanungsan (Goodwill ambassadors)[sunting | sunting sumber]

UNHCR uga diwakili déning para duta kamanungsan (UNHCR Goodwill Ambassador), salah sijiné aktris misuwur Angelina Jolie[1]. Duta kamanungsan UNHCR kang luwih anyar yakuwi penyanyi Yunani George Dalaras[2].

Komisionèr Dhuwur[sunting | sunting sumber]

Posisi Komisionèr Dhuwur kawengku déning:

Fridtjof Nansen minangka Komisionèr Dhuwur jaman Liga Bangsa-Bangsa (League of Nations)]] wiwit taun 1922.

Delengen uga[sunting | sunting sumber]

Referensi[sunting | sunting sumber]

Wacan Terusan[sunting | sunting sumber]

  1. Gil Loescher. The UNHCR and World Politics: A Perilous Path. Oxford University Press. 2002
  2. David Rieff. A Bed for the Night. Simon and Schuster. 2003.
  3. Fiona Terry. Condemned to Repeat? The Paradox of Humanitarian Action. Cornell University Press. 2002.
  4. Nicholas Steiner. Problems of Protection. Routledge. 2003.
  5. Tony Waters. Bureaucratizing the Good Samaritan. Westview. 2001.

Pranala jaba[sunting | sunting sumber]



Perserikatan Bangsa-Bangsa Gendéra PBB

Sistem PBB
Sidang Umum | Dewan Keamanan | Dewan Ekonomi dan Sosial
Dewan Perwalian | Sekretariat | Mahkamah Internasional

Resolusi PBB
Resolusi Sidang Umum | Resolusi Dewan Keamanan

Program lan Agensi
FAO · ICAO · ILO · IPCC · ITU · UNCTAD · UNDCP · UNDP · UNEP · UNESCO · UNFIP · UNFPA · UNHCR · UNHRC · UN-HABITAT · UNICEF · UNRWA · UPU · WFP · WHO · WMO

Gendéra | Negara anggota | Negara pengamat | Sekretaris Jenderal | Markas Besar | Piagam | Tandha Penghargaan