Praja Sriwijaya

Saka Wikipédia Jawa, bauwarna mardika basa Jawa
(Kaelih saka Karajan Sriwijaya)

Pambuka[besut | besut sumber]

Karajan Sriwijaya iku kraton maritim gedhé ing Nusantara, iku sakiwa-tengené abad 7 nganti 15 Masehi. Karajan iki dibangun déning raja Dapunta Hyang Sri Jayanaga ing kiwa-tengené kutha Palembang saiki.

Sumber sajarah[besut | besut sumber]

Sumber sajarah kraton iki bisa ditemo'ke saking 6 iji prasasti kang ditulis nganggo basa Melayu kuna lan nganggo huruf Pallawa uga wis ana tulisan taun kang nganngo angka taun saka.

Prasasti-prasasti tilas kraton Sriwijaya yaiku:

  1. Prasasti kedukan bukit
  2. Prasasti talang tuo
  3. Prasasti telaga watu
  4. Prasasti kutha kapur
  5. Prasasti karang berahi
  6. Prasasti palas pasemah

Saliyané iku uga ana cathetan bab kraton Sriwijaya iki ing prasasti ing luar nagari antarané:Prasasti ligor lan Prasasti nalanda, India.

Saliyane prasasti, kabar babagan Sriwijaya akeh dipikolehi saka cathethan Wangsa Tang ing Cina lan saka cathethane I-Tsing, sawijining wong lelungan saka Cina kang sinau paramasastra Sansekerta ing Sriwijaya.

Miturut cathethane I-Tsing, Sriwijaya minangka pusat ngrembakane ngelmu pangerten lan agama Buda ing Asia Kidul-wétan. I-Tsing sinau tata basa Sansekerta lan teologi Buda ing Sriwijaya. I-Tsing uga ngalih-aksara kitab-kitab suci agama Buda ing njero Basa Cina.

Sriwijaya tekan jaman majune nalika diprentah Prabu Balaputradewa. Sang Prabu malah wis njalin hubungan marang Praja Benggala lan Praja Chola ing Indhi.

Sriwijaya uga misuwur minangka praja maritim lan nduweni armada sagara. Uga minangka pusat dedagangan ing Asia Kidul-wetan amarga nguwasani 2 supitan gedhe kang penting ing dedagangan, Selat Melaka lan Selat Sundha.

Runtuh[besut | besut sumber]

Karajan Sriwijaya runtuh ing taun 1477 Masehi wektu iku Sriwijaya diserbu Majapait kang arep nguwasani pulo Sumatera. Sedurunge uga wis ana serangan saking kraton liya antarané:

  • Serbuan Prabu Dharmawangsa saka Medang taun 990 Masehi, wektu iku Sriwijaya diprentah raja Sri Sudarmaniwarmadewa
  • Serbuan kraton Colamandala (India kidul) taun 1023, 1030, lan taun 1068 wektu iku kang jumeneng nata Sri Sangramawijayatunggawarman kang akhire ditawan.
  • Dilurugi Prabu Kertanagara (1275).
  • Dilurugi Gajah Mada (1377).

Taun 1414 pangeran pungkasan kraton Sriwijaya yaiku Parameswara, nganut agama Islam lan ijrah ing Ujung Malaya yasa Kasultanan Melaka.

Sriwijaya pungkasane ambruk nalika Majapait wiwit ngrembaka ing Jawa.