Pucuk abang

Saka Wikipédia Jawa, bauwarna mardika basa Jawa
Infobox spesiesPucuk abang
Syzygium myrtifolium
Godhong, kembang, lan woh tuwuhan pucuk abang / ꦒꦺꦴꦝꦺꦴꦁ꧈ ꦏꦼꦩ꧀ꦧꦁ꧈ ꦭꦤ꧀ ꦮꦺꦴꦃ ꦠꦸꦮꦸꦲꦤ꧀ ꦥꦸꦕꦸꦏ꧀ ꦲꦧꦁ
Rekaman Pertal
Takson
Masalah Lua ing package.lua larik 80: module 'Modul:Wikidata/labels' not found.
SpesiesSyzygium myrtifolium
Walp.
Tata nama Pertal
Sinonim takson Pertal Eugenia oleina Pertal
Modifica les dades a Wikidata

Pucuk abang atawa godhong pucuk abang (Syzygium myrtifolium) (Jawa: ꦒꦺꦴꦝꦺꦴꦁ ꦥꦸꦕꦸꦏ꧀ ꦲꦧꦁ, Indonésia: daun pucuk merah) kalebu spesies tuwuhan sing dikenal minangka tanduran hias sing kalebu saka genus Syzygium.[1] Werna tunas godhong sing mentas berkembang nduweni warna abang sing padhang dados tanduran iki duwe jeneng Pucuk Abang. Werna godhong alon-alon bakal ganti ijo nganti suwe lan tuwa. [2] Pucuk abang minangka jinis tanduran semak sing biasane digunakake minangka tanduran hias ing pekarangan omah, ruang kantor lan sapiturute lan isih kalebu ing kulawarga sing padha karo tanduran cengkeh. Yen diamati, bentuk wit lan godhong meh padha karo tanduran cengkeh . [3] [4] Tanduran iki asli kanggo Bangladesh, Kalimantan, Jawa, Semenanjung Melayu, Myanmar, Filipina, Sumatra, lan Thailand . [5]

Budidaya[besut | besut sumber]

Tanduran iki asring ditandur ing pinggir dalan, pekarangan utawi ing teras omah. Pucuk abang bisa disebar nganggo 2 cara, yaiku metode Vegetatif lan Generatif.[a][1] Kajaba saka alesan kaendahan, wit iki ditandur amarga nduweni oyod sing bisa nambahi lemah kanthi kuat kanggo ndandani lemah, nyegah lemah longsor lan ngirit cadangan banyu. [3]

Morfologi[besut | besut sumber]

Oyod pucuk abang kalebu oyod tunggang sing nyebar lan terus tuwuh gedhe. Oyode bunder lan warnae soklat. Oyod tanduran iki bisa nyengkuyung kanthi kuwat supaya tuwuhan pucuk abang bisa ngadheg; bentuk gagang bunder, kayue atos, lan ana cambium. Dhuwure saka batang pucuk abang bisa tekang dhuwur sampe 5 meter yen cukul ing lemah kang gembur lan ana nutrisie akeh; Tuwuhan pucuk abang iki godhong godhonge bentuke oval lan lancip ng pucuk godhonge, struktur godhong pucuk abang duwe balung godhong kanggo tuwuh ing saben cabang rwaning.[1]

Warna pucuk abang cukup unik, amarga yen godhong isih enom, godhong bakal dadi abang, saya suwe bakal godhong dadi ijo . Loro warna sing digabungake nggawe tanduran iki dadi warna sing apik yen katon; kembang saka pucuk abang yaiku kembang majemuk sing disusun ing gagang malai sing winates. Nalika kembang wis mekar, kembang saka tunas abang bakal katon ndas putik kang putih kanthi batang sing luwih cendhek tinimbang batang kembang. Lokasi putik tepat ana ing tengah-tengah, sanajan batang sari putih luwih dawa tinimbang putik lan nduweni jumlah sing akeh.[1]

Pucuk abang duwe woh kang bunder sing rada rata. Ing tengah sisih woh bentuke ana kothong (cekungan). Ukuran pucuk abang udakara diameter 0,7 cm. Werna woh iki cemlorot ireng nalika wis mateng.[1]

Galeri[besut | besut sumber]

Cathetan[besut | besut sumber]

  1. a b c d e FB, URL PROFIL. "Klasifikasi dan Morfologi dari Pucuk Merah (Syzygium oleana)". Sampul Pertanian. Dibukak ing 2019-11-24.
  2. "KLASIFIKASI DAN CIRI CIRI MORFOLOGI PUCUK MERAH - Materi Pertanian" (ing basa Inggris Amérika Sarékat). Diarsip saka sing asli ing 2019-07-08. Dibukak ing 2019-07-14.
  3. a b "Penanaman Pohon Pucuk Merah (Oleina syzygium) untuk rehabilitasi lahan, mencegah longsor dan menyimpan cadangan air. - Direktorat Eksekutif ITB Kampus Jatinangor" (ing basa Indonesia). Dibukak ing 2019-11-26.
  4. achmadrizal (2011-05-23). "Pucuk Merah (Syzygium Oleina)". achmadrizal's blog (ing basa Inggris Amérika Sarékat). Diarsip saka sing asli ing 2022-06-26. Dibukak ing 2019-11-26.
  5. "Syzygium myrtifolium Walp. | Plants of the World Online | Kew Science". Plants of the World Online. Dibukak ing 2019-11-26.

Katrangan kaki[besut | besut sumber]

  1. dalam kseluruhan artikel ini, tumbuhan tersebut tertulis sebagai pucuk merah atau Syzygium oleana

Link njaba[besut | besut sumber]