Julia Perez

Saka Wikipédia Jawa, bauwarna bébas abasa Jawa
Julia Perez
Julia perez seksi.jpg
Lair Yuli Rachmawati
Jeneng liya Julia Perez, Jupe
Pakaryan Penyanyi, pemeran, modhèl, presenter
Taun aktif 2002-saiki
Bojo Damien Perez (cerai)
Gaston Castano

Julia Perez (lair ing Jakarta, 15 Juli 1980 – pati ing Jakarta, 10 Juni 2017 ing yuswa 36 taun iku penyanyi dangdut, modhèl, pamain sinétron dan présènter Indonésia. Dhèwèké kerep katon lan foto seksi, mula diarani "bom seks".[1][2] Dhèwèké miwiti karire ing Prancis. Perkenalane karo modhel lanang Damien Perez (Yusuf Perez) kang banjur dadi garwane mbuka kasempatan kanggo dhèwèké tampil minangka modhel kalawarta FHM lan Maxim ing Prancis. Kanthi panampilane ing FHM lan Maxim, Jupe éntuk nominasi 100 wong wadon paling seksi versi kalawarta FHM lan Maxim.[3]

Jenenge wiwit musuwur sawisé dhèwèké meranake pirang-pirang sinétron lan filem layar lebar.[4] Ing sasi April 2008, Julia Perez terjun ing donya dangdut.[5] Dhèwèké banjur rilis album perdanae kang irah-irahane Kamasutra. Ing album iku, Jupe aweh kondom kang diselipake ing samak albume.[6] Sanajan Jupe ngandharake alesan penyertaan kondom ing saben albume iku mung kanggo ncegah panyebaran lelara HIV/AIDS sarta mpromosikake safesex lan Keluarga Berencana (KB),[7] nanging akèh pihak kang nganggep tumindake iku wujud tumindak asusila lan panjurung marang budaya seks bébas.Menteri Pemberdayaan Perempuan, Meutia Hatta ngandharake kanthi terang-terangan yèn tumindake Jupe iku bisa diinterpretasikake minangka panjurung seks bébas.[8] Akibat saka panampilane kang seksi sarta album Kamasutra kang bonus kondom, dhèwèké kerep dicekal ing Indonésia, kaya ing Nusa Tenggara Barat, Riau, Palembang, Balikpapan lan Bengkulu.[9]

Karier[besut | besut sumber]

Julia Perez ngawali karire lumantar latihan minangka sekretaris ing perusahaan swasta lan duwé kasempatan nerusaké pendhidhikan ing Walanda.[10] Dhèwèké banjur kenalan karo modhel lanang saka Prancis, Damien Perez (Yusuf Perez). Kenalane karo Damien mbuka kasempatan dhèwèké tampil minangka modhel kalawarta FHM lan Maxim ing Prancis. Kanthi panampilane ing FHM lan Maxim, Jupe éntuk nominasi 100 wong wadon paling seksi versi kalawarta FHM lan Maxim.

Ing taun 2002-2003, Jupe wiwit kaloka ing Indonésia lumantar sinétron Cinta Lokasi, Komedi Nakal, Penjaga Pasisir, Lepas Malam, Maafkan Aku, Rahasia Ilahi, Hidayah, Doa, Mimpi Manis, lan Perempuan Teraniaya.

Persatuan Catur Seluruh Indonésia (PERCASI) ndadèkaké Julia dadi ikone, ditandhani kanthi diluncurake turnamen "Julia Perez Rapid Chess Open Tournament" ing gedhong Piramyd BPG, Senayan, Jakarta, Indonésia ing tanggal 5 Oktober 2006.[11]

Jupe uga main ing pirang-pirang filem layar lebar, kaya ta Susahnya Jadi Perawan, Beranak Dalam Kubur lan The Shaman.[12] Ing filem Beranak dalam Kubur, dhèwèké main dadi setan.[13]

Ing sasi Agustus 2007, Julia Perez dadi pambawa acara bal-balan ing tetandhingan bal-balan antarané Persija lan PSS Sléman ing Stadion Lebak Bulus.[14] Dhèwèké ngaku dadi presenter kanggo nambani rasa kangene marang garwane. Miturute, akèh pemain bal-balan Indonésia kang bagus mula bisa nambani rasa kangene.

Julia Perez wiwit terjun ing donya musik dangdut ing sasi April 2008 lan rilis album perdana kang irah-irahane Kamasutra kang bonus kondom. Sadurungé rilis album, dhèwèké wis nyinaoni dangdut. Julia uga les vokal lan duwé goyang andhalan kang dijenengi "goyang blendher".[15][16] Dhèwèké uga bisa dadi juara nomer siji kompetisi musik "Selebriti Mendadak Dangdut" kang dianakake ing ANTV.[17]

Taun 2010 diwarnai kanthi muncule kontroversi babagan pencalonan Julia Perez minangka calon wakil bupati Pacitan. Nanging, ing sasi Agustus 2010, Jupe ngaku yèn dhèwèké wis mundur.[18] Nganti akir taun 2010, tepate tanggal 14 Dhésèmber 2010, Jupe dadi tersangka kasus penganiayaan karo pedangdut Dewi Perssik.[19]

Urip Pribadi[besut | besut sumber]

Jupe iku wong wadon keturunan Sunda-Batawi. Dhèwèké nikah karo Damien Perez ing Prancis tanggal 7 Oktober 2002. Sanajan wis suwi nikah karo Damien Perez, kekarone durung dikaruniai anak. Jupe tau keguguran ing taun 2007.[20] Pada beberapa Ing pirang-pirang kasempatan, Jupe carita yèn dhèwèké nunda "momongan" amarga péngin konsèntrasi ing kariere.[21][22]

Nikahane karo Damien wiwit éntuk cobaan. Ing awal taun 2009, Jupe katon cedhak karo pemain bal saka Argentina kang main ing klub Persiba, Gaston Castaño. Jupe wis wani [23] dolan bareng Gaston ing awal sasi Maret 2009. Kekarone katon mesra mesra lan intim[24] nalika dolan ing pasisir.

Sawisé pegatan karo Damien Perez, Jupe sempet kena gugatan panggunaan jeneng kulawarga déning pihak Damien Perez kang ngrasa yèn jeneng kulawarga 'Perez' kang dienggo Jupe iku kunci kang gawé Jupe tambah misuwur, mula Damien Perez gugat Jupe, lan Jupe kudu mbayar dhuwut kang cukup akèh. Sawisé Jupe ngrampungaké kasus iku, Jupe kang dadi pemenange, dhèwèké nerusaké karire kaya biyasane lan uga isih tetep ncetak prèstasi kang anyar, sanajan uripé pancen akèh kontroversi.

Cedhake karo Gaston Castano uga sansaya apik, mula saiki Jupe statuse dadi pacare pemain Persiba iki lan tetep gayutan apik, sanajan ana isu yèn kulawarga Jupe ora setuju yèn dhèwèké nikah karo Gaston Castano.

Kontroversi[besut | besut sumber]

Julia Perez katon lan pose seksi mula dhèwèké kerep dicekal. Dhèwèké dicekal ing Bengkulu amarga kerep katon seksi.[25] Barengan karo Dewi Persik, Annisa Bahar, Inul Daratista, Uut Permatasari, Trio Macan, Ira Swara dan Nita Thalia, dhèwèké dicekal déning Majelis Ulama Indonesia (MUI) Sumatra Selatan terkait larangan ngatonake artis iku ing Pilkada Sumatra Selatan 2008.[26] Rencana tekané Julia Perez lan Melly Zamri marang Pekanbaru kanggo meriahake dina kemerdekaan Indonésia tanggal 17 Agustus 2008 gagal amarga dicekal déning MUI Pekanbaru.[27]

Albume kang bonus kondom uga ana kontroversi lan dhèwèké dadi dicekal. Namung nembé seminggu dirilis, album Jupe wis dicekal ing Nusa Tenggara Barat[28] lan Balikpapan.[29] Dhewke malahan diusir saka Pelabuhan Tanjung Pérak, Surabaya, amarga bagi-bagekake kondom ing kana.[30] Sanajan dhèwèké carita tujuane kanggo ndhukung program Keluarga Berencana (KB) lan nglawan AIDS, Menteri Pemberdayaan Perempuan Meutia Hatta ngandharake yèn tumindak iku bisa diinterpretasikake minangka panjurung seks bébas, apa manèh lirik lagu ing album Kamasutra nguwatake dhugaan iku.

Video klip Julia Perez dicekal ing kabèh stasiun TV ing Indonésia.[31] Video klip iku disutradarai déning Khemod saka rumah produksi Cerahati. Nganti saiki Jupe durung bisa ngerteni alesan pancekalan iku, padahal video klip iku wis lulus sensor lan genre komedi.

Ana kabar babagan operasi gedhekake susu kang dilakoni Juoe, nanging Julia Perez mbantah.[32] Rumor iki nyebar amarga ana jeneng Julia Rahmawati minangka pasien ing klinik ing kawasan Mega Mendung, Bogor, kang disinyalir mbuka praktek rekonstruksi susu.

Foto syur Julia Perez uga nyebar ing internet. Nalika koleksi foto-foto syur iku muncul ing koran terbitan kutha krajan, Julia Perez nglaporake menyang Yanmas Polda Metro Jaya ing tanggal 6 Maret 2007.[33][34] Nanging, amarga ora péngin kasuse tambah suwé, Jupe pun akhire ncabut laporane ing tanggal 21 Maret 2007. Jupe carita yèn iki dilakokake sawisé telung juru foto iku wis njaluk ngapura menyang dhèwèké kang sadurungé dilakoke patemonan kanthi kooperatif lan kondusif. Kanggone, masalah iki wis dianggep rampung sanajan abot amarga dhèwèké dadi kurban.[35]

Sinematografi[besut | besut sumber]

Film[besut | besut sumber]

  • 2007 Nagabonar Jadi 2
  • 2007 Coklat Stroberi
  • 2007 Beranak Dalam Kubur
  • 2008 Susahnya Jadi Perawan
  • 2008 Basahhh...
  • 2008 The Shaman
  • 2009 Hantu Jamu Gendong
  • 2009 Sumpah, (Ini) Pocong!
  • 2009 Kuntilanak Kamar Mayat
  • 2009 Bukan Cinta Biyasa
  • 2009 Mau Dong Ah
  • 2009 Jeritan Kuntilanak
  • 2009 Suami Suami Takut Istri
  • 2010 Sst...Jadikan Aku Simpanan
  • 2010 Te(Rekam)
  • 2010 Istri Bo'ongan
  • 2011 Arwah Goyang Jupe-Depe
  • 2011 Kuntilanak Kesurupan

Sinetron[besut | besut sumber]

  • Cinta Lokasi
  • Ilahi
  • Komedi Nakal
  • Iman
  • Mimpi Manis
  • Hidayah
  • Do'a
  • Superboy

Diskografi[besut | besut sumber]

Cathetan sikil[besut | besut sumber]

  1. ^ www.suryalive.com Julia Perez Jadi Cewek Impian (kaundhuh tanggal 2 Agustus 2011)
  2. ^ www.kapanlagi.com Julia Perez Tak Risih Dijuluki Bomseks (kaundhuh 2 Agustus 2011)
  3. ^ rohmad.net Album Julia Perez Berhadiah Kondom (kaundhuh tanggal 2 Agustus 2011)
  4. ^ www.kapanlagi.com Julia Perez, Jadi Bintang Film 'BERANAK DALAM KUBUR' (kaundhuh tanggal 1 Agustus 2011)
  5. ^ www.youtube.com Julia Perez terjun ke donya Dangdut (kaundhuh tanggal 31 Juli 2011)
  6. ^ Kapan.lagi.com Jupe Bagi-Bagi Kondom Gratis di Album Baru (kaundhuh tanggal 1 Agustus 2011)
  7. ^ kapanlagi.com Soal Kasus Kondom, Julia Perez Insaf)kaundhuh tanggal 1 Juli 2011)
  8. ^ kapanlagi.com Meuthia Hatta: Masarakat Risih Aksi Jupe dan Dewi Persik (kaundhuh tanggal 1 Juli 2011)
  9. ^ www.juliaperes.info Julia Perez dicekal (kaundhuh tanggal 2 Agustus 2011)
  10. ^ www.silatlidah.com Profil Panelis Silat Lidah (kaundhuh tanggal 1 Agustus 2011)
  11. ^ www.kapanlagi.com Julia Perez Jadi Ikon Catur Nasional (kaundhuh tanggal 1 Agustus 2011)
  12. ^ www.kapanlagi.com Julia Perez, Jadi Bintang Film 'BERANAK DALAM KUBUR' (kaundhuh tanggal 2 Agustus 2011)
  13. ^ www.kompas.com Julia Perez Jadi Setan (kaundhuh tanggal 1 Agustus 2011)
  14. ^ www.antara.co.id Obati Kangen, Julia Perez Jadi Pembawa Acara Bola (kaundhuh tanggal 1 Agustus 2011)
  15. ^ www.kapanlagi.com Julia Perez Tekuni Musik Dangdut (kaundhuh tanggal 1 Agustus 2011)
  16. ^ www.kapanlagi.com Julia Perez, Si 'Goyang Blender'(kaundhuh tanggal 1 Agustus 2011)
  17. ^ www.kapanlagi.com Julia Perez Menangkan Kompetisi 'Seleb Mendut' (kaundhuh tanggal 1 Agustus 2011)
  18. ^ showbiz.vivanews.com Alasan Jupe Gagal Jadi Cawabup Pacitan (kaundhuh tanggal 1 Agustus 2011)
  19. ^ egosip.com Julia Perez Resmi Tersangka (kaundhuh tanggal 1 Agustus 2011)
  20. ^ www.kapanlagi.com Dikabarkan Punya Anak, Jupe Keguguran (kaundhuh tanggal 2 Agustus 2011)
  21. ^ www.kapanlagi.com Julia Perez Belum Berminat Punya Momongan (kaundhuh tangal 2 Agustus 2011)
  22. ^ www.kapanlagi.com JuPe, Tunda Kehamilan Demi Karier (kaundhuh tanggal 2 Agustus 2011)
  23. ^ www.kapanlagi.com Julia Perez dan Gaston Castaño Liburan Bareng
  24. ^ www.kapanlagi.com Jupe dan Gaston Makin Intim
  25. ^ www.kilasberita.com Tampil Seksi, Julia Perez Dicekal
  26. ^ krajan/ infokito.net MUI Sumsel Cekal 8 Artis Kutha krajan
  27. ^ www.kilasberita.com Julia Perez Dicekal MUI Pekanbaru
  28. ^ www.kapanlagi.com CD Julia Perez Dilarang Beredar di NTB
  29. ^ www.kapanlagi.com Jupe Dicekal Pemkot Balikpapan
  30. ^ www.surya.co.id Julia Perez Diusir Saat Bagi-bagi Kondom di Pelabuhan
  31. ^ www.youtube.com Video klip Julia Perez dicekal di semua TV. 17/06/08
  32. ^ www.kapanlagi.com Julia Perez: 'Payudaraku Termahal Dong'
  33. ^ www.kapanlagi.com Foto Syur Beredar di Koran, Julia Perez Lapor Pulisi
  34. ^ www.kapanlagi.com Julia Perez, Malu Soal Foto 'Syur'
  35. ^ www.kapanlagi.com Julia Perez Cabut Laporan Soal Foto 'Syur'

Pranala njaba[besut | besut sumber]