Kodhe pos

Kertu pos.

Kodhe pos yaiku rerangkèn angka lan/utawa aksara kang ditambahaké ing alamat layang kanggo nggampangaké prosès pamilahan layang ing Kantor Pos.

Nagara kang pisanan nganggo sistem kodhe pos yaiku Jerman ing taun 1941, banjur diiloni Inggris ing taun 1959 lan Amérika Sarékat ing taun 1963.

Nganti sasi Fèbruari 2005, 117 saka 190 nagara anggota Universal Postal Union wis duwé sistem kodhe pos dhéwé-dhéwé. Sawetara nagara kang ora duwé sistem kodhe pos antarané Irlandia, Hong Kong, Panama lan Vietnam.

Kodhe pos ing Indonésia

Kodhe pos ing Indonésia dumadi saka limang digit angka.

• Digit pisanan tegesé Provinsi:

1: Jabodetabek

2: Acèh, Sumatra Lor, Sumatra Kulon, Riau, Kapuloan Riau

3: Bengkulu, Jambi, Bangka Belitung, Sumatra Kidul, Lampung

4: Banten, Jawa Kulon

5: Jawa Tengah, Yogyakarta

6: Jawa Wétan

7: Kalimantan

8: Bali, Nusa Tenggara

9: Sulawesi, Maluku, Papua

• Digit kaloro tegesé Kutha
• Digit katelu tegesé Kabupatèn
• Digit kapapat tegesé Kacamatan
• Digit kalima tegesé Kalurahan

Kajaba mligi tumraping kodhe pos Jakarta:

• Digit katelu tegesé Kacamatan
• Digit kapapat tegesé Kalurahan
• Digit kalima padha karo 0

Pranala njaba

• PT Pos Online
  • Pencarian kode pos nasional PT Pos Archived 2008-09-13 at the Wayback Machine.
• Universal Postal Union - Organisasi kode pos internasional