Woh naga

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Woh Naga

Woh naga nduwèni khasiat kang gedhe tumprap kaséhatan.[1] Tuladhané woh naga bisa nyeimbangaké kadar gula darah, kanggo kaséhatan cangkem, ncegah kanker usus, ngurangi kolésterol, ncegah pendaharan lan ngobati keputihan.[1]

Woh naga biyasané dipangan arupa woh kang isih seger kanggo tamba ngelak, awit buah naga ngandhut kadar banyu kang akéh ya iku kurang luwih 90% saka abote buah.[1] Rasane legi awit ngandhut kadar gula nganti 13-18 briks.[1] Woh naga uga bisa digawé jus, sari buah, manisan lan selai.[1]

Gizi[sunting | besut sumber]

Miturit AL Leong saka Johncola Pitaya Food R&D, organisasi kang neliti woh naga abang, ngandaraké yèn buah kaktus madu iku nduwèni akéh vitamin lan mineral kang bisa ningkataké daya tahan awak lan njaga métabolisme ing awak manungsa.[1]

Panalitén iki uga nerangaké yén woh naga apik kanggo njaga sistem peredaran darah, ngurangi emosi lan nétralaké toksik ing darah. Saliyané iku, buah naga uga bisa ncegah kolésterol ing darah lan nglunturaké lemak ing awak.[1]

Khasiat[sunting | besut sumber]

Woh naga abang nduwèni khasiat bisa ningkataké métabolisme awak, njaga kaséhatan jantung, nduwèni serat kang bisa ncegah kanker usus, kencing manis lan kena kanggo diét, nduwèni karotin kanggo kaséhatan mripat, nguwataké kerja otak lan nduwèni kalsium kang migunani tumprap kaséhatan tulang.[1]

Woh naga uga ngandhut zat besi kang bisa nambah darah, vitamin B1 kang bisa ncegah demam, vitamin B2 kang nambah nepsu mangan, vitamin B3 kang ngurangi kadar kolésterol, lan vitamin C kang nduwèni khasiat kanggo ncegah kukul lan ngalusaké kulit.[2]

Saliyané ngandhut serat, woh naga uga bisa ngiket zat karsinogen kang maragaké kanker.[3] Woh naga nduwèni rasa kang legi, kecut, campur seger.[3] Kanthi rasa iki, woh naga bisa dadi camilan kang nyéhataké.[3] Saliyané iku woh naga uga bisa digawé jus, lan ès buah.[3] Woh naga uga bisa digawé puding lan isi pay.[3]

Habitat[sunting | besut sumber]

Woh naga asalé saka Mèksiko.[1] Ananging ing Mèksiko woh naga ora patiya moncèr.[1] Sawisé digawa ing Vietnam, woh naga lagi dikenal masyarakat.[1] Woh baga banjur moncér ing nagara-nagara ing Asia Tenggara.[1]

Woh naga nduwèni kulit kang ana sisiké.[1] Sisiké mirip kaya ula gedhé kang biyasané ndampingi patung ing méja altar persembahan kang cacahé loro.[1] Saben perayaan taun Baru Imlèk, woh naga uga dadi panganan wajib.[1] Woh naga dipercaya bisa marakaké berkah.[1]

Ing Vietnam, woh naga diarani Thanh long utawa clever dragon, dene ing masyarakat China diarani Feuy Long Kwa.[1] Ing dhaérah Méksiko woh naga diarani Pitahaya.[1]

Mangan woh naga cacahé siji utawa 250 gram saben esuk lan soré sajroné wolung dina bisa ngurangi kadar gula darah.[4] Iki migunani banget kanggo wong kang nduwé penyakit diabétes.[4] Sajroné mangan woh naga sajroné wolung dina iki, luwih becik ora mangan sega, awit sega uga dadi sumber gula kanggoné wong kang nandang diabétes.[4]

Miturut Prof. Dr. Muhammad Yusuf ahli pengobatan tradisional China, sajroné kabudayan Tionghoa, woh naga dipercaya bisa ngalusaké kulit rai saéngga bisa katon seger.[4] Saliyané iku, woh naga uga bisa kanggo ngobati penyakit kayata kanker, tumor lan jantung.[4] Woh naga uga kena kanggo tamba panas dalam awit woh naga nduwèni efek ngadhemaké.[4]

Anatomi[sunting | besut sumber]

Woh naga nduwèni kulit wernane ngejreng, kulité ora mulus ananging nduwèni lapisan-lapisan kaya sisik ula gedhe utawa naga.[1] Daging wohé awerna putih, abang utawa ungu.[1] Wiji woh naga wernané ireng.[1] Tekstur wiji woh naga padha kaya wiji selasih.[1] Déné rasané woh naga méh mirip kaya woh kiwi.[1] [1]

Agrowisata[sunting | besut sumber]

Woh naga biyasané ana uga kang digawé agrowisata.[5] Kebon woh naga kang bisa dadi panggonan kanggo liburan lan methik woh naga dhéwé.[5] Tuladhané ing dhaérah Kulon Progo, ing pinggir pasisir Glagah.[5] Ing kono bisa katemokaké kebun agrowisata woh naga.[5]

Chatetan suku[sunting | besut sumber]

  1. ^ a b c d e f g h i j k l m n o p q r s t u v w x y z aa ab ac ad ae af ag ah ai aj ak al am an (id)http://lifestyle.okezone.com(dipunundhuh tanggal 12 Mei 2011)
  2. ^ (id)http://www.lintasberita.com(dipunundhuh tanggal 12 Mei 2011)
  3. ^ a b c d e (id)http://www.hanyawanita.com(dipunundhuh tanggal 12 Mei 2011)
  4. ^ a b c d e f (id)http://carahidup.um.ac.id(dipunundhuh tanggal 12 Mei 2011)
  5. ^ a b c d (id)http://www.jogjatrip.com(dipunundhuh tanggal 12 Mei 2011)

Galeri[sunting | besut sumber]

Sumber artikel punika saking kaca situs web: "https://jv.wikipedia.org/w/index.php?title=Woh_naga&oldid=999437"